ເຊກອງເລັ່ງແກ້ 3 ບັນຫາ ຊຳເຮື້ອມາຫຼາຍປີ

  ຂອງທ່ານ ນາງ ຈັນຫອມ ມະຫາໄຊ ປະທານກວດກາພັກ-ລັດ ແຂວງລາຍງານຕໍ່ກອງປະຊຸມສະໄໝສາມັນເທື່ອທີ 8 ຂອງສະພາປະຊາຊົນແຂວງຊຸດທີ I ວ່າ: ຜົນຈັດຕັ້ງປະຕິບັດເຫັນວ່າການຕິດຕາມກວດກາ, ຊຸກຍູ້ ແລະສັງລວມການ ແກ້ໄຂຜົນການກວດສອບໃນປີ 2019 ມີທັງໝົດ 22 ຄໍາແນະນໍາໃນນັ້ນໄດ້ຮັບການແກ້ໄຂ ຫຼື ຊີ້ແຈງເຫດຜົນໃນເບື້ອງຕົ້ນແລ້ວ 8 ບັນຫາ,ແກ້ໄຂສ່ວນໃດສ່ວນໜຶ່ງມີ 11 ບັນຫາ ແລະບໍ່ທັນໄດ້ຮັບການແກ້ ໄຂຢ່າງຂາດຕົວ ແລະເປັນບັນຫາຊໍາເຮື້ອແກ່ຍາວຫຼາຍປີມີ 3 ບັນຫາຄື: ຂະແໜງຄຸ້ມຄອງຊັບສິນຂອງລັດມີໜີ້ຄ້າງມອບຄ່າພັນທະໄມ້ບໍລິມາດ 13.268,511 ແມັດກ້ອນມູນຄ່າ 31,37ຕື້ກີບ. ມາຮອດປະຈຸບັນຂະແໜງ ຄຸ້ມຄອງຊັບສິນຂອງລັດສາມາດຈັດຕັ້ງປະຕິບັດເລັ່ງທວງໜີ້ໄດ້ 2,9 ຕື້ກີບ, ຍັງຄ້າງ 28,47 ຕື້ກີບ ແມ່ນຈະໄດ້ສືບຕໍ່ເລັ່ງທວງປີຕໍ່ໄປໂດຍຈະມີມາດຕະການທີ່ເຂັ້ມງວດຂຶ້ນກວ່າເກົ່າ.

  ບັນຫາການຫັນປ່ຽນທີ່ດິນປ່າໄມ້ (ປ່າປ້ອງກັນແຫ່ງຊາດ) ຈໍານວນ 100 ເຮັກຕາ ຢູ່ເຂດບ້ານດາກຕະອອກນ້ອຍ ແລະບ້ານດາກໂດມເມືອງດາກຈຶງເປັນເຂດກໍ່ສ້າງເສດຖະກິດສະເພາະ (ເຂດການຄ້າຊາຍແດນ) ປະຈຸບັນແມ່ນຍັງບໍ່ທັນສະເໜີກະຊວງທີ່ກ່ຽວຂ້ອງອະນຸມັດຕາມຂັ້ນຕອນ; ບັນຫາສຸດທ້າຍແມ່ນການຄຸ້ມຄອງການເຊົ່າ-ສໍາປະທານທີ່ດິນຂອງລັດເພື່ອຈັດເກັບລາຍຮັບເຂົ້າງົບປະມານຈໍານວນ 16 ບໍລິສັດ ໃນເນື້ອທີ່ 955,49 ເຮັກຕາ (ຍອດຍົກມາປີກ່ອນຈໍານວນ 13 ບໍລິສັດເນື້ອທີ່ 750,49 ເຮັກຕາ ແລະເກີດຂຶ້ນໃໝ່ຈໍານວນ 3 ບໍລິສັດເນື້ອທີ່ 205 ເຮັດຕາ)ຊຶ່ງປະຈຸບັນແມ່ນໄດ້ຮ່ວມເຈລະຈາສັນຍາເຊົ່າ-ສໍາປະທານສໍາເລັດແລ້ວ 5 ຫົວໜ່ວຍບໍລິສັດເນື້ອທີ່ 120,88 ເຮັກຕາ, ສົ່ງໃຫ້ລັດຄືນ 1 ຫົວໜ່ວຍ ເນື້ອທີ່ 108,8 ເຮັກຕາ, ໄດ້ເຈລະຈາແລ້ວແຕ່ບໍ່ທັນສັນຍາຈໍາ ນວນ 1 ຫົວໜ່ວຍ ເນື້ອທີ່ 8,2 ເຮັກ ຕາ, ຍັງຄ້າ 9 ຫົວໜ່ວຍທີ່ຈະຕ້ອງໄດ້ສືບຕໍ່ເຮັດສັນຍາເຊົ່າສໍາປະທານຕາມລະບຽບການພ້ອມກັບການແກ້ໄຂຜົນການກວດກາເຊົ່າ-ສໍາປະທານທີ່ດິນທົ່ວປະເທດ.

___________

ຂຽນໂດຍ: ພຸດທະສອນ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์