ຍີ່ປຸ່ນຈັດຕັ້ງໜ່ວຍອາວະກາດຮັບມືໄພຄຸກຄາມ ຈາກເຕັກໂນໂລຊີອາວະກາດ

  ນາຍົກລັດຖະມົນຕີຍີ່ປຸ່ນຊິນ ໂຊອາເບະປະກາດວ່າຍີ່ປຸ່ນຈະຈັດ ຕັ້ງໜ່ວຍປ້ອງກັນອາວະກາດເພື່ອປ້ອງກັນປະເທດຈາກໄພຄຸກຄາມຕ່າງໆໃນຊ່ວງທີ່ປະເທດຕ່າງໆກຳ ລັງພັດທະນາຂີປະນາວຸດ ແລະເຕັກ ໂນໂລຊີດ້ານອາວະກາດສະໄໝໃໝ່ກັນຢ່າງຄຶກຄັກ.

  “ໜ່ວຍປະຕິບັດການດ້ານອາວະກາດຂອງຍີ່ປຸ່ນ” ຫຼື Space Domain Mission Unit ຈະຢູ່ໃນສັງກັດຂອງກອງກຳລັງປ້ອງກັນຕົນເອງທາງອາວະກາດ ແລະຈະ ເລີ່ມພາລະກິດຕັ້ງແຕ່ເດືອນເມສານີ້ເປັນຕົ້ນໄປ ໂດຍຈະເຮັດວຽກໃກ້ ຊິດກັບກອງບັນຊາການອາວະກາດຂອງອາເມລິກາທີ່ປະທານາ ທິບໍດີໂດນັລທຣຳຫາກໍເປີດໂຕໄປເມື່ອບໍ່ດົນມານີ້ ແລະສຳນັກງານສຳຫຼວດອາວະກາດຂອງຍີ່ປຸ່ນ ຫຼື JAXA ດ້ວຍລັດຖະບານໂຕກຽວ ຈະຈັດສັນງົບປະມານປະມານ 51 ຕື້ເຢນ ຫຼື ປະມານ 460 ລ້ານໂດ ລາສະຫະລັດ ສຳລັບໜ່ວຍງານໃໝ່ນີ້ ໂດຍຂະນະນີ້ກຳລັງລໍການຮັບຮອງຈາກລັດຖະສະພາຍີ່ປຸ່ນ ທ່ານອາເບະກ່າວເປີດໂຕໜ່ວຍງານໃໝ່ລະຫວ່າງການເປີດກອງ ປະຊຸມລັດຖະສະພາເມື່ອວັນຈັນ ໂດຍບອກວ່າພາລະກິດສຳຄັນຂອງໜ່ວຍງານນີ້ຍັງລວມທັງການ ປ້ອງກັນໄພຄຸກຄາມຈາກໂລກໄຊ ເບີ ແລະຈາກການໃຊ້ຄື້ນແມ່ເຫຼັກໄຟຟ້າລົບກວນດາວທຽມຂອງຍີ່ ປຸ່ນທີ່ຢູ່ນອກໂລກ.

ສຳລັບຖານບັນຊາການຂອງ ໜ່ວຍປະຕິບັດການດ້ານອາວະກາດຂອງຍີ່ປຸ່ນຈະຕັ້ງຢູ່ທີ່ຖານທັບ ອາກາດຟູຊຸ ໃກ້ນະຄອນຫຼວງໂຕ ກຽວ ໂດຍໃນໄລຍະທຳອິດຈະມີ ເຈົ້າໜ້າທີ່ປະຈຳການປະມານ 20 ຄົນກ່ອນທີ່ຈະເພີ່ມຈຳນວນເຈົ້າໜ້າທີ່ໃນປີ 2022.

แชร์