ຊານໄຊ ສໍາເລັດການປັກດໍາເຂົ້ານາແຊງ

  ປະຈຸບັນຊາວກະສິກອນ ເມືອງຊານໄຊ ແຂວງອັດຕະປື ໄດ້ສໍາເລັດການປັກດໍາເຂົ້ານາແຊງສໍາເລັດແລ້ວ 100%. ທ່ານ ສາຍທາລາ ໂສທິດາ ຫົວໜ້າຫ້ອງການກະສິກໍາ ແລະປ່າໄມ້ເມືອງຊານໄຊ ແຂວງອັດຕະປື ເພື່ອໃຫ້ການຜະລິດເຂົ້ານາແຊງໄດ້ທ່ວງທັນຕາມລະດູການ ແລະສໍາເລັດໄປໄດ້ຕາມແຜນການທີ່ວາງໄວ້ນັ້ນທາງຫ້ອງການກະສິກໍາ ແລະປ່າໄມ້ຂອງເມືອງໄດ້ເອົາໃຈໃສ່ຊຸກຍູ້ຊາວກະສິກອນໃນທົ່ວເມືອງຊານໄຊບ່ອນທີ່ມີເງື່ອນໄຂຜະລິດເຂົ້ານາແຊງໃຫ້ເອົາໃຈໃສ່ຂຸ່ນຂຽວທໍາການຜະລິດໃຫ້ສໍາເລັດຢ່າງມີຄວາມຮັບຜິດຊອບສູງ.

ທ່ານ ສາຍທາລາ ໂສທິດາ ໄດ້ກ່າວຕື່ມວ່າ: ຕາມແຜນການປັກດໍາເຂົ້ານາແຊງປີນີ້ເມືອງຊານ ໄຊມີເນື້ອທີ່ທັງໝົດ 30 ເຮັກຕາ, ຜ່ານການປະຕິບັດຕົວຈິງໄດ້ພຽງ 18 ກວ່າເຮັກຕາ, ທຽບໃສ່ແຜນ ການບັນລຸໄດ້ 62% ເປັນຕົ້ນ: ໂຄງການຊົນລະປະທານນໍ້າປາ ມີ 16,4 ເຮັກຕາ ມີ 17 ຄອບ ຄົວ, ໂຄງການຊົນລະປະທານວັງຕັດນ້ອຍມີ 2 ກວ່າເຮັກຕາມີ 3 ຄອບຄົວ, ນາຢອດມີ 6 ກວ່າເຮັກຕາ, ນາດໍາ 10 ກວ່າເຮັກຕາ, ແນວພັນເຂົ້າທີ່ໃຊ້ແມ່ນເຂົ້າພັນປັບປຸງ, ຄາດຄະເນສະເລ່ຍຜົນຜະລິດນາຢອດໃຫ້ໄດ້ 4ໂຕນເຄິ່ງ ຕໍ່ເຮັກຕາ, ນາດໍາບໍ່ຫຼຸດໃຫ້ 2 ໂຕນຕໍ່ເຮັກຕາພ້ອມດຽວກັນນີ້ຊາວກະສິກອນຍັງໄດ້ສຸມໃສ່ການປູກພຶດຜັກໄລຍະສັນຄື: ໜາ ກຖົວໜາກແຕງຜັກກາດ, ຜັກກະບໍາປີ ແລະອື່ນໆ, ເພື່ອຮັບປະກັນໄດ້ດ້ານສະບຽບອາຫານ ແລະຜະລິດກາຍເປັນສິນຄ້າສົ່ງອອກຕາມແນວທາງນະໂຍບາຍຂອງພັກ ແລະລັດຖະບານວາງອອກ.

__________

ຂຽນໂດຍ:  ສາຍນໍ້າ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

 

 

แชร์