ຜົ້ງສາລີ ຈະສົ່ງ 8 ປະເພດກີລາເຂົ້້າຊີງໄຊ ຊຽງຂວາງເກມ

 ຕາມການລາຍງານທ່ານ ສີສຸພັນ ທຸມມາລາ ຫົວໜ້າຂະແໜງກີລາລະດັບສູງພະແນກສຶກສາທິການ ແລະກີລາແຂວງຜົ້ງສາລີ ທີ່ເປັນພະແນກຮັບຜິດຊອບໂດຍ ກົງການກະກຽມເຂົ້າຮ່ວມງານມະຫາກຳກີລາແຫ່ງຊາດ ຄັ້ງທີ XI ຊຶ່ງຈະຈັດຂຶ້ນທີ່ແຂວງຊຽງຂວາງ ໃນເດືອນມີນາ ທີ່ຈະເຖິງນີ້ໄດ້ລາຍ ງານໃຫ້ຮັບຮູ້ວ່າ: “ແຂວງຜົ້ງສາລີ ແມ່ນໄດ້ກະກຽມ 8 ປະເພດກີລາ ເຂົ້າຮ່ວມແຂ່ງຂັນຊີງໄຊຄື: ກີລາ ບານເຕະ, ກີລາເຮືອຊ່ວງ, ກີລາ ແລ່ນລານ, ກີລາໝາກຂ່າງ, ກີລາໝາກແລ້, ກີລາໜ້າເກັກ, ກີລາ ເປຕັງ ແລະກີລາຍິງປືນ, ໂດຍໄດ້ ຄັດເລືອກນັກກີລາ ແລະຝຶກຊ້ອມມາຕັ້ງແຕ່ເດືອນກັນຍາ  2019  ທຸກປະເພດກີລາແມ່ນມີຄວາມຫວັງວ່າຈະສາມາດຍາດຜົນງານດີທີ່ສຸດມາຝາກພີ່ນ້ອງຊາວຜົ້ງສາລີ”.

  ງານມະຫາກໍາກີລາແຫ່ງຊາດ ຄັ້ງທີ XI  ທີ່ແຂວງຊຽງຂວາງ ໄດ້ຮັບກຽດເປັນເຈົ້າພາບຈະຈັດຂຶ້ນຢ່າງເປັນທາງການໃນລະຫວ່າງ ວັນ ທີ 22 ມີນາ ຫາ 1 ເມສາ 2020 ໂດຍຈະຈັດຂຶ້ນພ້ອມກັບການສະເຫຼີມສະຫຼອງວັນສ້າງຕັ້ງພັກປະຊາຊົນປະຕິວັດລາວ ວັນທີ 22 ມີນາ ຄົບຮອບ 65 ປີ ແລະການສະເຫຼີມສະຫຼອງທົ່ງໄຫຫີນ ແຂວງຊຽງຂວາງ ເຂົ້າເປັນມໍລະດົກໂລກໂດຍມີພາກສ່ວນຕ່າງໆທີ່ໄດ້ສະເໜີເຂົ້າຮ່ວມງານແລ້ວແມ່ນປະກອບດ້ວຍນະຄອນຫຼວງ,ບັນດາແຂວງທົ່ວປະເທດ, 4 ກະຊວງ ແລະ1 ອົງການມະຫາຊົນ, ຈະມີແຂ່ງຂັນທັງໝົດ 28 ປະເພດ ກີລາຄື: ແລ່ນລານ, ເຕະບານ, ບານບ້ວງ, ບານສົ່ງ-ບານສົ່ງຫາດ ຊາຍ, ກະຕໍ້-ຊິນລອນ, ເຕັນນິສ, ປິງປ໋ອງ, ເປຕັງ, ດອກປີກໄກ່, ລອຍນໍ້າ, ຍິງປືນ, ເທັກຄວັນໂດ, ວູຊູ, ປັນຈັກສີລັດ, ຢູໂດ, ກາຣາ ເຕໂດ, ມວຍສາກົນ, ມວຍປໍ້າ, ມວຍລາວ, ຊ່ວງເຮືອ, ກ໊ອຟ, ໝາກ ເສິກ, ໜ້າເກັກ-ຍິງທະນູ, ໝາກແລ້, ລົດຖີບ, ໂບລິ້ງ ແລະສະນຸກເກີ, ນອກນີ້ຍັງມີ 1 ກີລາສາທິດ ຄື: ຣັກບີ້.

---------

ໂດຍ: ສົມຄິດ ແກ້ວນວນລາ

แชร์