ຍົມມະລາດປິດຝຶກອົບຮົມໃຫ້ຜູ້ຖືກເຄາະຮ້າຍຈາກຢາເສບຕິດ

 ໃນອາທິດຜ່ານມາກອງບັນຊາການ ປກສ ເມືອງຍົມມະລາດ ແຂວງຄຳມ່ວນໄດ້ຈັດພິທີປິດຝຶກອົບຮົມໃຫ້ຜູ້ຖືກເຄາະຮ້າຍຈາກຢາເສບຕິດພາຍໃນກຸ່ມບ້ານເໝືອງພາຍ ຫຼັງທີ່ເຈົ້າໜ້າທີ່ໄດ້ສຶກສາອົບຮົມມາເປັນເວລາ 11 ວັນ ໂດຍໃຫ້ກຽດເປັນປະທານ ໂດຍທ່ານ ຄູນສີ ແສງດາລາ ຮອງເຈົ້າເມືອງໆ ຍົມມະລາດ, ທ່ານ ພັທ ຄຳອອນ ອຸ ດົມສິງ ຫົວໜ້າກອງບັນຊາການ ປກສ ເມືອງມີບັນດາທ່ານຫົວໜ້າຫ້ອງການອ້ອມຂ້າງເມືອງ, ຂະແໜງການຕ່າງໆຂອງ ປກສ ເມືອງພໍ່ແມ່ປະຊາຊົນ ແລະຜູ້ເຄາະຮ້າຍຈາກຢາເສບຕິດເຂົ້າຮ່ວມ.

  ຜ່ານການສຶກສາອົບຮົມມາເປັນເວລາ 11 ວັນເຈົ້າໜ້າທີ່ໄດ້ ນຳເອົາຂໍ້ຕົກລົງ, ເອກະສານ, ກົດລະບຽບ ແລະກົດໝາຍຕ່າງໆລົງ ເຜີຍແຜ່ໃຫ້ແກ່ກຸ່ມເປົ້າໝາຍໄດ້ສຶກ ສາອົບຮົມ ແລະສ້າງບົດບັນທຶກ ຮ່ວມກັບຜູ້ຖືກເຄາະຮ້າຍຈາກຢາ ເສບຕິດ ໃນນັ້ນມີຜູ້ຖືກເຄາະຮ້າຍ ຈາກຢາເສບຕິດພາຍໃນກຸ່ມບ້ານ ເໝືອງຈຳນວນ 8 ບ້ານມີ: ບ້ານ ແກ້ງເຫຼັກ, ບ້ານເໝືອງ, ບ້ານໝອງປີງ, ບ້ານນາໄຟໄໝ້, ບ້ານນາເທີດ, ບ້ານໂພນສະຫັວນ, ບ້ານຖ້ຳພວງ ແລະ ບ້ານຍົມມະລາດໃຕ້ມີທັງ ໝົດ 104 ຄົນ ການສຶກສາອົບຮົມໃນຄັ້ງນີ້ແມ່ນຈຸດທີ 3 ໃນການລົງເຄື່ອນໄຫວຕາມແຜນການທີ່ວາງໄວ້ຊຶ່ງເຈົ້າໜ້າທີ່ ແລະວິຊາການທີ່ກ່ຽວຂ້ອງກໍ່ໄດ້ນຳເອົາມາສຶກສາອົບຮົມສັ່ງສອນກ່າວເຕືອນ ແລະສ້າງບົດບັນທຶກກັບກຸ່ມຜູ້ເຄາະຮ້າຍຈາກຢາເສບຕິດດັ່ງກ່າວໃຫ້ຫຼຸດໜ້ອຍຖອຍລົງ.

  ນອກຈາກນັ້ນຍັງໄດ້ນິມົນພະສົງມາເຜີຍແຜ່ທຳມະເທດສະໜາສັ່ງສອນໃຫ້ແກ່ຜູ້ຖືກເຄາະຮ້າຍໄດ້ຮັບຮູ້ ແລະເຂົ້າໃຈຕໍ່ຜົນຮ້າຍຂອງສິ່ງເສບຕິດວ່າ: ຜູ້ເສບຕາຍ, ຜູ້ຂາຍຕິດຄຸກ ແລະຜູ້ເປັນທຸກແມ່ນພໍ່ແມ່ຍາດຕິພີ່ນ້ອງ.

 ໃນຕອນທ້າຍພິທີດັ່ງກ້າວຜູ້ຖືກເຄາະຮ້າຍຈາກຢາເສບຕິດໄດ້ປະຕິຍານຕົນຕໍ່ການຈັດຕັ້ງ-ພາກສ່ວນກ່ຽວຂ້ອງ ແລະກິນນໍ້າມົນສາບານຕົນດ້ວຍພ້ອມທັງຮັບຟັງການໂອ້ ລົມຈາກທ່ານ ຄູນສີ ແສງດາລາ ຮອງເຈົ້າເມືອງໆຍົມມະລາດ.

___________

ຂຽນໂດຍ: ແຫວນຄຳ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์