ເປີດຮ້ານ ບີບິ້ວຕີ້ຂາຍເຄື່ອງສິນຄ້າສຳອາງ

  ວັນທີ 30 ມັງກອນຜ່ານມາທີ່ຕະຫຼາດເຊົ້າມໍ ນະຄອນຫຼວງວຽງຈັນ ໄດ້ຈັດພິທີເປີດຮ້ານ ບີບີ້ວຕີ້ ເປັນກຽດເຂົ້າຮ່ວມ ທ່ານ ນາງ ວຽງວິໄລ ຣັດຕະນາ ເຈົ້າຂອງຮ້ານບີບິ້ວຕີ້, ທ່ານ ນາງ ສຸພາພອນ ເຈົ້າຂອງຍີ່ຫໍ້ສິນຄ້າ ບີບິ້ວຕີ້ ພ້ອມບັນດານາຍແບບ, ດາລານັກຮ້ອງນັກສະແດງ ແລະ ສື່ມວນຊົນເຂົ້າຮ່ວມ.

  ທ່ານ ນາງ ວຽງວິໄລ ຣັດຕະນາໄດ້ກ່າວວ່າ: ເມື່ອກ່ອນຮ້ານຂອງເຮົາເປັນຮ້ານເຈ້ວຽງແມ່ນຂາຍສິນຄ້າຜະລິດຕະພັນເຄື່ອງສຳອາງຢູ່ແລ້ວແຕ່ເພື່ອໃຫ້ສິນຄ້າມີຄຸນນະພາບສູງຈິງໄດ້ນຳເອົາຍີ່ຫໍ້ ບີບິ້ວຕີ້ ເຂົ້າມາວາງຂາຍ ແລະເປັນຕົວແທນຈຳໜ່າຍສາຂາທີສອງໃນລາວ ບີບິ້ວຕີ້ ເປັນຍີ່ຫໍ້ສິນຄ້າຊື່ດັງທີ່ນຳເຂົ້າຈາກປະ  ເທດເກົາຫຼີ ແລະຍີ່ປຸ່ນໃນນັ້ນເປັນສູນລວມເຄື່ອງສຳອາງສຸຂະພາບ ແລະຄວາມງາມພ້ອມທັງເປັນສິນຄ້ານະວັດຕະກຳໃໝ່ທີ່ມີສາຂາຈຳໜ່າຍຢູ່ 3 ປະເທດຄື: ລາວ, ມຽນມາ ແລະກຳປູເຈຍສຳລັບຜະລິດຕະພັນທີ່ນຳມາວາງຂາຍໃນລາວນີ້ຈະມີຫຼາກຫຼາຍປະເພດເປັນຕົ້ນອາຫານເສີມຄວາມງາມ, ຄີມບຳລຸງຜິວ, ໂລຊັນປັບຜິວໃສ, ເຄື່ອງເຮັດລອນຜົມເກົາຫຼີ ແລະສິນຄ້າອື່ນໆກ່ຽວກັບຄວາມສວຍງາມທີ່ກຸ່ມໄວໜຸ່ມກຳລັງນິຍົມໃຊ້ໃນສັງຄົມປະຈຸບັນ.

  ພິເສດເນື່ອງໃນໂອກາດເປີດຮ້ານໃໝ່ເລີ່ມແຕ່ມື້ນີ້ຈົນຮອດວັນທີ 5 ກຸມພາ 2019 ເມື່ອຊື້ສິນຄ້າທຸກປະເພດແມ່ນມີສ່ວນຫຼຸດ 50% ຫຼື ຊື້ສິນຄ້າຊຸດໃຫຍ່ແມ່ນໄດ້ແຖມຊຸດນ້ອຍໃຫ້ໜຶ່ງຊຸດ ນອກນັ້ນສຳລັບລູກຄ້າທ່ານໃດຢາກເປັນຕົວແທນຈຳໜ່າຍກໍ່ສາມາດເຂົ້າພົວພັນໄດ້ທີ່ເຟດສ໌ບຸກ Be Beauy Las.

แชร์