ໝໍດູທໍານາຍວ່າຄູ່ທັງຢ່າງ ຄິມອູບິນ ແລະຊິນມິນອາ ມີເກນຈະແຕ່ງກ່ອນປີ 2021

  ຄວາມຮັກຂອງບັນດາຄົນດັງໃນວົງການບັນເທີງ ສ.ເກົາຫຼີ ບາງຄັ້ງກໍເປັນເລື່ອງທີ່ຮັບໄດ້ຍາກ ພໍສົມຄວນຢ່າງທີ່ເຫັນໆຄູ່ຮັກຫຼາຍທ່ານຕ້ອງປະເຊີນກັກະແສແອນ ຕີ້ຫຼາກຫຼາຍຈົນກະທັ່ງຍ່າກັນໄປ ກໍມີແຕ່ວ່າໂລກກໍບໍ່ໄດ້ໂຫດຮ້າຍຂະໜາດນັ້ນເພາະມີຫຼາຍຄູ່ຄືກັນທີ່ ແຟນໆຂອງພວກເຮົາຮູ້ສຶກຮ່ວມ ຍິນດີນໍາ.

  ຊຶ່ງໜຶ່ງໃນຄູ່ທີ່ເຫັນໄດ້ຢ່າງຊັດ ເຈນກໍຄືຄູ່ຂອງພະເອກໜຸ່ມ ຄິມອູ ບິນ ແລະນາງເອກສາວຫຼາຍຄວາມ ສາມາດຢ່າງ ຊິນມິນອາ ຕັ້ງແຕ່ເປີດໂຕກໍມີຜູ້ຄົນຊື່ມຊອບ ແລະຍິ່ງ ໃນຊ່ວງທີ່ພະເອກໜຸ່ມອ່ອນແອ ຈາກການເປັນມະເຮັງໂພງດັງດາລາສາວກໍບໍ່ໄດ້ຖິ້ມໄປໃສ ແຖມຍັງ ຊ່ວຍຟື້ນຟູທາງດ້ານຮ່າງກາຍ ແລະຈິດໃຈຈົນ ກັບມາເປັນປົກກະຕິ ຄວາມຮັກທີ່ໜຽວແໜ້ນທັງໆທີ່ເຈີອຸປະສັກກໍບໍ່ຍອມປ່ອຍມືຈາກກັນເຮັດໃຫ້ແຟນໆຍິ່ງຮູ້ສຶກປະທັບໃຈກັບຄວາມຮັກທັງສອງ ແລະລຸ້ນ ກັນວ່າທັງສອງຈະມີຂ່າວດີມື້ໃດ ແລະເຖິງແມ່ນວ່າຈະຍັງບໍ່ເຄີຍມີ ຂ່າວເລື່ອງການແຕ່ງດອງອອກ ມາແຕ່ເມືອບໍ່ດົນມານີ້ລາຍການ XtvN s Free 19 ໄດ້ເຊີນໝໍດູ ຄົນໜຶ່ງມາອອກລາຍການ ຊຶ່ງໝໍ ໄດ້ທໍານາຍທາຍທັກຄູ່ຮັກຄົນດັງຄູ່ ນີ້ໄວ້ວ່າເປັນຄູ່ທີ່ເຂົ້າກັນໄດ້ດີຫຼາຍມີຄວາມເຂົ້າກັນເຖິງ 70% ເມື່ອ ທຽບກັບຄູ່ອື່ນໆ ຊຶ່ງໝາຍຄວາມ ວ່າທັງສອງຈະໄປກັນໄດ້ດີຄວາມ ເຂົ້າກັນໄດ້ດີນີ້ເຮັດໃຫ້ເລີກລາກັນຍາກທັງນີ້ໝໍດູຍັງກ່າວອີກວ່າທັງ ສອງມີດວງທີ່ຈະແຕ່ງງານຕັ້ງແຕ່ປີນີ້ຮອດປີໜ້າເປັນຊ່ວງເວລາທີ່ດີທີ່ສຸດ (ບໍ່ເກີນປີໜ້າ).

  ສໍາລັບຄູ່ຮັກຄູ່ນີ້ເປີດເຜີຍຄວາມ ສໍາພັນຄັ້ງທໍາອິດເມື່ອຊ້ວງເດືອນ ກໍລະກົດ ປີ 2015 ຝ່າຍຊາຍມີ ອາຍຸນ້ອຍກວ່າຝ່າຍຍິງ 5 ປີ ແຕ່ກໍບໍ່ເປັນອຸປະສັກ ໂດຍທັງສອງໄດ້ ພັດທະນາຄວາມສໍາພັນຈົນກາຍມາ ເປັນຄູ່ຮັກພາຍຫຼັງຈາກໄດ້ຮ່ວມ ງານຖ່າຍໂຄສະນາເສື້ອຜ້າແບຣນດ໌ Giordano, ແຕ່ເຖິງຢ່າງໃດກໍຕາມ ທັງສອງຄົບກັນມາເປັນໄລຍະ 4 ປີ ແລ້ວເຖິງແມ່ນວ່າຈະມີອຸປະສັກ ໃຫຍ່ແຕ່ຄວາມຮັກຂອງທັງສອງ ຍັງຄົງໜັກແໜ້ນຢູ່ສະເໝີບໍ່ແປກໃຈ ທີ່ແຟນໆຈະເປັນກໍາລັງໃຈ ແລະ ອວຍພອນໃຫ້ທັງສອງມີຄວາມຮັກ ທີ່ຍາວນານຕະຫຼອດໄປ.

แชร์