ຊຽງຂວາງ ສໍາເລັດການສອບເສັງນັກຮຽນເກັ່ງ

 ພະແນກສຶກສາທິການ ແລະ ກີລາແຂວງ (ສກຂ) ຊຽງຂວາງ ໄດ້ສໍາເລັດການຈັດສອບເສັງແຂ່ງຂັນນັກຮຽນເກັ່ງສາຍສາມັນສຶກສາຂັ້ນຮຽນ ປ5, ມ4 ແລະ ມ7 ລະດັບແຂວງທົ່ວແຂວງຊຽງຂວາງ ປະຈໍາສົກຮຽນ 2019-2020 ໃນວັນພະຫັດອາທິດທີ່ຜ່ານມາທີ່ສະໂມສອນບ້ານກ້ວຍ ເມືອງຄໍາ ໂດຍໃຫ້ກຽດເປັນປະທານກ່າວປິດ ຂອງທ່ານ ສີຫວັດ ໄມປັນຍາ ຫົວ ໜ້າຫ້ອງການສຶກສາພະແນກ ສກຂ ພ້ອມຄະນະ, ມີຄະນະຮັບຜິດຊອບ ການສອບເສັງ, ຄະນະນໍາພານັກ ສອບເສັງມາຈາກບັນດາເມືອງ ພ້ອມດ້ວຍນ້ອງນັກສອບເສັງທັງ ໝົດ 100 ກວ່າຄົນ.

ໂອກາດນີ້ທ່ານ ບົວລິນ ພົມມະສິນ ຮອງຫົວໜ້າສູນນິເທດພະແນກ ສກຂ ໄດ້ຂຶ້ນກ່າວລາຍງານ ຜົນສໍາເລັດຂອງການຈັດສອບເສັງ ນັກຮຽນເກັ່ງລະດັບແຂວງທົ່ວ ແຂວງຊຽງຂວາງ ຄັ້ງນີ້ພາຍຫຼັງ ທີ່ດໍາເນີນມາເປັນເວລາ 2 ວັນ (29-30 ມັງກອນ 2020), ຊຶ່ງ ສົກຮຽນ 2019-2020 ນີ້ແຂວງ ຊຽງຂວາງມີນັກຮຽນເກັ່ງທີ່ເປັນຕົວແທນໃຫ້ບັນດາເມືອງສະໝັກ ເຂົ້າມາສອບເສັງນັກຮຽນເກັ່ງຂັ້ນ ແຂວງ ລວມທັງຂັ້ນຮຽນ ປ5, ມ4 ແລະ ມ7 ມີທັງໝົດ 85 ນ້ອງ ຍິງ 44 ນ້ອງ, ໃນນັ້ນຂັ້ນ ປ5 ມີ ນັກສອບເສັງທັງໝົດ  40 ນ້ອງ ຍິງ 29 ນ້ອງ, ສອບເສັງຢູ່ 3 ວິຊາຄື: ວິຊາຄະນິດສາດ, ພາສາລາວ ແລະ ວິຊາໂລກອ້ອມຕົວ, ແຕ່ລະວິຊາໃຊ້ ເວລາສອບເສັງ 120 ນາທີ; ຂັ້ນ ມ4 ມີນັກສອບທັງໝົດ 21 ຄົນຍິງ 7 ຄົນ; ຂັ້ນ ມ7 ມີນັກສອບທັງ ໝົດ 24 ຄົນ ຍິງ 8 ຄົນ.

ສໍາລັບວິຊາທີ່ນໍາມາສອບເສັງ ທັງສອງຂັ້ນຮຽນ ມ4 ແລະ ມ7 ມີທັງໝົດ 4 ວິຊາຄື: ວິຊາຄະນິດ ສາດ, ພາສາລາວ-ວັນນະຄະດີ, ເຄມີສາດ ແລະວິຊາຟີຊິກສາດ, ແຕ່ລະວິຊາໃຊ້ເວລາສອບ 120 ນາທີ່ເຊັ່ນດຽວກັນ, ຜົນການສອບ ເສັງສາມາດຄັດເລືອກໄດ້ນັກຮຽນ ເກັ່ງຂັ້ນຮຽນ ມ4 ແລະ ມ7 ຊຶ່ງ ເປັນຕົວແທນໃຫ້ແຂວງຊຽງຂວາງ ທີ່ຈະເຂົ້າຮ່ວມແຂ່ງຂັນນັກຮຽນ ເກັ່ງລະດັບຊາດທົ່ວປະເທດທີ່ຈະ ຈັດຂຶ້ນໃນທ້າຍເດືອນມີນາ 2020 ທີ່ຈະມາເຖິງນີ້ມີຄື: ມ7 ວິຊາຄະນິດສາດໄດ້ແກ່ທ້າວ ຕົ່ງມົວ ຢົງມາມົວ ຈາກໂຮງຮຽນມັດທະຍົມສົມ ບູນໂພນສະຫວັນ (ມສພ), ວິຊາ ພາສາລາວ-ວັນນະຄະດີ ນາງ ແອນນ່າ ວິລາວົງ ຈາກໂຮງຮຽນ ມສ ລາດຄ້າຍ ເມືອງຜາໄຊ, ວິຊາຟີຊິກສາດ ທ້າວ ລົງຢ່າງ ປ່າຈົງຢ່າງ (ມສພ), ວິຊາເຄມີສາດ  ທ້າວທະນົງສັກ ຄູນມາລາ (ມສພ); ມ4 ວິຊາຄະນິດສາດໄດ້ແກ່ທ້າວ ຄໍາກູ້ ຫັງ ຈາກໂຮງຮຽນມັດທະ ຍົມສົມບູນໂພນສະຫວັນ (ມສພ), ວິຊາພາສາລາວ-ວັນນະຄະດີ  ນາງ ຂວັນຕາ ພົມມະຈັນ ຈາກໂຮງຮຽນ ມສ ລາດຄ້າຍ ເມືອງຜາ ໄຊ, ວິຊາຟີຊິກສາດ ທ້າວ ສອນ ສະໝຸດ ວົງທອງຈິດ (ມສ ແຮັກ ມ໋ານໄມເນີ້), ວິຊາເຄມີສາດ ນາງ ປ່າຮົ່ວວ່າງ ຊົວມະ (ມສພ); ສໍາລັບຜົນການສອບເສັງນັກຮຽນເກັ່ງ ຂັ້ນ ປ5 ຈະບໍ່ມີການສອບເສັງ ລະດັບຊາດຂັ້ນສູງສຸດຢູ່ລະດັບແຂວງ, ວິຊຄະນິດສາດໄດ້ແກ່ນາງ ນໍ້າຝົນ ໄຊຍະສິດ ປະຖົມບົວ ມະນີຈັນ, ວິຊາພາສາລາວ ທ້າວ ໂຕໂນ່ ພັນທະວົງ ປະຖົມເຈນນິ ດາ, ວິຊາໂລກອ້ອມຕົວ ນາງ ວິ ລາວັນ ຜາຍອຸດອນ ປະຖົມເຈນ ນິດາ ເຊັ່ນດຽວກັນ, ສ່ວນວ່າຜົນຂອງການຕອບ-ຖາມຄວາມຮູ້ຮອບ ຕົວທີ I ເມືອງໝອກ, ທີ II ເມືອງ  ຄໍາ ແລະທີ III ເມືອງແປກ.

แชร์