ນັກຮຽນຊັ້ນ ມ7 ເມືອງຫົງສາ ຮຽນຮູ້ວິຊາປ້ອງກັນຕົວ

 ເພື່ອເພີ່ມລະດັບຄວາມຮູ້, ຄວາມສາມາດ, ຄວາມເຂົ້າໃຈຂອງຄູ ແລະນັກຮຽນຕໍ່ກັບວິຊາການເມືອງ ແລະສຶກສາວິຊາປ້ອງກັນຕົວໃຫ້ຮູ້ຮັກຊາດ, ຮູ້ພັດທະນາ, ຈຳ ແນກໄດ້ມິດ ແລະສັດຕູ, ເຮັດໃຫ້ຄູ ແລະນັກຮຽນມີຈິດໃຈຕໍ່ສູ້ເດັດດ່ຽວ, ມີຄຸນສົມບັດ-ສິນທຳປະຕິວັດ, ມີລະບຽບວິໄນ, ມີສະຕິລະວັງຕົວ ແລະ ກຽມພ້ອມສູ້ຮົບຢູ່ສະ ເໝີ, ດັ່ງນັ້ນ, ໃນລະຫວ່າງວັນທີ 28 ຫາ 29 ມັງກອນ 2020 ນີ້, ນັກຮຽນຊັ້ນມັດທະຍົມປາຍເມືອງຫົງສາ ແຂວງໄຊຍະບູລີ ໄດ້ເປີດຊຸດຝຶກອົບຮົມການທະຫານ-ການ ເມືອງ ແລະສຶກສາວິຊາປ້ອງກັນ ຕົວເປັນຊຸດທີ IX ຢ່າງເປັນທາງ ການຢູ່ທີ່ຫ້ອງປະຊຸມໂຮງຮຽນມັດທະຍົມສຶກສາສົມບູນຫົງສາ, ໂດຍໃຫ້ກຽດຂອງທ່ານ ແຫຼ້ ອ່ອນສົມບູນ ຮອງເຈົ້າເມືອງຫົງສາ, ທ່ານ ພັທ ວິໄລ ອຸດົມຜົງຫົວໜ້າການທະຫານກອງບັນຊາການທະຫານເມືອງຫົງສາ, ມີຕາງໜ້າຫ້ອງ ການ ສຶກສາທິການ ແລະກີລາເມືອງ, ວິທະຍາກອນຈາກກອງບັນຊາ ການທະຫານເມືອງ ແລະຜູ້ອໍາ ນວຍການ, ພະນັກງານຄູພ້ອມດ້ວຍນັກຮຽນ ມສ ຫົງສາ ແລະ ມສ ບ້ານເມືອງຫານ.

  ຊຸດຝຶກອົບຮົມຄັ້ງນີ້, ນ້ອງນັກຮຽນແມ່ນໄດ້ຮຽນຮູ້ເຊື່ອມຊຶມເອກະສານສົງຄາມຫັນປ່ຽນໂດຍສັນຕິຂອງສັດຕູ, ເຊື່ອມຊຶມເອກະສານ ແນວທາງນະໂຍບາຍຂອງພັກ-ລັດ ຕໍ່ຊົນເຜົ່າ, ຮຽນຮູ້ 7 ຈັ່ງຫວະພື້ນ ຖານບຸກຄົນອາໄສພູມີປະເທດ, ຮຽນລະບຽບຮູບແຖວ (ເປັນໝູ່, ໝວດ, ກອງຮ້ອຍ), ຮຽນຫັດກາຍ 2 ບົດ 24 ຈັ່ງຫວະ, ຮຽນຮູ້ຄຸນ ຄ່າສະມັດຕະພາບການປະກອບ ສ້າງຂອງປືນອາກາ (AK) ແລະ ເຊກາເຊ (CKC)ພ້ອມທັງມ້າງ ແລະປະກອບຄືນ.

