ສຳເລັດການແຂ່ງຂັນກີລານັກຮຽນມັດທະຍົມ ທົ່ວແຂວງບໍລິຄຳໄຊ

ງານແຂ່ງຂັນກີລາ-ສີລະປະ ນັກຮຽນມັດທະຍົມສຶກສາສົມບູນ ຄັ້ງທີ IV ທີ່ເມືອງຄຳເກີດ ແຂວງ ບໍລິຄຳໄຊ ເປັນເຈົ້າພາບໄດ້ໄຂຂຶ້ນໃນວັນທີ 27 ມັງກອນ ແລະໄດ້ ອັດລົງຢ່າງເປັນທາງການໃນວັນທີ 30 ມັງກອນ 2020 ຢູ່ເດີ່ນກີລາ ມສ ນະຄອນໄຊ ໃຫ້ກຽດເຂົ້າ ຮ່ວມຂອງທ່ານ ບຸນມາ ບຸຈະເລີນ ຮອງເຈົ້າແຂວງບໍລິຄຳໄຊ ທັງ ເປັນປະທານຈັດງານແຂ່ງຂັນມີ ການນຳຂອງແຂວງ, ຂອງເມືອງ, ແຂກຖືກເຊີນ, ຄູຝຶກ, ນັກກີລາ ແລະມວນຊົນຊາວເມືອງຄຳເກີດ ເຂົ້າຮ່ວມ.

   ການຈັດງານແຂ່ງຂັນກີລາ-ສີລະປະນັກຮຽນມັດທະຍົມສຶກສາສົມບູນທົ່ວແຂວງ ຄັ້ງທີ IV ເມືອງ ປາກຊັນ ໄດ້ສົ່ງນັກກີລາເຂົ້າຮ່ວມ ແຂ່ງຂັນ 6 ປະເພດ, ສີລະປະ 2 ລາຍການ, ມີຄະນະນຳ-ຄູຝຶກນັກ ກີລາເຂົ້າຮ່ວມແຂ່ງຂັນ 105 ຄົນ, ຍິງ 37 ຄົນ, ເມືອງທ່າພະບາດ ໄດ້ສົ່ງນັກກີລາເຂົ້າຮ່ວມແຂ່ງຂັນ 6 ປະເພດ, ສີລະປະ 2 ລາຍການ,ມີຄະນະນຳ-ຄູຝຶກນັກກີລາເຂົ້າ ຮ່ວມແຂ່ງຂັນ 105 ຄົນ, ຍິງ 44 ຄົນ, ເມືອງບໍລິຄັນໄດ້ສົ່ງນັກກີລາເຂົ້າຮ່ວມແຂ່ງຂັນ 3 ປະເພດ, ສີລະປະ 1 ລາຍການ, ມີຄະນະນຳ-ຄູຝຶກນັກກີລາເຂົ້າຮ່ວມແຂ່ງຂັນ 41 ຄົນ, ຍິງ 19 ຄົນ, ເມືອງປາກກະດິງ ໄດ້ສົ່ງນັກກີລາເຂົ້າຮ່ວມ ແຂ່ງຂັນ 6 ປະເພດ, ສີລະປະ 2ລາຍການ, ມີຄະນະນຳ-ຄູຝຶກນັກ ກີລາເຂົ້າຮ່ວມແຂ່ງຂັນ 122 ຄົນ, ຍິງ 44 ຄົນ, ເມືອງວຽງທອງ ໄດ້ ສົ່ງນັກກີລາເຂົ້າຮ່ວມແຂ່ງຂັນ 5 ປະເພດ, ສີລະປະ 2 ລາຍການ,  ມີຄະນະນຳ-ຄູຝຶກນັກກີລາເຂົ້າ ຮ່ວມແຂ່ງຂັນ 80 ຄົນ, ຍິງ 13 ຄົນ, ເມືອງໄຊຈຳພອນ ສົ່ງນັກກີ ລາເຂົ້າຮ່ວມແຂ່ງຂັນ  2  ປະເພດ, ສີລະປະ 1 ລາຍການ, ມີຄະນະ ນຳ-ຄູຝຶກນັກກີລາເຂົ້າຮ່ວມແຂ່ງ ຂັນ 35 ຄົນ, ຍິງ 15 ຄົນ ແລະ ເມືອງຄຳເກີດ ເຈົ້າພາບສົ່ງນັກກີລາເຂົ້າຮ່ວມແຂ່ງຂັນ 5 ປະເພດ, ສີລະປະ 2 ລາຍການ, ມີຄະນະ ນຳ-ຄູຝຶກນັກກີລາເຂົ້າຮ່ວມແຂ່ງ ຂັນ 155 ຄົນ, ຍິງ 46 ຄົນ.

