ນັກເສດຖະສາດແນະນຳອາຊຽນ ເພິ່ງ ຕົນເອງໜູນການເຕີບໂຕທາງເສດຖະກິດ

  ນັກເສດຖະສາດແນະນຳຊາດສະມາຊິກສະມາຄົມປະຊາຊາດອາຊີຕາເວັນອອກສຽງໃຕ້ (ອາຊຽນ) ໂດຍສະເພາະ ສສ ຫວຽດນາມ ວ່າໃຫ້ເພິ່ງພາເສດຖະກິດທີ່ເຂັ້ມແຂງຂອງຕົນເອງ ໂດຍສະເພາະການກະຕຸ້ນຄວາມ ຕ້ອງການພາຍໃນປະເທດທ່າມກາງພາວະບໍ່ແນ່ນອນ ແລະປັດໄຈ ສ່ຽງຂອງເສດຖະກິດໂລກ.

  ລາຍງານເສດຖະກິດຂອງທະນາຄານ ເອຊເອສບີຊີ ເມື່ອບໍ່ດົນມານີ້ລະບຸວ່າ ພາກພື້ນອາຊຽນຖືວ່າໄດ້ປຽບພາກພື້ນອື່ນທີ່ມີການລົງທຶນໃໝ່ໆໃນໂຄງການພັດທະນາໂຄງສ້າງພື້ນຖານເພີ່ມຂຶ້ນຕາມແຜນທີ່ລັດຖະບານແຕ່ລະປະເທດກຳນົດໄວ້ເຮັດໃຫ້ການເຕີບໂຕທາງເສດຖະກິດໂດຍລວມໃນປີນີ້ ດີຂຶ້ນ ແຕ່ການເຕີບໂຕຂອງເສດຖະກິດໂລກອາດລໍຕົວລົງຈາກກິດຈະກຳທາງເສດຖະກິດຂອງ ສປ ຈີນ ແລະກຸ່ມປະເທດໃນເອີຣົບ (ອີຢູ) ທີ່ປັບຕົວຫຼຸດລົງລວມທັງປັດໄຈສ່ຽງດ້ານພູມສາດທາງການ ເມືອງພາກພື້ນອາຊຽນຊຶ່ງຕັ້ງຢູ່ ທາງກາງຂອງພື້ນທີ່ຂະໜາດໃ ຫຍ່ທີ່ເຊື່ອມລະຫວ່າງມະຫາສະມຸດອິນ ເດຍ ແລະມະຫາສະມຸດປາຊິຟິກ ຈຶ່ງເປັນພາກພື້ນທີ່ມີທັງໂອກາດ ແລະຄວາມທ້າທາຍ ແລະດ້ວຍ ຄວາມທີ່ມີປະຊາກອນລວມກັນ ຈຳນວນຫຼາຍກວ່າ 642 ລ້ານຄົນມີພື້ນທີ່ຫຼາຍກວ່າ 1,7 ລ້ານກິໂລ ຕາແມັດ ອາຊຽນຈຶ່ງເປັນຕະຫຼາດທີ່ມີສັກກະຍະພາບຫຼາຍ ເປັນພາກ ພື້ນທີ່ມີເສດຖະກິດຂະໜາດໃຫຍ່ ແລະເປັນພາກພື້ນທີ່ສົດໄສທີ່ສຸດ ຂອງລະບົບເສດຖະກິດໂລກ.

  ປະຈຸບັນຊາດສະມາຊິກຂອງ ອາຊຽນເລ່ງກະຕຸ້ນການເຕີບໂຕ ຂອງເສດຖະກິດຜ່ານການປະຕິວັດ ອຸດສາຫະກຳລຸ້ນທີ 4 ດ້ວຍການ ໃຊ້ເຕັກໂນໂລຊີໃໝ່ໆເປັນເຄື່ອງ ມືເຊັ່ນ ເຕັກໂນໂລຊີປັນຍາປະດິດ (ເອໄອ) ແລະໃຊ້ຫຸ່ນຍົນລຸ້ນຫຼ້າ ສຸດ ແຕ່ການກີດກັນທາງການຄ້າທີ່ນັບວັນຈະຮຸນແຮງເພີ່ມຂຶ້ນ ປະກອບກັບກໍລະນີຜິດພາດທາງການຄ້າຂອງຄູ່ຄ້າຕ່າງໆໃນຫຼາຍພາກພື້ນຂອງໂລກ ເປັນຄວາມທ້າທາຍ ທີ່ສຳຄັນ ແລະເປັນອຸປະສັກທີ່ຢັບ ຢັ້ງການຂະຫຍາຍຕົວຂອງການ ຄ້າ ແລະເສດຖະກິດໂລກ.

  ເພື່ອໃຫ້ຊາດສະມາຊິກອາຊຽນ ສາມາດຜ່ານຜ່າອຸປະສັກຕ່າງໆ ຫຼື ຫຼີກລ່ຽງຜົນກະທົບຈາກເສດຖະກິດໂລກນັກເສດຖະສາດແນະນຳ ວ່າອາຊຽນທຸກປະເທດຄວນເປັນໜຶ່ງດຽວສະມັກສະມານສາມັກຄີ ກັນ ແລະກະຕຸ້ນເສດຖະກິດໃຫ້ຂະຫຍາຍຕົວຕໍ່ເນື່ອງເລ່ງຕອບສະ ໜອງຄວາມທ້າທາຍຕ່າງໆທີ່ເກີດ ຂຶ້ນສົ່ງເສີມການພັດທະນາດ້ານ ນະວັດຕະກຳ ແລະລົງທຶນໃໝ່ໆ ເພື່ອສະໜັບສະໜູນໃຫ້ເສດຖະກິດ ຂະຫຍາຍຕົວຕໍ່ໄປຢ່າງບໍ່ຂາດ ຕອນ.

แชร์