ຄຳເພົ້າສັ່ງໄດ້ ຮັບລາງວັນນັກອອກແບບເສື້ອຜ້າດີເດັ່ນ

  ຮ້ານຄຳເພົ້າສັ່ງໄດ້ຖືເປັນຮ້ານຕັດຫຍິບທີ່ມີຊື່ສຽງໂດ່ງດັງໃນປະເທດເປັນໜຶ່ງໃນການບໍລິການຂາຍວ່ອງໄວໃຫ້ຄວາມໜັ້ນໃຈແກ່ລູກຄ້າໂດຍສະເພາະກຸ່ມຫຼັກໆແມ່ນວົງ ການເທີງລາວເປັນຕົ້ນສິລະປິນ,  ນັກສະແດງ, ນາຍແບບ, ນາງແບບ, ນັກທຸລະກິດ ແລະບຸກຄົນທົ່ວໄປຫຼ້າສຸດຍັງໄດ້ຮັບລາງວັນ “ນັກອອກແບບເສື້ອຜ້າດີເດັ່ນຜູ້ສ້າງແຮງບັນດານໃຈຍຸກດິຈິຕອນ2020”.

 ທ່ານ ຄຳເພົ້າ ບົວຜັນ ເຈົ້າຂອງຮ້ານຄຳເພົ້າສັ່ງໄດ້ໃຫ້ສຳພາດວ່າ: ຮ້ານຄຳເພົ້າສັ່ງໄດ້ຂອງເຮົາເລີ່ມມີຊື່ສຽງເປັນທີ່ຮູ້ໃນສັງຄົມປີ 2014 ຊຶ່ງບໍລິການອອກແບບຕັດຫຍິບ ເສື້ອຜ້າທຸກປະເພດເຊັ່ນ: ຊຸດຢູ່ນິຟອມ, ຊຸດແວັດ ແລະເສື້ອຜ້າແຟຊັນຕ່າງໆທີ່ເປັນເອກະລັກບໍ່ຊໍ້າໃຜເປັນໜຶ່ງໃນການບໍລິການຂາຍວ່ອງໄວໃຫ້ຄວາມໝັ້ນໃຈແກ່ລູກຄ້າ ແລະຕັ້ງລາຄາຂາຍສາມາດເຂົ້າຫາໄດ້ທຸກກຸ່ມຈຸດເດັ່ນເປັນເຈົ້າຂອງແບນເສື້ອຜ້າລາວທີ່ມີຊື່ສຽງສ້າງກຸ່ມລູກຄ້າທັງພາຍໃນ ແລະຕ່າງປະເທດປະຈຸບັນມີລູກຄ້າຢູ່ປະເທດ

ສະຫະລັດອາເມລິກາ, ຟໍລິດ້າ, ໄທ, ຫວຽດນາມ ແລະປະເທດອື່ນໆ ນອກນັ້ນຍັງເປັນນັກອອກແບບຂວັນໃຈສັງຄົມອີກດ້ວຍໂດຍສະເພາະໄດ້ສ້າງປັ້ນໄວໜຸ່ມລາວເຂົ້າວົງ ການບັນເທີງ, ສະໜັບສະໜູນໃຫ້ທຶນຊ່ວຍເຫຼືອເຂດທີ່ຍັງທຸກຍາກຕ່າງໆໃນປີ 2019 ຜ່ານມາຮ້ານຄຳເພົ້າສັ່ງໄດ້ໆຮັບລາງວັນ “ສູ້ຊີວິດດ້ວຍຄວາມສຳເລັດ” Indraj ark Interna tional Award ທີ່ປະເທດໄທຫຼ້າສຸດປີ 2020 ຍັງໄດ້ໂລ້ລາງວັນ Thailand Digital Awards ທົ່ວປະເທດລາວມີຜູ້ໄດ້ລາງວັນທັງໝົດມີຈຳນວນ 10 ຄົນໜຶ່ງໃນນັ້ນຮ້ານຄຳເພົ້າສັ່ງໄດ້ໄດ້ຮັບລາງວັນ “ນັກອອກແບບເສື້ອຜ້າດີເດັ່ນຜູ້ສ້າງແຮງບັນດານໃຈຍຸກດິຈິຕອນ”.

ທ່ານ ຄຳເພົ້າ ບົວຜັນ ກ່າວຕື່ມອີກວ່າ: ຂ້າພະເຈົ້າຮູ້ສຶກດີໃຈທີ່ໄດ້ຜັກດັນສູ້ຊົນຊີວິດບວກກັບຄວາມຮູ້ທີ່ເຮົາມີສະໜອງໃຫ້ແກ່ສັງຄົມຈົນນຳປະສົບຄວາມສຳເລັດມາຮອດໃນມື້ນີ້ ພ້ອມນີ້ຈະສູ້ ແລະສ້າງຊື່ສຽງການອອກແບບເສື້ອຜ້າຕັດຫຍິບທີ່ເປັນຜະລິດຕະພັນລາວໃຫ້ຂະຫຍາຍກວ້າງອອກລະດັບເວທີສາກົນອີກຫຼາຍໆແຫ່ງທ້າຍນີ້ຂໍຟາກເຖິງທຸກຄົນໃນສັງຄົມທັງຫຼາຍວ່າເມື່ອເຮົາມີອາຊີບໃດໜຶ່ງຕ້ອງແບ່ງປັນຄວາມຮູ້ເພື່ອໃຫ້ມີລຸ້ນນ້ອງສືບທອດກັນຕໍ່ໆໄປພ້ອມມີຄວາມຮັກແພງສາມັກຄີຊ່ວຍເຫຼືອກັນ ແລະກັນແລ້ວຄວາມສຳເລັດ ຫຼືລາງວັນທີ່ຕ້ອງການນັ້ນຈະມາຫາຕົວເຮົາເອງ.

_____________

ຂຽນໂດຍ: ແພງຕາ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์