ທ່ານຄວນຮູ້ ວິທີປ້ອງກັນຕົວເອງ ຈາກໄວຣັສ ໂຄໂຣນາ

  ທ່ານຮູ້ແລ້ວ ຫຼື ບໍ່ວ່າ ໄວຣັສ ໂຄໂຣນາ ດັ່ງກ່າວນີ້ແມ່ນຄືຫຍັງ, ມີຄວາມຮຸນແຮງເຖິງຂັ້ນໃດ? ເຊື້ອພະຍາດເປັນສິ່ງທີ່ເບິ່ງບໍ່ເຫັນ ແລະຄາດການໄດ້ຍາກໄລຍະນີ້ມີການ ລະບາດຂອງໄວຣັສອັກເສບປອດ ສາຍພັນໃໝ່ທີ່ກຳລັງຖືກກ່າວເຖິງ ຫຼາຍທີ່ສຸດເຊື້ອພະຍາດຊະນິດນີ້ມີ ການລະບາດໜັກຈາກຄົນສູ່ຄົນພໍດີຊ່ວງກຸດຈີນຊຶ່ງຊ່ວງນີ້ນັກສຶກສາທີ່ໄປຮຽນຢູ່ຈີນກໍໄດ້ພັກກັບມາ ບ້ານຄົນຈີນເອງພັກຍາວກໍອອກ ໄປທ່ຽວຕ່າງປະເທດເຮັດໃຫ້ມີຄວາມສ່ຽງລະບາດໄປຫຼາຍປະເທດພວກເຮົາ ສປປ ລາວກໍເຊັ່ນດຽວກັນຕ້ອງມີຄວາມລະມັດລະວັງເປັນພິເສດ, ສະນັ້ນຊ່ວງນີ້ໃຜ ເປັນຫວັດເປັນໄອຮີບໄປໂຮງໝໍ ໂດຍສະເພາະຄົນທີ່ຢູ່ໃນກຸ່ມສ່ຽງດັ່ງນີ້: ຫາກໍເດີນທາງມາແຕ່ຈີນ, ເຮັດວຽກ, ພົວພັນ, ໃກ້ຊິດກັບຄົນ ຈີນທີ່ຫາກໍເຂົ້າມາລາວ, ຊຶ່ງໄວຣັສ ໂຄໂຣນາ ມີທັງໝົດ 6 ສາຍພັນ ທີ່ເຄີຍເກີດແຜ່ລະບາດແລ້ວສາຍ ພັນຫຼ້າສຸດນີ້ເປັນສາຍພັນທີ 7 ຊຶ່ງມັນສາມາດເຮັດໃຫ້ເກີດອາການ ຕັ້ງແຕ່ເປັນຫວັດໄປຈົນເຖິງຂັ້ນ ປອດອັກເສບ ແລະເສຍຊີວິດ, ສະນັ້ນມື້ນີ້ໃນສາລະໜ້າຮູ້  ຈຶ່ງຮິບໂຮມ ສາລະສຳຄັນ ແລະວິທີປ້ອງກັນມາ ໃຫ້ທ່ານດັ່ງນີ້.

* ວິທີປ້ອງກັນຕົວທ່ານເອງຈາກໄວຣັສ ໂຄໂຣນາ.

• ຫຼີກລ່ຽງສໍາຜັດສັດ ແລະຊີ້ນ ສັດຈາກສະຖານທີ່ໄວຣັສແຜ່ລະ ບາດ.
• ບໍ່ຄວນໄປຕະຫຼາດສົດ.
• ບໍ່ຄວນໃກ້ຊິດ ຫຼື ສຳຜັດຜູ້ມີອາການຕິດເຊື້ອທາງເດີນຫາຍໃຈເຊັ່ນ: ມີອາການໄອ, ນໍ້າມູກຍ້ອຍ.
• ຄວນລ້າງມືດ້ວຍສະບູ ຫຼື ເຫຼົ້າ.
• ຫຼີກລ່ຽງການເດີນທາງໄປ ສະຖານທີ່ໄວຣັສແຜ່ລະບາດ.
• ຫຼີກລ່ຽງການໄປທີ່ຊຸມຊົນແອ ອັດ.
• ຢູ່ຫ່າງໄກຈາກຄົນຕິດເຊື້ອ, ຄົນໄອ ແລະຈາມ.
• ໄປກວດສຸຂະພາບເມື່ອກັບ ຈາກສະຖານທີ່ມີຄວາມສ່ຽງ.
• ກິນອາຫານທີ່ສຸກແລ້ວ ແລະ ຫຼີກເວັ້ນການກິນອາຫານທີ່ເປັນສັດ ປ່າ.
• ຫ້າມໃຊ້ພາຊະນະຮ່ວມກັນ ກັບຄົນເຈັບ.
• ໃສ່ແຜ່ປິດປາກເມື່ອໄປສະ ຖານທີ່ຕ່າງໆ.

• 29/01/2020