ອຸປະກອນສວມໃສ່ຂອງແອັບເປິ້ນໄຕມາດທຳອິດຂາຍດີ ແຊງໜ້າແມັກແລ້ວ

 ໜຶ່ງໃນປະເດັນທີ່ໜ້າສົນ ໃຈລະຫວ່າງການເປີດເຜີຍຜົນປະ ກອບການໃນໄຕມາດ 1 ປີ 2020 ຂອງ Apple ຄືຕົວເລກຍອດຂາຍຂອງໝວດອຸປະກອນໄອທີສວມໃສ່ (Wearable) ຊຶ່ງປະກອບມີ AirPods, Apple Watch ລວມທັງຫູຟັງ Beats ແລະHomePod ນັ້ນສ້າງລາຍ ໄດ້ເປັນສະຖິຕິໃໝ່ສາມາດສູງເຖິງ 10 ຕື້ໂດລາສະຫະລັດ ໄດ້ເພີ່ມ ຂຶ້ນຈາກຕົວເລກ 7,3 ຕື້ໂດລາ ໃນປີທີ່ແລ້ວ.

ສິນຄ້າໃນໝວດອຸປະກອນສວມ ໃສ່ແລະອຸປະກອນເສີມມີລາຍໄດ້ແຊງໜ້າ Mac ເປັນຄັ້ງທຳອິດ ໂດຍໃນໄຕມາດທຳອິດສິນຄ້າ  Mac ສ້າງເງິນໄດ້ 7,2 ຕື້ໂດລາ Tim Cook ຊີອີໂອ Apple ຊີ້ແຈງ ວ່າກະແສຕອບຮັບໃນອຸປະກອນ Wearable ດີຫຼາຍໂດຍໃນໄຕ ມາດທີ່ຜ່ານມາພວກເຂົາປະສົບບັນຫາເລື່ອງທີ່ບໍ່ສາມາດຜະລິດ AirPods, Apple Watch Series 3 ໄດ້ຕາມຄວາມຕ້ອງ ການຂອງຕະຫຼາດ ຊຶ່ງອຸປະສັກສຳຄັນຄືເປັນເລື່ອງຍາກທີ່ຈະຜະລິດພ້ອມກັນທັງສອງຢ່າງອີກຂໍ້ມູນ ທີ່ໜ້າສົນໃຈຄື Apple Watch ນັ້ນສ້າງຍອດຂາຍສູງສຸດເປັນປະ ວັດການ ໂດຍມີຜູ້ໃຊ້ໜ້າໃໝ່ເຖິງ 75% ທີ່ຫັນມາເລືອກຊື້ Apple Watch.

  ນອກຈາກນີ້ Tim Cook ຍັງ ໄດ້ເປີດເຜີຍວ່າທຸລະກິດ Weara ble ຂອງ Apple ນັ້ນຂະຫຍາຍແລະເຕີບໂຕວ່ອງໄວຈົນມີມູນຄ່າຕິດ 1 ໃນ 150 ທຸລະກິດຊັ້ນນຳຂອງໂລກທີ່ຈັດອັນດັບໂດຍວາລະ ສານ Fortune ໄປແລ້ວ.

แชร์