ຈຳປາສັກກຽມຈັດເດີນແບບລະດົມທຶນຊ່ວຍຜູ້ປະສົບໄພນໍ້າຖ້ວມ

 ປັນນິມິດໝາຍໃໝ່ແຫ່ງວົງການແຟຊັ້ນຂອງ ແຂວງຈໍາປາສັກ ພາຍຫຼັງທີ່ອໍານາດການປົກຄອງແຂວງກໍ່ຄືພາກສ່ວນທີ່ກ່ຽວຂ້ອງໄດ້ອອກມາຖະແຫຼງການກ່ຽວກັບການຈັດງານພ້ອມກະລັງຕີງານນີ້ຈະມີຜູ້ເຂົ້າຮ່ວມຢ່າງມີບັນຍາກາດ ແລະຈະມີຜົນສໍາເລັດຢ່າງຈົບງາມ.

  ງານເດີນແບບເພື່ອລະດົມທຶນຊ່ວຍເຫຼືອຄົນທຸກຍາກ ແລະຊ່ວຍເຫຼືອຜູ້ປະສົບໄພນໍ້າຖ້ວມຢູ່ 4 ແຂວງພາກໃຕ້ໃນຫົວຂໍ້: ແຟຊັ້ນຂອງຄົນສາຍບຸນງານຂອງຄົນແຟຊັ້ນ (ປາກເຊແຟຊັ້ນວິກ pakse tashion week 2020) ຈະໄດ້ຈັດຂຶ້ນຢູ່ພັດທະຄານປາລະມີພຣາຊາ ນະຄອນປາກເຊ ແຂວງຈໍາປາສັກ ໃນຕົ້ນເດືອນ ເມສາ 202 0, ຊຶ່ງພາຍໃນງານຈະມີການເດີນແບບດ້ວຍຊຸດຜ້າໄໝຊົງລາວ, ຊຸດລາວແບບປະຍຸກແຟຊັນສະໄໝໃໝ່ ແລະຊຸດສາກົນ, ຊຶ່ງມີນາງແບບ ແລະຊາຍແບບສະໝັກໃຈເຂົ້າ ຮ່ວມໂຄງການຫຼາຍກວ່າ 40 ກວ່າຄົນ.

 ທ່ານ ນາງ ສັນທະນີ ໃສມະນີ ປະທານໂຄງການປາກເຊແຟຊັ້ນວິກ 2020 ໄດ້ກ່າວວ່າ: ງານນີ້ຈະເປີດຂຶ້ນເປັນຄັ້ງທໍາອິດ ແລະຈະມີຄັ້ງຕໍ່ໆ ໄປທັງນີ້ກໍເພື່ອສົ່ງເສີມວັດທະນະທໍາການນຸ່ງຖືຜ້າໄໝລາວທີ່ມີມາແຕ່ບູຮານນະການໄດ້ຮັບຄວາມນິຍົມຊົມຊອບຫຼາຍຂຶ້ນ, ເປັນການນໍາລາຍໄດ້ໃຫ້ແກ່ຜູ້ປະກອບການຜ້າໄໝລາວ, ເຮັດໃຫ້ເສດຖະ ກິດມີຄວາມເຂັ້ມແຂງ ແລະ ນໍາເອົາເງິນທີ່ໄດ້ຮັບຈາກການລະດົມຊ່ວຍເຫຼືອ, ຈາກຫັກຄ່າໃຊ້ຈ່າຍທັງໝົດນໍາໄປຊ່ວຍເຫຼືອຜູ້ທຸກຍາກ, ໂດຍສະເພາະນັກຮຽນທີ່ຍັງຂາດເຂີນ, ຜູ້ປະສົບໄພນໍ້າຖ້ວມປີ 2019 ທີ່ຜ່ານມາ, ເປັນຕົ້ນເຄື່ອງກີລາ, ອຸປະກອນການຮຽນ, ເຄື່ອງນຸ່ງຫົ່ມ ແລະອື່ນໆທີ່ຍັງມີຄວາມຕ້ອງການ.

 ພິທີຖະແຫຼງຂ່າວຕໍ່ສື່ມວນຊົນກ່ຽວກັບການຈັດງານດັ່ງກ່າວໄດ້ມີຂຶ້ນເມື່ອທ້າຍອາທິດທີ່ຜ່ານມານີ້, ທີ່ໂຮງແຮມຈໍາປາສັກແກຣນ ນະຄອນປາກເຊ ແຂວງຈໍາປາສັກ,ໂດຍການເຂົ້າຮ່ວມເປັນປະທານຂອງທ່ານ ສຸລິນ ເພັດທານີ ຮອງຫົວ ໜ້າພະແນກຖະແຫຼງຂ່າວວັດທະນະທໍາ ແລະ ທ່ອງທ່ຽວ, ມີຕາງໜ້າພະແນກສຶກສາທິການ ແລະ ກີລາ, ປະທານໂຄງການ ແລະບັນດາບໍລິສັດທີ່ໃຫ້ການອຸປະຖໍາເຂົ້າຮ່ວມ.

_____________

ຂຽນໂດຍ: ໂພທິຣາຊ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์