ເມືອງນາແລ ສຳເລັດກອງປະຊຸມໃຫຍ່ ຄັ້ງທີ XI

  ກອງປະຊຸມໃຫຍ່ ຄັ້ງທີ XI ຂອງອົງຄະນະພັກເມືອງນາແລ ໄດ້ໄຂຂຶ້ນວັນທີ 16-17 ເດືອນມັງ ກອນ 2020 ທີ່ສະໂມສອນຂອງ ເມືອງນາແລ, ໂດຍການເປັນປະທານຂອງ ສະຫາຍ ບູນປີ ໄລປະເສີດ ກຳມະການພັກແຂວງເລຂາຄະນະບໍລິຫານງານພັກເມືອງ ເຈົ້າ ເມືອງໆນາແລ, ເປັນກຽດເຂົ້າຮ່ວມຂອງສະຫາຍ ເພັດຖາວອນ ພິລະວັນ ກໍາມະການສູນກາງພັກເລຂາພັກແຂວງ ເຈົ້າແຂວງໆຫຼວງນໍ້າ ທາ, ມີຄະນະປະຈຳພັກແຂວງ, ກຳມະການພັກແຂວງ, ກຳມະການ ປະຈຳພັກເມືອງ, ຄະນະພັກເມືອງ,ຜູ້ຕາງໜ້າຄະນະບໍລິຫານງານພັກ ເມືອງຫຼວງນໍ້າທາ, ເມືອງສິງ, ເມືອງລອງ, ເມືອງວຽງພູຄາ ແລະ ພາກສ່ວນກ່ຽວຂ້ອງ.

