ຄຊປປລ ດໍາເນີນກອງປະຊຸມໃຫຍ່ຄັ້ງທີ V

  ກອງປະຊຸມໃຫຍ່ສະມາຊິກຊາວໜຸ່ມຂອງຄະນະບໍລິຫານງານຊາວໜຸ່ມປະຊາຊົນປະຕິວັດລາວ (ຄຊປປລ) ສູນກາງຊາວໜຸ່ມປະຊາຊົນປະຕິວັດລາວ (ສຊປລ) ຄັ້ງທີ V ໄດ້ໄຂໃນວັນທີ 28 ມັງກອນ 2020 ທີ່ນະຄອນຫຼວງວຽງຈັນ, ໂດຍການເປັນປະທານຂອງສະຫາຍ ສຸລິຍາແກ້ວພິລາວົງ ເລຂາຄະນະຊາວໜຸ່ມປະຊາຊົນປະຕິວັດລາວ ແລະ ເປັນກຽດເຂົ້າຮ່ວມຂອງສະຫາຍ ອາລຸນ ໄຊ ສູນນະລາດ ກໍາມະການສໍາຮອງສູນກາງພັກ, ເລຂາຄະນະບໍລິຫານງານ ສຊປລ, ມີບັນດາສະມາຊິກ, ພ້ອມດ້ວຍພາກສ່ວນທີ່ກ່ຽວຂ້ອງ.

  ສະຫາຍນາງ ປານີ ກິນດາວົງ ຮອງເລຂາ ຄຊປປລ ໄດ້ຍົກໃຫ້ເຫັນການເຄື່ອນໄຫວຈັດຕັ້ງປະຕິບັດວຽກງານຕະຫຼອດ 5 ປີຜ່ານມາ ແຕ່2014-2019, ປະຈຸບັນ ມີສະມາຊິກຊາວໜຸ່ມທັງໝົົດ 225 ສະຫາຍ, ຍິງ 84 ສະຫາຍ, ຄຊປປລ ແມ່ນການຈັດຕັ້ງໜຶ່ງທີ່ຂຶ້ນກັບສຊປລ ແລະເຄື່ອນໄຫວວຽກງານພາຍໃຕ້ການນໍາພາຊີ້ນໍາ ໂດຍກົງ ແລະຮອບດ້ານຊຶ່ງໄດ້ຕັ້ງໜ້າສຶກສາອົບຮົມການເມືອງ, ແນວຄິດໃຫ້ແກ່ສະມາຊິກຊາວໜຸ່ມທີ່ຢູ່ໃນຄວາມຮັບຜິດຊອບຂອງຕົນຢ່າງເປັນປົກກະຕິເປັນຕົ້ນການເຂົ້າ ຮ່ວມເຊື່ອມຊຶມແນວທາງນະໂຍບາຍຂອງພັກ, ລັດຖະທໍາມະນູນ, ກົດໝາຍ, ບັນດາມູນເຊື້ອປະຫວັດສາດຂອງຊາດ,ຂອງພັກພ້ອມນັ້ນສະມາຊິກຊາວໜຸ່ມຈໍານວນໜຶ່ງຍັງໄດ້ປະກອບສ່ວນເປັນກະບອກສຽງໃຫ້ແກ່ຄະນະພັກ ສຊປລ ໃນການຂຽນບົດຂ່າວ, ການໂຄສະນາເຜີຍແຜ່ແນວທາງນະໂຍບາຍຂອງຊາດ, ຂອງພັກ, ຂອງຊາວໜຸ່ມ ແລະອື່ນໆລົງໃນສື່ສິ່ງພິມຊາວໜຸ່ມ, ລາຍການວິທະຍຸ, ໂທລະພາບ ແລະສື່ເອເລັກໂຕຣນິກຕ່າງໆຂອງຊາວໜຸ່ມເຮັດໃຫ້ສັງຄົມໄດ້ຮັບຮູ້ຂໍ້ມູນຂ່າວສານ ແລະການເຄື່ອນ ໄຫວວຽກງານຊາວໜຸ່ມນັບມື້ຫຼາຍຂຶ້ນ.

   ນອກຈາກນີ້ໃນໄລຍະຜ່ານມາ ຄຊປປລ ຍັງໄດ້ມີການເຄື່ອນໄຫວວຽກງານຂະບວນການທີ່ພົ້ນເດັ່ນເຊັ່ນ: ຂະບວນການຊ່ວຍສັງຄົມ, ຂະບວນການສໍາມະນາວິທະຍາ ສາດ, ແລກປ່ຽນບົດຮຽນ, ສິລະປະ, ກີລາ ແລະອື່ນໆ ພ້ອມນັ້ນກອງອາສາສະໝັກຊາວໜຸ່ມຕະລຸມບອນຍັງໄດ້ປະກອບສ່ວນເຂົ້າໃນການຍົກຍ້າຍເຄື່ອງຊ່ວຍປະຊາຊົນທີ່ໄດ້ຮັບຜົນກະທົບຈາກໄພນໍ້າຖ້ວມຢູ່ໃນນະຄອນຫຼວງປີຜ່ານມາ, ພ້ອມທັງລະດົມການຊ່ວຍເຫຼືອທາງດ້ານວັດຖຸອຸປະກອນ, ເຄື່ອງອຸປະໂພກ-ບໍລິໂພກຈາກພາກສ່ວນຕ່າງໆໃນສັງຄົມປະກອບສ່ວນເຂົ້າໃນວຽກງານ ປກຊ-ປກສ ໃນວັນສໍາຄັນຕ່າງໆ ຂອງຊາດ, ຂອງພັກທັງເປັນການປະກອບສ່ວນສໍາຄັນເຂົ້າໃນພາລະກິດປົກປັກຮັກສາ ແລະສ້າງສາພັດທະນາປະເທດຊາດໃນໄລຍະໃໝ່.

_____________

ຂຽນໂດຍ: ແປ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์