ສັນຍານເຕືອນວ່າເຈົ້າກຳລັງຈະເປັນໂລກຊຶມເສົ້າ

  ໂລກຊຶມເສົ້າຄືອາການປ່ວຍທາງຈິດທີ່ຮ້າຍ ແຮງ ແລະຊຳເຮື້ອ, ເມື່ອປະໄວ້ດົນໃຜທີ່ເປັນໂລກ ນີ້ຈະເຮັດໃຫ້ຜູ້ປ່ວຍມີອາການຄິດສັ້ນ, ຢາກຂ້າໂຕຕາຍ ແລະທີ່ສຳຄັນຄືຫຼາຍຄົນພັດບໍ່ຮູ້ວ່າໂຕເອງ ກຳລັງເປັນໂລກນີ້ຢູ່, ບາງຄົນກໍພຽງແຕ່ຄິດວ່າໂຕເອງເປັນຄົນຄິດຫຼາຍຊື່ໆ ແຕ່ຖ້າເປັນດົນຄວນຈະ ຫາທາງແກ້ໄຂໂດຍດ່ວນ, ໂລກຊຶມເສົ້າເກີດຈາກ ຄວາມຜິດປົກກະຕິທາງຂອງສານເຄມີໃນສະໝອງ ຊື່ Serotonin (ເຊໂຣໂທນິນ) ຫຼຸດລົງ, ເຮັດໃຫ້ຜູ້ ປ່ວຍມີອາການທໍ້ແທ້, ເມື່ອຍ, ຂາດກຳລັງໃຈ, ນອນ ບໍ່ຫຼັບ, ຝັນຮ້າຍຕະຫຼອດ.

• ອາລົມຊຶມເສົ້າ, ຫງຸດຫງິດງ່າຍ: ເຮັດຫຍັງ ກະເປັນເສົ້າໆ ບໍ່ມີຄວາມດີໃຈຫຍັງ, ມີຫຍັງໜ້ອຍ ໜຶ່ງກະມັກຫງຸດຫງິດໃຈຮ້າຍ.
• ສະມາທິຫຼຸດລົງ ແລະໃຈລອຍ: ຈາກທີ່ເຄີຍມີ ສະຕິ, ມີສະມາທິ, ສຸດທ້າຍກາຍເປັນຄົນໃຈລອຍ ຂາດສະຕິ.
• ຂາດຄວາມສົນໃຈສິ່ງອອ້ມຂ້າງ: ບໍ່ວ່າຈະ ເປັນພໍ່ແມ່, ໝູ່ຄູ່ ຫຼື ຄົນຮູ້ຈັກລວມໄປເຖິງສິ່ງທີ່ເຮົາເຄີຍ ເຮັດກໍຈະບໍ່ສົນໃຈທີ່ຈະເຮັດຈະລົມນຳໃຜທັງນັ້ນ.
• ກະວົນກະວາຍ, ຢູ່ບໍ່ເປັນສຸກ ຫຼື ເຊີ່ຊ້າລົງ: ເຮັດຫຍັງກໍເລີ່ມບໍ່ມີຄວາມສຸກ, ກະວົນກະວາຍບໍ່ຊ່າງ ຢູ່ ຫຼື ບາງທີກໍ່ເຊີ່ຊ້າຫຼົງໜ້າຫຼົງຫຼັງ.
• ຮູ້ສຶກເມື່ອຍ, ອ່ອນເພຍ ແລະບໍ່ມີແຮງ: ນັ່ງກະ ເມື່ອຍ, ນອນກະເມື່ອຍ, ເຮັດຫຍັງກະຄືເມື່ອຍໄປ ໝົດບໍ່ມີແຮງຮອດຢືນ.
• ນອນບໍ່ຫຼັບ ຫຼື ຫຼັບຫຼາຍເກີນໄປ.
• ຕຳໜິໂຕເອງ, ຮູ້ສຶກໂຕເອງບໍ່ມີຄ່າ.
• ຄິດຢາກຂ້າໂຕຕາຍ, ຢູ່ໄປກະບໍ່ມີຄວາມໝາຍ.
• ---------

• ຮຽບຮຽງໂດຍ: ຟ້າ

• 03/02/2020