ຊາວໜຸ່ມຮາກຖານ ວິທະຍາໄລການເງິນພາກເໜືອ ຮັບນາມມະຍົດ 4 ບຸກ

  ວັນທີ 30 ມັງກອນ ຜ່ານມາ ທີ່ຫ້ອງປະຊຸມຂອງວິທະຍາ ໄລການເງິນພາກເໝືອໄດ້ຈັດພິທີ ມອບ-ຮັບນາມມະຍົດໃບຢັ້ງຢືນເປັນໜ່ວຍຊາວໜຸ່ມປະຊາຊົນປະຕິວັດລາວ ຮາກຖານ 4 ບຸກຄັ້ງ ທີ I ຂອງໜ່ວຍຊາວໜຸ່ມຮາກ ຖານວິທະຍາໄລການເງິນພາກເໜືອໃຫ້ກຽດເປັນປະທານເຂົ້າຮ່ວມ ໂດຍສະຫາຍ ໄພວັນ ຈັນທະສຸກ ຮອງເລຂາຄະນະບໍລິຫານ ງານຊາວໜຸ່ມປະຊາຊົນປະຕິວັດ ລາວ ແຂວງຫຼວງພະບາງ, ສະຫາຍສີສະຫວັນ ປັນຍາສະຫວັດ ຮອງເລຂາໜ່ວຍພັກວິທະຍາໄລ ການເງິນພາກເໜືອພ້ອມດ້ວຍຄູ-ອາຈານພະນັກງານທີ່ກ່ຽວຂ້ອງ ແລະນັກສືກສາໃຫ້ກຽດເຂົ້າຮ່ວມ.

  ສະຫາຍ ທັດສະພອນ ພູມມະວົງ ເລຂາຊາວໜຸ່ມຮາກຖານວິທະຍາໄລການເງິນພາກເໜືອໄດ້ຂຶ້ນ ຜ່ານບົດສະຫຼຸບການຈັດຕັ້ງປະຕິບັດເນື້ອໃນຂໍ້ແຂ່ງຂັ້ນ 4 ບຸກ ແລະທິດທາງແຜ່ນການຕໍ່ໜ້າວ່າ: ຜ່ານການຈັດຕັ້ງ ແລະປະເມີນ ກວດການ 4 ບຸກ ໃນສົກປີຜ່ານ ມາຄະນະຊາວໜຸ່ມພາຍໃນໜ່ວຍ ໄດ້ຖືເອົາວຽກງານສຶກສາອົບຮົມ ການເມືອງ-ແນວຄິດເປັນສິ່ງສຳ ຄັນ, ໂດຍສະເພາະແມ່ນການຈັດຕັ້ງ ການຮຽນ-ການສອນ ແລະເຊື່ອມ ຊຶມນະໂຍບາຍຂອງພັກ,ລະບຽບ ກົດໝາຍຂອງລັດ, ມະຕິຄຳສັ່ງ, ແຜນພັດທະນາເສດຖະກິດຂອງ ແຂວງ, ຂອງໜ່ວຍພັກ ແລະພັດທະນາຂອງຊາວໜຸ່ມວາງອອກ ເປັນແຕ່ລະໄລຍະ, ປະຈຸບັນຄະນະ ບໍລິຫານງານຊາວໜຸ່ມວິທະຍາໄລ ການເງິນພາກເໜືອມີທັງໝົດ 5 ສະຫາຍ, ຍິງ 1ສະຫາຍ, ສະມາຊິກຊາວໜຸ່ມຄູອາຈານ ແລະນັກ ສຶກສາທັງໝົດ 752 ສະຫາຍ, ຍິງ 504 ສະຫາຍ, ສະມາຊິກພັກສົມບູນ 27 ສະຫາຍ, ຍິງ 8 ສະຫາຍ, ສະມາຊິກກຳມະບານ394ສະຫາຍ,ຍິງ 243 ສະຫາຍ, ສະມາຊິກສະຫະພັນແມ່ຍິງ 369 ສະຫາຍ, ເມື່ອ ລວມຕາມຂໍ້ແຂ່ງຂັ້ນ 4 ບຸກ ຂອງ ໜ່ວຍຊາວໝຸ່ມວາງອອກສາມາດ ສະຫຼຸບ ແລະປະເມີນແຕ່ລະດ້ານຄື: ດ້ານແນວຄິດ ກວມ 95,47%, ດ້ານການຝຶກຝົນຫໍ່ຼຫຼອມ-ຮໍ່າຮຽນ ກວມ 94,14%, ດ້ານການຈັດຕັ້ງ ກວມ 96,56%, ດ້ານວຽກ ເຮັດງານທຳ ກວມ 93,95%, ລວມຄະແນນທັງໝົດໄດ້ 16.345 ຄະແນນກວມເອົາ 95,03% ຈັດເປັນປະເພດແຂງຮອບດ້ານ ແລະ ແຜນທິດທາງໃນຕໍ່ໜ້າແມ່ນຈະ ສືບຕໍ່ຂະບວນການແຂ່ງຂັນ 4 ບຸກໃຫ້ປະກົດຜົນເປັນຈິງ ແລະສ້າງ ໃຫ້ສະມາຊິກຊາວໜຸ່ມມີຄວາມ ຮັກຊາດຮັກລະບອບໃໝ່, ມີຄວາມ ດຸໜັ່ນຂະຫຍັນອົດທົນ, ມີແນວຄິດຊື່ສັດບໍລິສຸດ ແລະມີຄວາມອຸ່ນອ່ຽງ ທຸ່ນທ່ຽງຕໍ່ໜ້າທີ່ການງານມີແບບ ແຜນວິທີການເຄື່ອນໄຫວທີ່ຖືກ ຕ້ອງຕາມຂັ້ນເທິງມອບໝາຍໃຫ້.

