ຊຽງຂວາງ ຈັດສອບເສັງຈົບຊັ້ນມັດທະຍົມຕອນຕົ້ນ ບໍາລຸງໃຫ້ເມືອງແປກ

ໃນລະຫວ່າງວັນທີ 28-29 ມັງກອນ 2020 ນີ້ພະແນກກສາທິການ ແລະກີລາແຂວງ (ສກຂ) ຊຽງຂວາງຊຶ່ງນໍາໂດຍ ທ່ານນາງ ຂັນທອງ ພົມມະວັນ ຫົວໜ້າຂະແໜງການສຶກສານອກໂຮງຮຽນພະແນກສຶກສາທິການ ແລະກີລາແຂວງພ້ອມຄະນະໄດ້ລົງເຄື່ອນໄຫວຈັດສອບເສັງຈົບຊັ້ນມັດທະຍົມຕອນຕົ້ນບໍາລຸງສໍາລັບປະ ຊາຊົນກຸ່ມບ້ານເປົ້າໝາຍຢູ່ເມືອງແປກ ແຂວງຊຽງຂວາງ, ໂດຍມີໜ່ວຍງານທີ່ກ່ຽວຂ້ອງຫ້ອງການສຶກສາທິການ ແລະກີລາເມືອງແປກ ແລະ ປະຊາຊົນກຸ່ມບ້ານເປົ້າໝາຍເຂົ້າຮ່ວມ.

   ຈຸດປະສົງແມ່ນເພື່ອເປັນການສ້ອມແຊມຄືນບັນດານັກຮຽນຜູ້ທີ່ຍັງຕົກຄ້າງບໍ່ທັນຮຽນຈົບ ມ. ຕົ້ນສາຍສາມັນສຶກສາເພື່ອໃຫ້ເຂົາເຈົ້າໄດ້ເຂົ້າເຖິງການສຶກສາຢ່າງເທົ່າທຽມ ແລະທົ່ວເຖິງ, ພ້ອມນັ້ນຍັງເປັນການປະເມີນຄືນການສິດສອນຂອງຄູ ແລະຕີລາຄາຄືນການຮໍ່າຮຽນຂອງນັກຮຽນພາຍຫຼັງທີ່ໄດ້ເລີ່ມດໍາເນີນການຮຽນ-ການສອນມາເປັນເວລາ 6 ເດືອນ ແນໃສ່ສືບຕໍ່ຍົກລະດັບຊັ້ນມັດທະຍົມຕອນປາຍລະບົບບໍາລຸງໃນຕໍ່ໜ້າໂດຍຄວບຄູ່ກັບການຮຽນວິຊາຊີບໃຫ້ບັນລຸຕາມຄາດໝາຍທີ່ວາງໄວ້.

 ສໍາລັບການຈັດສອບເສັງຈົບຊັ້ນ ມ ຕົ້ນບໍາລຸງສໍາລັບປະຊາຊົນຢູ່ກຸ່ມບ້ານເປົ້າໝາຍເມືອງແປກໃນເທື່ອນີ້ມີທັງໝົດ 3 ສູນສອບເສັງຄື: ສູນສອບເສັງບ້ານນາສາລາ ມີນັກສອບເສັງທັງໝົດ 21 ຄົນ ຍິງ10 ຄົນ, ສູນສອບເສັງບ້ານວຽງຄວນມີນັກສອບເສັງທັງໝົດ 29 ຄົນ ຍິງ 9 ຄົນ ແລະ ສູນສອບເສັງບ້ານພູເກັງມີນັກສອບ ເສັງທັງໝົດ 37 ຄົນ, ຍິງ 24 ຄົນ; ສໍາລັບວິຊາທີ່ນໍາມາສອບເສັງມີທັງໝົດ 5 ວິຊາ ຄື: ວິຊາຄະນິດສາດ, ພາສາລາວ-ວັນນະຄະດີ, ວິທະຍາສາດທໍາມະຊາດ, ວິທະຍາສາດສັງຄົມ ແລະວິຊາສຶກສາພົນລະເມືອງ, ພ້ອມທັງວາງຄາດໝາຍຜົນການສອບເສັງຈະໃຫ້ບັນລຸ 98 ສ່ວນຮ້ອຍຂຶ້ນໄປ.

_____________

ຂຽນໂດຍ: ຄານສີສະຫວັນ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

 

 

แชร์