ເມືອງຮ້ຽມມອບໃບຈົບຊັ້ນມັດທະຍົມຕົ້ນ ບຳລຸງໃຫ້ນັກຮຽນ

  ວັນທີ 24 ມັງກອນ ຜ່ານມາ ທີ່ສະໂມສອນບ້ານຫາດສາ ເມືອງຮ້ຽມ ແຂວງຫົວພັນ ໄດ້ຈັດ ພິທີມອບ-ຮັບໃບຈົບຊັ້ນມັດທະຍົມຕອນຕົ້ນບໍາລຸງໃຫ້ແກ່ນັກຮຽນທີ່ຮຽນຈົບໃນສົກປີ 2017-2018 ໂດຍການເປັນປະທານຂອງທ່ານ ແສງພອນ ບຸນມະນີຈັນ ຮອງຫົວໜ້າຫ້ອງການສຶກສາທິການ ແລະ ກີລາເມືອງຮ້ຽມ, ທ່ານ ໄມລຽນ ບົວລາສີ ຫົວໜ້າໜ່ວຍງານ ກສນ, ມີອົງການປົກຄອງບ້ານຫາດສາ ແລະອໍານວຍການໂຮງຮຽນ ມ ຕົ້ນດອນຄູນພ້ອມດ້ວຍຄູ-ອາຈານ ແລະນັກຮຽນ ກສນ ເຂົ້າຮ່ວມ.

   ທ່ານ ແສງພອນ ບຸນມະນີຈັນ ໄດ້ກ່າວສະແດງຄວາມຍ້ອງຍໍຊົມ ເຊີຍຕໍ່ຄວາມຕັດສິນໃຈບຸກບືນ ຜ່ານຜ່າອຸປະສັກນາໆປະການ ແລະ ການມີສ່ວນຮ່ວມປະກອບສ່ວນວັດ ຖຸປັດໄຈ, ແຮງງານຕ່າງໆຈາກ ທຸກພາກສ່ວນເປັນຕົ້ນແມ່ນຫ້ອງ ການສຶກສາ, ຄູ-ອາຈານ, ພໍ່ແມ່ປະ ຊາຊົນ ແລະນັກຮຽນທີ່ໄດ້ປະກອບສ່ວນເຂົ້າໃນວຽກງານການ ສຶກສານອກໂຮງຮຽນຈົນໄດ້ຮັບ ຜົນສໍາເລັດໃນໄລຍະຜ່ານມາພ້ອມ ນັ້ນທ່ານໄດ້ເນັ້ນໜັກບາງບັນຫາ ໃຫ້ແກ່ນັກຮຽນພາຍຫຼັງທີ່ໄດ້ຮັບ ໃບຈົບຊັ້ນແລ້ວໃຫ້ນໍາໃຊ້ໃບຈົບຊັ້ນ ເກັບຮັກສາໃຫ້ດີ, ບໍ່ໃຫ້ຕົກເຮ່ຍເສຍ ຫາຍເພາະເປັນໃບຢັ້ງຢືນລະດັບ ແລະຜົນງານການສຶກສາຂອງຕົນ ເອງ, ໃບຈົບຊັ້ນມີຄຸນປະໂຫຍດ ເພາະສາມາດເປັນໃບເບີກທາງເພື່ອ ເຂົ້າຮຽນຕໍ່ ຫຼື ຝຶກອົບຮົມວິຊາຊີບໃນສາຂາຕ່າງໆເປັນການຕໍ່ຍອດ ແລະພັດທະນາຄວາມຮູ້, ພັດທະນາສີມືແຮງງານປະກອບສ່ວນເຂົ້າ ໃນການພັດທະນາຄອບຄົວໃຫ້ມີ ຄວາມກ້າວໜ້າຂຶ້ນ.

  ການຈັດພິທີມອບ-ຮັບໃບປະກາດຈົບຊັ້ນ ມ ຕົ້ນບໍາລຸງມີທັງໝົດ ຈໍານວນ 10 ບ້ານ, ມີທັງໝົດ 119 ໃບ ແລະຈະຈັດພິທີມອບເປັນ 4 ຈຸດຄື:ຈຸດທີ 1 ມີ 1 ບ້ານຄື: ບ້ານຫາດສາ; ຈຸດທີ 2 ມີ 4 ບ້ານ  ຄື: ບ້ານຫ້ວຍສາ, ບ້ານນາທວນ, ບ້ານພູວຽງ ແລະບ້ານນາໂພນ; ຈຸດທີ 3 ມີ 2 ບ້ານຄື: ບ້ານປຸ່ງປິ່ນ ແລະບ້ານກາງ; ຈຸດທີ 4 ມີ 3 ບ້ານ ຄື: ບ້ານພຽງດີ, ບ້ານພັນລໍ ແລະ ບ້ານຄອນງົວ ຊຶ່ງຄາດວ່າຈະມອບ ໃຫ້ສໍາເລັດພາຍໃນທ້າຍເດືອນນີ້.

แชร์