ປີແລ້ວດ່ານພາສີສາກົນພູດູ່ເກັບລາຍຮັບໄດ້ 96,95 ຕື້ກີບ

  ທ່ານ ຕຸ້ຍ ຄໍາວັນດີ ຫົວໜ້າດ່ານພາສີສາກົນພູດູ່ ແຂວງໄຊຍະບູລີ ໄດ້ເປີດເຜີຍຕໍ່ນັກຂ່າວຫ້ອງວ່າການເມື່ອວັນທີ16 ມັງກອນນີ້ວ່າ: ດ່ານພາສີສາກົນພູດູ່ໄດ້ຮັບຕົວເລກແຜນການໃນການຈັດເກັບລາຍຮັບປະຈໍາປີ 2019 ທັງໝົດແມ່ນ80,15 ຕື້ກີບ, ຜ່ານການຈັດຕັ້ງປະຕິບັດຕົວຈິງສາມາດເກັບໄດ້ 96,95 ຕື້ກີບ, ທຽບໃສ່ແຜນ ການປະຕິບັດໄດ້ 120,91%, ທຽບໃສ່ໄລຍະດຽວກັນຂອງປີກ່ອນປະຕິບັດໄດ້ 123,59%, ໃນນັ້ນລາຍຮັບພາກສ່ວນພາສີ 18,34 ຕື້ກີບ, ທຽບໃສ່ແຜນການປະ ຕິບັດໄດ້ 160,64%, ໃນນີ້ມີຄ່າຊັກພິເສດ 14,87 ລ້ານກີບ, ເທົ່າກັບ 73,99%, ພາສີຂາເຂົ້າທົ່ວໄປ 14,05 ຕື້ກີບ, ເທົ່າກັບ 120,38%, ຄ່າທໍານຽມຕ່າງໆ 15,25 ຕື້ກີບ, ເທົ່າກັບ 232,02% ແລະຄ່າປັບໃໝຂາຍເຄື່ອງຮີບ 25,20 ລ້ານກີບ, ລາຍຮັບພາກສ່ວນອາກອນ 67,60 ຕື້ກວ່າກີບ, ທຽບໃສ່ແຜນປະຕິບັດໄດ້ 109,25%, ໃນນີ້ມີອາກອນຊົມໃຊ້ 45,30 ຕື້ກີບ, ເທົ່າກັບ 111,69%, ອາກອນມູນຄ່າເພີ່ມ 22,10 ຕື້ກີບ, ເທົ່າກັບ 105,11% ແລະ ອາກອນກໍາໄລ 206,70 ລ້ານກີບ,ເທົ່າກັບ 69,84%,ໝວດສິນຄ້າຕົ້ນຕໍໃນຈໍານວນ 96,95 ຕື້ກີບ ໃນນັ້ນປະກອບມີຄ່າຊັກພິເສດອື່ນໆ 14,87 ລ້ານກີບ, ນໍ້າມັນເຊື້ອໄຟ 78, 96 ຕື້ກີບ, ຊິ້ນສ່ວນອາໄຫຼ່ 18,56 ລ້ານກີບ, ເຄື່ອງກໍ່ສ້າງ 117,95 ລ້ານກີບ, ເຄື່ອງໃຊ້ໄຟຟ້າ 32,62 ລ້ານກີບ, ເຄື່ອງອຸປະໂພກ-ບໍລິໂພກ 2,52 ຕື້ກີບ, ຄ່າທໍານຽມລົດເຂົ້າ-ອອກ 510 ລ້ານກີບ, ຄ່າທໍານຽມຄົນເຂົ້າ-ອອກ 246,97 ລ້ານກີບ, ຄ່າທໍານຽມຄັງແຮ 14,49 ຕື້ກີບ ແລະຄ່າປັບໃໝຂາຍເຄື່ອງຮີບ 25,20 ລ້ານກີບ.

   

 ທ່ານ ຕຸ້ຍ ຄໍາວັນດີ ຍັງໃຫ້ຮູ້ຕື່ມອີກວ່າ: ການນໍາເຂົ້າສິນຄ້າຜ່ານດ່ານພາສີສາກົນພູດູ່ສ່ວນຫຼາຍແມ່ນເຄື່ອງອຸປະໂພກ ແລະ ບໍລິໂພກເຊັ່ນ: ໝາກໄມ້ລວມ, ພືດຜັກ ລວມ, ຫົວອາຫານສັດ, ປາແຫ້ງ ແລະປາແຊ່ແຂງ, ນອກນັ້ນຍັງມີປານ້ອຍ, ປາດຸກພັນ, ລູກໝູນ້ອຍ ແລະ ໝູພໍ່ພັນ-ແມ່ພັນອີກຈໍານວນໜຶ່ງ, ສ່ວນສິນຄ້າສົ່ງອອກ ແມ່ນຜະລິດຕະພັນກະສິກໍາເຊັ່ນ: ແກນສາລີ, ຖົ່ວດິນຝັກ, ສາລີຝັກ, ສາລີເມັດ, ມັນຕົ້ນແຫ້ງ ແລະໝາກຖົ່ວແດງ.

____________

ຂຽນໂດຍ: ອຸ່ນເຮືອນ ໂພທິລັກ        
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์