  ກອງປະຊຸມໃຫຍ່ໄດ້ຄົ້ນຄວ້າ ຢ່າງເລິກເຊິ່ງ ແລະໄດ້ເປັນເອກະສັນຮັບຮອງເອົາບົດລາຍງານການ ເມືອງຂອງຄະນະບໍລິຫານງານ ພັກເມືອງສະໄໝທີ X ທີ່ສະເໜີຕໍ່ ກອງປະຊຸມໃຫຍ່ຄັ້ງທີ XI ໂດຍ ໄດ້ຕີລາຄາຜົນການຈັດຕັ້ງປະຕິ ບັດມະຕິກອງປະຊຸມໃຫຍ່ຄັ້ງທີ X ຂອງອົງຄະນະພັກເມືອງນາແລ ເປັນຕົ້ນແມ່ນບັນດາຜົນງານອັນ ພົ້ນເດັ່ນທີ່ຍາດມາໄດ້ໃນຂົງເຂດ ວຽກງານປ້ອງກັນຊາດ-ປ້ອງກັນ ຄວາມສະຫງົບ, ການພັດທະນາ ເສດຖະກິດ-ສັງຄົມ, ວຽກງານ ກໍ່ສ້າງພັກ-ພະນັກງານ ແລະການ ປັບປຸງກົງຈັກໃນລະບົບການ ເມືອງ, ຂົງເຂດນິຕິບັນຍັດ, ຕຸລາ ການ ແລະຍຸຕິທຳ, ວຽກງານພົວ ພັນຮ່ວມມືກັບຕ່າງປະເທດ, ບັນດາຜົນສຳເລັດບັນລຸໄດ້ໃນ 5 ປີຜ່ານ ມາໄດ້ສ້າງພື້ນຖານສຳຄັນເຮັດ ໃຫ້ເມືອງນາແລ ມີຄວາມໜັກແໜ້ນ ທາງດ້ານການເມືອງ, ສັງຄົມມີຄວາມສະຫງົບ ແລະເປັນລະບຽບ ຮຽບຮ້ອຍດີ,ກອງປະຊຸມຍັງໄດ້ຮັບຮອງເອົາຂໍສະຫຼຸບ 5 ປະການເປັນບົດຮຽນທີ່ຖອດຖອນໄດ້ຈາກພຶດຕິກຳແຫ່ງການຈັດຕັ້ງນຳພາ ປະຕິບັດມະຕິກອງປະຊຸມໃຫຍ່ຄັ້ງ ທີ X ຂອງອົງຄະນະພັກເມືອງນາ ແລ ເພື່ອກໍານົດທິດທາງໜ້າທີ່ ແລະ ຄາດໝາຍ, ຮັບຮອງເອົາບັນດາຄາດໝາຍສູ້ຊົນໃນ 5 ປີຕໍ່ໜ້າເພື່ອ ນຳພາເມືອງນາແລໃຫ້ຫຼຸດຜົນອອກ ຈາກຄວາມທຸກຍາກໃນປີ 2024 ປະກາດເປັນເມືອງພັດທະນາໃຫ້ ປາກົດຜົນເປັນຈິງ, ຮັບປະກັນເຮັດ ໃຫ້ເມືອງນາແລ ມີຄວາມໜັກແໜ້ນ ທາງດ້ານການເມືອງ, ສັງຄົມມີ ຄວາມສະຫງົບປອດໄພ ແລະແກ້ ໄຂ ປາກົດການຍໍ້ທໍ້ໃນສັງຄົມໃຫ້ ຫຼຸດໜ້ອຍຖ້ອຍລົງ, ຮັບຮອງເອົາ ບົດສຳຫຼວດການນຳພາລວມ ຂອງ ຄະນະບໍລິຫານງານພັກເມືອງ ເມືອງສະໄໝທີ X ແລະສູ້ຊົນເຮັດ ໃຫ້ເສດຖະກິດຂະຫຍາຍຕົວຕໍ່ ເນື່ອງ ແລະຖືກທິດໃນລະດັບສະ ເລ່ຍ 8,02% ຕໍ່ປີຮອດປີ 2024 ລວມຍອດຜະລິດຕະພັນພາຍໃນໃຫ້ບັນລຸໄດ້ 411 ຕື້ກີບ, ສະເລ່ຍລາຍຮັບຕໍ່ຫົວຄົນໃຫ້ໄດ້ 1.737 ໂດລາສະຫະລັດ ຫຼື ເທົ່າກັບ 14,59 ລ້ານກີບ, ສ້າງສິນຄ້າໜຶ່ງເມືອງ ໜຶ່ງຜະລິດຕະພັນ ໃຫ້ໄດ້ 2 ຫົວ ໜ່ວຍ, ສືບຕໍ່ຄຸ້ມຄອງ ແລະພັດທະນາພືື້ນຖານເສດຖະກິດ-ສັງຄົມ, ສົ່ງເສີມການພັດທະນາວັດທະນາທຳ-ສັງຄົມໃຫ້ສົມຄູ່ກັບການພັດ ທະນາເສດຖະກິດ, ຍົກສູງຄຸນນະ ພາບຂອງການສຶກສາ ແລະການ ບໍລິການດ້ານສາທາລະນະສຸກໃຫ້ ມີປະສິດທິພາບ, ເຮັດໃຫ້ເດັກເກນ ອາຍຸຮຽນໄດ້ເຂົ້າໂຮງຮຽນ  100%, ປະຊາຊົນບັນດາເຜົ່າໄດ້ ເຂົ້າເຖິງການບໍລິການປິ່ນປົວທີ່ມີ ຄຸນນະພາບ, ປັບປຸງລະບົບການ ເມືອງແຕ່ລະຂັ້ນໃຫ້ໜັກແໜ້ນ ເຂັ້ມແຂງ, ເອົາໃຈໃສ່ກໍ່ສ້າງ ແລະ ຂະຫຍາຍພັກ, ສູ້ຊົນສ້າງໜ່ວຍ ພັກປອດໃສເຂັ້ມແຂງໜັກແໜ້ນ ໃຫ້ໄດ້ 80% ຂຶ້ນໄປ.

