ມົນສະເໜ ຄວາມສວຍງາມຂອງນໍ້າຕົກຕາດແຫ້ງ

  ອຸດົມໄຊ ຖືເປັນແຂວງໜຶ່ງ ທີ່ມີທ່າແຮງດ້ານການທ່ອງທ່ຽວ ເນື່ອງຈາກແຂວງມີເສັ້ນທາງ ເຊື່ອມຕໍ່ລະຫວ່າງປະເທດທີ່ອໍາ ນວຍຄວາມສະດວກ ແລະຫຼາຍ ແຂວງພາຍໃນປະເທດ, ທີ່ສໍາຄັນ ແມ່ນມີສະຖານທີ່ແຫຼ່ງທ່ອງທ່ຽວ ທາງວັດທະນະທໍາ, ທໍາມະຊາດ ແລະປະຫວັດສາດຫຼາກຫຼາຍແຫ່ງ ສວຍງາມເປັນທີ່ສົນໃຈຂອງນັກ ທ່ອງທ່ຽວທັງພາຍໃນ ແລະຕ່າງ ປະເທດເຫັນໄດ້ໃນແຕ່ລະປີມີນັກ ທ່ອງທ່ຽວເຂົ້າມາທ່ຽວຊົມແຂວງເປັນຈໍານວນຫຼວງຫຼາຍ.

  ນໍ້າຕົກຕາດແຫ້ງ ສະຖານທີ່ ທ່ອງທ່ຽວແຫ່ງນີ້ເປັນສະຖານທີ່ ທີ່ມີຄວາມສົມບູນຂອງທຳມະຊາດ, ປະກອບດ້ວຍປ່າໄມ້ທີ່ຕຶບໜາ ແລະ ພືດພັນຫຼາຍຊະນິດ, ທັງຍັງເປັນ ແຫຼ່ງທ່ອງທ່ຽວຕາກອາກາດ, ຍ່າງ ປ່າຊົມທິວທັດທຳມະຊາດ, ນໍ້າຕົກ ຕາດດັ່ງກ່າວແມ່ນຕັ້ງຢູ່ເມືອງຮຸນ, ຫ່າງຈາກຕົວເມືອງ ປະມານ 24 ກິໂລແມັດ.

  ນໍ້າຕົກຕາດທີ່ວ່ານີ້ນັກທ່ອງ ທ່ຽວສາມາດລົງຫຼິ້ນນໍ້າທີ່ເຢັນສະບາຍໄດ້ຢູ່ບໍລິເວນກ້ອງນໍ້າຕົກ, ສ່ວນຢູ່ດ້ານລຸ່ມຂອງຕາດກໍມີໂງ່ນ ຫີນໄວ້ໃຫ້ທ່ານໄດ້ນັ່ງພັກຜ່ອນ ຢ່ອນໃຈ ນອກຈາກຄວາມສວຍ ງາມເຫຼົ່ານັ້ນແລ້ວອາກາດກໍຍັງ ເປັນມິດກັບຜູ້ຄົນທີ່ໄປທ່ອງທ່ຽວ, ຍ້ອນວ່າອາກາດສົດຊື່ນເຢັນສະບາຍມີລົມພັດຜ່ານເປັນໄລຍະໆ, ເໝາະທີ່ສຸດສໍາລັບຜູ້ຄົນທີ່ເຮັດວຽກ ງານໜັກໃນຫ້ອງລ້າຫ້ອງການ ຢາກໄປພັກຜ່ອນນັ່ງຫຼິ້ນ, ກິນເຂົ້າ ປ່າ, ສູບດົມອາກາດສົດ,ຊົມວິວທິວທັດທໍາມະຊາດທີ່ຫາບ່ອນອື່ນ ໃດມາປຽບໄດ້.

-------

ໂດຍ: ວົງມະນີ

• 30/01/2020