  ສະຫາຍ ຮທ ສິງນະ ຄຳປະເສີດ ຫົວໜ້າຂະແໜງການທະຫານທ້ອງຖິ່ນກອງບັນຊາການທະຫານ ເມືອງໄດ້ລາຍງານໃຫ້ຮູ້ວ່າ: ການຝຶກຊ້ອມໄລຍະສັ້ນສອງວັນຂອງນ້ອງນັກຮຽນຊັ້ນ ມ7 ທົ່ວເມືອງສົກປີ 2019-2020 ຄັ້ງນີ້, ໄດ້ແບ່ງເປັນ 4 ສູນຄື: ສູນ ມສ ຫົງສາ ມີສອງໂຮງຮຽນເຂົ້າຮ່ວມຝຶກຊ້ອມຄື: ໂຮງຮຽນ ມສ ຫົງສາ ແລະ ມສ ບ້ານເມືອງຫານ, ມີນັກ ຮຽນເຂົ້າຝຶກທັງໝົດ 173  ຄົນ ຍິງ 70 ຄົນ; ສູນ ມສ ນາປຸ່ງ, ມີນັກຮຽນເຂົ້າຝຶກທັງໝົດ 45 ຄົນ ຍິງ 18 ຄົນ; ສູນ ມສ ພູແລ້ງ ມີນັກຮຽນເຂົ້າຝຶກທັງໝົດ 26ຄົນ ຍິງ 19 ຄົນ ແລະສູນ ມສ ຄົກແອກ ມີນັກຮຽນເຂົ້າຝຶກທັງໝົດ 25 ຄົນ ຍິງ 11 ຄົນ, ລວມຈຳ ນວນນັກຮຽນ ເຂົ້າຝຶກອົບຮົມທັງໝົດ 4 ສູນມີ 269 ຄົນ ຍິງ 118 ຄົນ, ມີວິທະຍາກອນຈາກກອງບັນຊາການທະຫານເມືອງທັງໝົດ 9 ຄົນ, ມີຄະນະຮັບ ຜິດຊອບ 19 ຄົນ ຍິງ 11 ຄົນ ແລະແພດປະຈໍາສະໜາມ 4 ຄົນ ຍິງ 1 ຄົນ, ຜ່ານການຝຶກ ຊ້ອມຜົນໄດ້ຮັບຄັ້ງນີ້, ສາມາດຕີລາ ຄາຄວາມຮູ້ທາງດ້ານການເມືອງ ໄດ້  85%,  ຄວາມຮູ້ທາງດ້ານການທະຫານ 90%, ຄວາມຮູ້ທາງດ້ານ ບັນຊາໝູ່-ໝວດ-ກອງຮ້ອຍ 87% ແລະສະເລ່ຍຜົນໄດ້ຮັບລວມທັງ ໝົດ 87%.

  ທ່ານ ແຫຼ້ ອ່ອນສົມບູນຮອງ ເຈົ້າເມືອງຫົງສາ ໄດ້ຍ້ອງຍໍຊົມເຊີຍ ຕໍ່ກັບຄະນະຮັບຜິດຊອບຊີ້ນຳ-ນຳພາຈັດຕັ້ງປະຕິບັດຕະຫຼອດຮອດນ້ອງນັກຮຽນທີ່ຝຶກອົບຮົມຊຸດທີ IX ນີ້, ແມ່ນມີຄວາມພ້ອມ ແລະເອົາໃຈໃສ່ຝຶກຊ້ອມຕາມທິດຊີ້ນຳ-ນຳພາຂອງຂັ້ນເທິງ, ກະກຽມການຮຽນ-ການສອນໄດ້ຕາມຄາດໝາຍຂອງແຜນການອົບຮົມຫັດແອບ ແລະມີຄວາມປອດໄພດີຕໍ່ໃນການນຳໃຊ້ອາວຸດທຸກໆຊະນິດ.

__________

ຂຽນໂດຍ: ກິດຕິສັກ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

 

 

แชร์