ສພຂ ຈຳປາສັກ ສຳເລັດກອງປະຊຸມສະໄໝສາມັນ ເທື່ອທີ 8

ກອງປະຊຸມສະໄໝສາມັນເທື່ອທີ 8 ຂອງສະພາປະຊາຊົນແຂວງຈໍາປາສັກຊຸດທີ I ໄດ້ອັດລົງດ້ວຍຜົນສໍາເລັດຈົບງາມໃນບໍ່ດົນຜ່ານມານີ້,ໂດຍກອງປະຊຸມດຳເນີນພາຍໃຕ້ການເປັນປະທານຂອງທ່ານ ເມກສະຫວັນ ພົມພິທັກ ປະທານສະພາປະຊາຊົນແຂວງຈໍາປາສັກ.

  ກອງປະຊຸມຄັ້ງນີ້ໄດ້ສຸມໃສ່ຄົ້ນຄ້ວາພິຈາລະນາພ້ອມຮັບຮອງບັນຫາສໍາຄັນທີ່ເປັນພື້ນຖານຂອງທ້ອງຖິ່ນທັງໝົດ 7 ມະຕິຄື: ຮັບຮອງບົດລາຍງານຂອງເຈົ້າແຂວງກ່ຽວ ກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມປະຈຳປີ 2019 ແລະ ທິດທາງແຜນການປະຈຳປີ 2020; ຮັບຮອງເອົາບົດລາຍງານການຈັດຕັ້ງປະຕິບັດແຜນງົບປະມານແຫ່ງລັດຂອງແຂວງຈຳປາສັກປະຈຳປີ ແລະ ທິດທາງແຜນການປີ 2020; ຮັບຮອງເອົາບົດລາຍງານການຈັດຕັ້ງປະຕິບັດແຜນການເຄື່ອນໄຫວວຽກ ງານຂອງອົງການກວດສອບພາກໃຕ້ປະຈຳປີ 2019 ແລະ ທິດທາງແຜນການເຄື່ອນໄຫວປີ 2020; ບົດລາຍງານຜົນການກວດສອບບົດສະຫຼຸບຂາດຕົວການຈັດຕັ້ງ

ປະຕິບັດແຜນງົບປະມານແຫ່ງລັດຂອງແຂວງຈຳປາສັກ ປີ 2018 ແລະ ບົດລາຍງານການຕິດຕາມກວດກາ ແລະ ຊຸກຍູ້ການແກ້ໄຂຜົນການກວດສອບສົກປີ 2015-2016 ແລະ 2017 ຂອງອົງການກວດກາລັດແຂວງ; ຮັບຮອງເອົາບົດລາຍງານກ່ຽວກັບການຈັດຕັ້ງປະຕິບັດວຽກງານປີ 2019 ແລະທິດທາງແຜນການເຄື່ອນໄຫວວຽກງານປີ 2020 ຂອງອົງການໄອຍະການປະຊາຊົນແຂວງ ແລະ ສານປະຊາຊົນແຂວງ; ຮັບຮອງເອົາບົດລາຍງານຂອງຄະນະປະຈໍາສະພາປະຊາຊົນແຂວງກ່ຽວກັບການຈັດຕັ້ງປະຕິບັດແຜນການເຄື່ອນໄຫວວຽກງານປີ 2019 ແລະທິດທາງແຜນການເຄື່ອນໄຫວວຽກງານປີ 2020 ຂອງສະພາປະຊາຊົນແຂວງ;ຮັບຮອງເອົາຂໍ້ຕົກ ລົງຂອງ ທ່ານເຈົ້າແຂວງວ່າດ້ວຍການຮັບຮອງນະໂຍບາຍ ແລະລາຄາຫົວໜ່ວຍຊັບສິນທີ່ຖືກຜົນກະທົບຈາກໂຄງການກໍ່ສ້າງເຂື່ອນໄຟຟ້າຫ້ວຍປາຫຼາຍ ເມືອງບາຈຽງຈະ ເລີນສຸກ ແລະ ເມືອງປາກຊ່ອງ; ຮັບຮອງເອົາການຈັດຕັ້ງປະເມີນຜົນການປະຕິບັດໜ້າທີ່ຂອງບຸກຄະລາກອນດຳລົງຕຳແໜ່ງທີ່ສະພາປະຊາຊົນແຂວງເລືອກຕັ້ງ ແລະຮັບຮອງເອົາການແຕ່ງຕັ້ງ.

____________

ຂຽນໂດຍ: ໂພທິຣາຊ  
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์