ນ້ຳສົ້ມສາຍຊູຊ່ວຍກຳຈັດຄາບໃນວິດຖ່າຍ

   ໃນບັນດາການເຮັດຄວາມສະອາດບ້ານທັງຫຼາຍຕ້ອງຍອມຮັບວ່າການເຮັດຄວາມສະອາດຫ້ອງນ້ຳນັ້ນເປັນວຽກໜັກແທ້ໆທັງຄາບເປິ້ເປື້ອນຝັງເລິກແລ້ວຍັງມີກິ່ນອີກຈາກວິດຖ່າຍສີຂາວກາຍເປັນສີເຫຼືອງເລີຍມື້ນີ້ເຮົາມີເຄັດລັບງ່າຍໆທີ່ຈະຊ່ວຍໃຫ້ເຈົ້າເບົາແຮງໃນການຂັດຖູວິດຖ່າຍພຽງແຕ່ມີນ້ຳສົ້ມສາຍຊູຊຶ່ງກົດໃນນ້ຳສົ້ມສາຍຊູອອກລິດກັດຄາບເປິ້ເປື້ອນອອກພ້ອມຍັງກຳຈັດກິ່ນເໝັນເມື່ອເທນໍ້າສົ້ມສາຍຊູລົງໃນວິດຖ່າຍທີ່ມີຄາບເປິ້ເປື້ອນຢູ່ນັ້ນກໍ່ຈະເຮັດໃຫ້ຄາບທີ່ຕິດຢູ່ອອກໄດ້ຢ່າງງ່າຍດາຍ.

   ວິທີເຮັດ: ນຳເອົານ້ຳສົ້ມສາຍຊູມາໃສ່ຕຸກນ້ຳດື່ມໃຫ້ເຕັມແລ້ວເຈາະຮູຝາປິດ 1 ຮູຂະໜາດເທົ່າກັບໄມ້ຈິ້ມແຂ້ວແລ້ວນຳໄປໃສ່ໄວ້ໃນຖັງເກັບນ້ຳດ້ານຫຼັງວິດຖ່າຍທຸກເທື່ອທີ່ເຮົາກົດນ້ຳກໍຈະມີນ້ຳສົ້ມສາຍຊູປະສົມລົງມານຳແບບນີ້ເປັນການຫຼຸດການສະສົມຄາບເປິ້ເປື້ອນໄດ້ດີວິທີນີ້ທັງງ່າຍ ແລະຍັງໄດ້ຊ່ວຍປະຢັດນ້ຳເວລາກົດວິດຖ່າຍອີກດ້ວຍ.

• 01/02/2019