ຄິດຫາທີ່ຢູ່ອາໄສ ຊັບສິນ ພຣັອບເພີຕີ້ ຊ່ວຍທ່ານໄດ້

  ບໍລິສັດຊັບພະສິນພຣັອບເພີຕີ້ບໍລິສັດໜຶ່ງທີ່ຢູ່ລະດັບແຖວໜ້າດຳເນີນທຸລະກິດກ່ຽວກັບອະສັງຫາລິມະຊັບມາດົນສົມຄວນ ແລະທຸກໂຄງການໃນເທສະການບໍລິສັດແມ່ນຈະຈັດກິດຈະກຳຄືນກຳໄລໃຫ້ລູກຄ້າເຮັດໃຫ້ຕະຫຼອດໄລຍະຜ່ານມາປະຈຸບັນໄດ້ຮັບຄວາມເຊື້ອໝັ້ນຈາກລູກຄ້າຍ່າງຕໍ່ເນື່ອງຂະນະອະນາຄົປີ 2020 ທາງບໍລິສັດແມ່ນພ້ອມ ແລະຈັດກິດຈະກຳຫຼາຍຂຶ້ນໂປໂມຊັ່ນສວນຫຼຸດຈ່າຍສົດຜ່ອນເພື່ອໃຫ້ຜູ້ມີເງິນນ້ອຍເຂົ້າມີທີ່ຢູ່ອາໄສ ໂດຍທາງບໍລິສັດກຽມອີກ 3 ໂຄງການ ເມືອງໄຊທານີ.

  ເມື່ອບໍ່ດົນມານີ້ ທ່ານນາງ ສັບພະສິນ ພອນສະຫວັນ ຜູ້ອຳນວຍການບໍລິສັດຊັບສິນພຣັອບເພີຕີ້ ຈຳກັດ ຜູ້ດຽວໃຫ້ສຳພາດກັບທີມຂ່າວເສດຖະກິດ-ສັງຄົມວ່າ: ນັບແຕ່ຈົດທະບຽນເປັນບໍລິສັດອະສັງຫາລິມະຊັບໃນປີ 2013 ມາຮອດປະຈຸບັນໄດ້ 5 ປີ, ໂດຍກິດຈະກຳຫຼັກໆທີ່ດຳເນີນແມ່ນແບ່ງຂາຍດິນຈັດສັນ,ປຸກເຮືອນໃຫ້ເຊົ່າ ແລະມີທີ່ດິນໃຫ້ເຊົ່າໃນການດຳເນີນທຸລະກິດບໍລິສັດໄດ້ຖືສຳຄັນຄວາມເປັນເອກະລັກຂອງບໍລິສັດເປັນສ່ວນຫຼາຍກໍຄືການບໍລິການຕ້ອງມີລະບົບຢ່າງດີ, ລະບົບທີ່ດຳເນີນໃນບໍລິສັດແມ່ນເລີ່ມຈາກການເລືອກດິນໃຫ້ໄດ້ຕາມມາດຕະຖານທີ່ຕ້ອງການ.