ການແຂ່ງຂັນ 6 ປະເພດກີລາ ຄື: ກີລາແລ່ນ–ລານ, ກີລາບານ ເຕະ, ກີລາບານສົ່ງ, ກີລາເປຕັງ, ກີລາກະຕໍ້ ແລະກີລາໝາກເສິກ, ຊີງຫຼຽນທັງໝົດ 93 ຫຼຽນ ໃນນັ້ນ ຫຼຽນຄໍາ, ຫຼຽນເງິນ ແລະຫຼຽນ ທອງຢ່າງລະ 31 ຫຼຽນ.

ຜ່ານການແຂ່ງຂັນເມືອງປາກຊັນ ສາມາດຄອງອັນດັບ 1 ໂດຍ ຍາດໄດ້ 8 ຫຼຽນຄຳ, 7 ຫຼຽນເງິນ, 3 ຫຼຽນທອງ ລວມ 18 ຫຼຽນ, ອັນດັບທີ 2 ເມືອງ ປາກກະດິງ ໄດ້ 8 ຫຼຽນຄຳ, 3 ຫຼຽນເງິນ, 3 ຫຼຽນທອງ ລວມ 14 ຫຼຽນ, ອັນ ດັບທີ 3 ເມືອງ ຄຳເກີດເຈົ້າພາບ ໄດ້ 6 ຫຼຽນຄຳ, 12 ຫຼຽນເງິນ,7ຫຼຽນທອງລວມ 25 ຫຼຽນ, ເມືອງ ທ່າພະບາດ ໄດ້ 6 ຫຼຽນຄຳ, 3 ຫຼຽນເງິນ, 8 ຫຼຽນທອງ ລວມ 17 ຫຼຽນ, ເມືອງວຽງທອງ  ໄດ້ 5 ຫຼຽນ ຄຳ, 4 ຫຼຽນເງິນ, 7 ຫຼຽນທອງ ລວມ 16 ຫຼຽນ, ເມືອງບໍລິຄັນ ໄດ້ 4 ຫຼຽນເງິນ, 4 ຫຼຽນທອງ, ເມືອງ ໄຊຈຳພອນ ໄດ້ 1 ຫຼຽນທອງ.

  ຈາກນັ້ນທ່ານ ບຸນມາ ບຸຈະເລີນ ຮອງເຈົ້າແຂວງປະທານຈັດ ງານກໍ່ໄດ້ກ່າວປິດງານແຂ່ງຂັນ ກີລາ-ສິລະປະນັກຮຽນມັດທະຍົມສຶກສາທົ່ວແຂວງຄັ້ງທີ IV ຢ່າງ ເປັນທາງການພ້ອມທັງເຊີນທຸງ ຊາດ ແລະທຸງກີລາລົງຈາກເສົາ ແລະຍັງໄດ້ມອບທຸງກີລາໃຫ້ເມືອງ ປາກກະດິງ ທີ່ຈະເປັນເຈົ້າພາບໃນ ປີ 2022 ໂດຍການກ່າວຮັບຂອງ ທ່ານ ຄຳເພັດ ໄຊປັນຍາ ຫົວໜ້າ ຫ້ອງການສຶກສາທິການ ແລະກີລາ ເມືອງປາກກະດິງ ບັນຍາກາດໃນງານແມ່ນເຕັມໄປດ້ວຍຄວາມເບີກບານມ່ວນຊື່ນ.

แชร์