  ກອງປະຊຸມໄດ້ປ່ອນບັດຄັດເລືອກເອົາຄະນະບໍລິຫານງານພັກ ເມືອງຊຸດໃໝ່ຄັ້ງທີ XI ຊຶ່ງມີຜູ້ສະໝັກທັງໝົດ 25 ສະຫາຍ, ຍິງ 2 ສະຫາຍ, ຄັດເລືອກເອົາ 21 ສະຫາຍ, ຍິງ 2 ສະຫາຍ, ໄດ້ເປັນເອກະພາບເລືອກຕັ້ງເອົາຄະນະປະຈຳ7 ສະຫາຍ, ກອງປະຊຸມໄດ້ເປັນ ເອກະພາບຢ່າງສູງເລືອກເອົາ ສະ ຫາຍ ບຸນປີ ໄລປະເສີດ ເປັນເລຂາ ພັກເມືອງ, ເລືອກເອົາ ສະຫາຍ ອິນແພງ ແສງມີໄຊ ແລະ ສະຫາຍ ທຳມະວົງ ບຸນຖາວອນ ເປັນຮອງ ເລຂາພັກເມືອງ ແລະໄດ້ເລືອກເອົາ ສະຫາຍ ທຳມະວົງ ບຸນຖາວອນ ເປັນປະທານຄະນະກວດກາພັກ ເມືອງ, ເລືອກເອົາ ສະຫາຍ ຄຳໄຊ ຄານທະວົງ ແລະ ສະຫາຍ ພົມ ມະນີ ນິນເພັດ ເປັນຮອງປະທານ ຄະນະກວດກາພັກເມືອງ ແລະຍັງໄດ້ປ່ອນບັດຄັດເລື່ອກເອົາຜູ້ແທນສົມບູນ ເຂົ້າຮ່ວມກອງປະຊຸມໃຫຍ່ ຂອງອົງຄະນະພັກແຂວງ ສະໄໝ ທີ VIII ຈໍານວນ 26 ສະຫາຍ, ຍິງ 2 ສະຫາຍ.

    ໂອກາດນີ້ ສະຫາຍ ເພັດຖາ ວອນ ພິລະວັນ ໄດ້ຍ້ອງຍໍຊົມເຊີຍຕໍ່ ຜົນງານທີ່ຍາດມາໄດ້ໃນ 5 ປີ ຜ່ານມາ ຂອງອົງຄະນະບໍລິຫານ ພັກເມືອງນາແລ ແລະຮຽກຮ້ອງ ມາຍັງຄະນະພັກ, ສະມາຊິກພັກທຸກສະຫາຍຈົ່ງເຊີດຊູຄວາມເປັນ ແບບຢ່າງນໍາໜ້າທີ່ດີໃນທຸກດ້ານ, ນຳພາປະຕິບັດມະຕິກອງປະຊຸມ ໃຫຍ່ຄັ້ງນີ້ໃຫ້ປະກົດຜົນເປັນຈິງ, ພ້ອມກັນນີ້ຮຽກຮ້ອງມາຍັງພະນັກ ງານ, ສະມາຊິກພັກ, ທະຫານ, ຕຳຫຼວດ, ປະຊາຊົນບັນດາເຜົ່າຈົ່ງ ພ້ອມກັນສືບຕໍ່ຂະຫຍາຍມູນເຊື້ອ ຄວາມສາມັກຄີເປັນປຶກແຜ່ນແໜ້ນ ໜາ, ເຊີດຊູຈິດໃຈຮັກຊາດ, ຮັກ ລະບອບປະຊາທິປະໄຕ ປະຊາຊົນ, ຕັດສິນໃຈຜ່ານຜ່າຂໍ້ຫຍຸ້ງຍາກ ແລະນຳໃຊ້ທຸກທ່າແຮງບົ່ມຊ້ອນ ປະກອບສ່ວນເຂົ້າໃນການພັດທະ ນາເມືອງນາແລໃຫ້ຫຼຸດພົ້ນອອກ ຈາກຄວາມທຸກຍາກຢ່າງສິ້ນເຊີງ.

----------

ໂດຍ: ກິ່ນນາລົມ ແອ່ນຖ່າຍໄທ

แชร์