   ທ່ານ ນາງ ສັບພະສິນ ພອນສະຫວັນ ໃຫ້ຮູ້ອີກວ່າ: ທຸກໂຄງການລູກຄ້າສາມາດຈ່າຍໄດ້ຫຼາຍຊ່ອງທາງຄື: ຈ່າຍສົດ 100% ຂອງມູນຄ່າດິນຈະໄດ້ຮັບສ່ວນຫຼຸດປະ ມານ 8-10% ລວມທັງຂອງແຖມເປັນຄຳ, Gift Voucher, ດິນບ໋ອກສ່ວນຊ່ອງທາງທີ່ສອງຈ່າຍກ່ອນເຄີງໜຶ່ງ ແລະອີກເຄິງໜຶ່ງໄດ້ໃບຕາດິນແລ້ວຈຶ່ງຈ່າຍແມ່ນຈະໄດ້ຮັບສ່ວນຫຼຸດ 5% ພ້ອມ Gift Voucher ແລະດິນບ໋ອກ,ຊ່ອງທາງທີ່ 3 ຈ່າຍ 30% ຂອງມູນຄ່າດິນ ແລະສ່ວນທີ່ເຫຼືອແມ່ນຈ່າຍຜ່ອນ 12-16 ເດືອນຂຶ້ນຢູ່ ກັບລາຄາຂອງດິນ ແລະຄວາມ ສາມາດຈ່າຍຂອງລູກຄ້າ, ພິເສດອີກຢ່າງໜຶ່ງເນື່ອງໃນໂອກາດຕ້ອນຮັບປີໃໝ່ສາກົນນີ້, ທາງບໍລິສັດໄດ້ຈັດໂປຼໂມຊັ່ນພິເສດຂຶ້ນເພື່ອເປັນ ການຄືນກຳໄລໃຫ້ກັບລູກຄ້າ, ທັງເປັນທາງເລືອກໃໝ່ອີກໜຶ່ງທາງ, ນອກຈາກໃຫ້ຈ່າຍຜ່ອນໃນລາຄາ 5 ລ້ານກີບ ແລ້ວມີເຄື່ອງແຖມທີ່ເປັນຄຳ, ວັດສະດຸກໍ່ສ້າງ ແລະພິເສດສຸດທີ່ຄິດວ່າຍັງບໍ່ມີບໍລິສັດໃດຈັດກໍ່ຄືການຄືນກຳໄລໃຫ້ລູກຄ້າໂດຍພຽງແຕ່ລູກຄ້າຊື້ດິນປະໄວເພື່ອເກັ່ງກຳໄລ ແລະຖ້າເວລາຜ່ານໄປມູນຄ້າຂອງດິນເພີ່ມຂຶ້ນລູກຄ້າຈະໄດ້ເງິນຄືນຕັ່ງແຕ່ມື້ຊື້ໄປຈົນເຖິງຄົບ1 ປີ ໃນອັດຕາດອກເບ້ຍ 1% ຂອງມູນຄ່າດິນຕໍ່ເດືອນ ຫຼື 12% ຕໍ່ປີອີກດ້ວຍ.

  ໄລຍະ 1 ປີຜ່ານມາບໍລີສັດເປີດ 3 ໂຄງການຢູ່ທາງ 13 ໃຕ້ ແລະໂນນຄໍປິດຂາຍ ແລະຍັງໂຄງການສຸດທ້າຍເປັນໂຄງການໃຫຍ່ຢູ່ບ້ານໂພນໄຮຄຳມີເນື້ອທີ 20 ເຮັກຕາແບ່ງຂາຍ 500 ກວ່າ ຕອນ ຊຶ່ງມາຮອດປະຈຸບັນດິນແບ່ງ ຂາຍໄປແລ້ວ 60% ແລະ 40%  ແມ່ນສືບຕໍ່ຂາຍ ແລະແຜນປີ 2020 ແມ່ນຈະສ້າງໂຄງການອີກ 2-3 ໂຄງການໂດຍສະເພາະແມ່ນຈະຢູ່ເມືອງໄຊທານີ ແລະທາງບໍລິສັດພ້ອມນຳເອົາສິ່ງດີໆເພື່ອໃຫ້ລູກຄ້າຜູ້ທີ່ເພິ່ນຕ້ອງການມີເງິນນ້ອຍສາມາດເຂົ້າເຖິງເລືອກຊື້ເປັນເຈົ້າຂອງໄດ້.

  ແນວໃດກໍ່ຕາມທ່ານໃດຕ້ອງການດິນ ແລະທີ່ຢູ່ອາໄສກໍ່ສາມາດເຂົ້າໄປປຶກສາກັບບໍລິສັດຊັບສິນ ພຣັອມເພີຕີ້ ຈຳກັດ ຜູ້ດຽວສະຖານທີ່ຫ້ອງການເພິ່ນຢູ່ບ້ານດ່ານຊ້າງ ເມືອງໄຊທານີ ນະຄອນຫຼວງວຽງຈັນ ຫຼືຕິດຕໍ່ສອບຖາມເບີ 55799782-02052366289.

__________

ຂຽນໂດຍ: ບຸນນິກ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์