  ຈາກນັ້ນສະຫາຍ ສີສະຫວັນ ປັນຍາສະຫວັດ ໄດ້ຂຶ້ນມອບນາມ ມະຍົດໃບຢັ້ງຢືນໜ່ວຍຊາວໜຸ່ມປະຊາຊົນປະຕິວັດລາວ ຮາກຖານ 4 ບຸກໃຫ້ແກ່ຄູ-ອາຈານຈໍານວນ 42 ສະຫາຍ, ຍິງ 18 ສະຫາຍ ແລະນັກສຶກສາທີ່ເປັນມະຫາຊົນຜູ້ກ້າຫານຂຶ້ນຮັບກາຊາວໜຸ່ມຈຳນວນ 3 ສະຫາຍ, ຍິງ 2 ສະຫາຍ, ອະນຸມັດລາອອກຈາກສະມາຊິກຊາວ ໜຸ່ມ ຈຳນວນ 5 ສະຫາຍ, ຍິງ 2 ສະຫາຍ.

  ຫຼັງຈາກນັ້ນສະຫາຍ ໄພວັນຈັນທະສຸກ ໄດ້ຂຶ້ນກ່າວວ່າ: ຊົມເຊີຍໝາກຜົນທີ່ສະມາຊິກຊາວໜຸ່ມ ສາມາດຍາດແຍງມາໄດ້ຈົ່ງຕັ້ງໜ້າສຸມເຫື່ອແຮງສະຕິປັນຍາເຂົ້າໃນ ວຽກງານປັບປຸງກົງຈັກການຈັດ ຕັ້ງໃຫ້ມີຄວາມເຂັ້ມແຂງເຊື່ອມຊຶມເຜີຍແຜ່ເອກະສານໃຫ້ແກ້ສະມາຊິກຊາວໜຸ່ມພາຍໃນໜ່ວຍຮັບຮູ້ ກຳແໜ້ນ ແລະເຂົ້າໃຈຈະແຈ້ງເລິກ ເຊິ່ງກ່ຽວກັບບັນດາເນື້ອໃນເພື່ອ ນຳໄປຈັດຕັ້ງປະຕິບັດຜັນຂະຫຍາຍ ເຂົ້າໃນວິຊາສະເພາະຂອງຕົນໃຫ້ ສອດຄ່ອງກັບຕົວຈິງ.

แชร์