ນໍ້າຕົກຕາດລະໂຊຍ ເປັນນໍ້າຕົກທີ່ມີຄວາມສວຍງາມ

 ແຂວງສາລະວັນ ຍັງມີສະຖານທີ່ທ່ອງທ່ຽວທາງດ້ານວັດທະນະທຳ ແລະປະຫວັດສາດຫຼາຍແຫ່ງເປັນຕົ້ນແມ່ນແຫຼ່ງທ່ອງທ່ຽວທຳມະຊາດນໍ້າຕົກຕາເທວະດາ, ແຫຼ່ງທ່ອງທ່ຽວ 400 ຂຸມບ້ານທ່າ, ບ້ານຫ້ວຍຫູນຫັດຖະກໍາຕໍ່າແຜ່ນ, ຮອຍພະບາດພະພຸດທະເຈົ້າ, ວັດຖຸບູຮານ, ນໍ້າຕົກຕາດເສນ, ຈຸດແວ່ບ້ານນາປົ່ງ, ວັດໜອງສອງຫ້ອງ, ນໍ້າຕົກຕາດເລາະ, ຕາດຮັງພ້ອມດຽວກັນນີ້, ຍັງມີອີກຫຼາຍສະຖານທີ່ມີຄວາມສວຍງາມ.

  ໃນລະດູນີ້, ຫຼາຍຄົນ, ຫຼາຍຄອບຄົວນິຍົມໄປທ່ຽວນໍ້າຕົກຕາດເພື່ອສຳຜັດກັບທຳມະຊາ, ນໍ້າຕົກຕາດທີ່ໄຫຼເຢັນເຮັດໃຫ້ຈິດໃຈເບີກບານມ່ວນຊື່ນ, ຖ້າໄດ້ກິນເຂົ້າປ່າແບບ ຄອບຄົວດ້ວຍອາຫານພື້ນບ້ານແລ້ວຍິ່ງເພີ່ມສີສັນເຮັດໃຫ້ການພັກຜ່ອນມີຄວາມສຸກຫຼາຍຂຶ້ນຕື່ມອີກ, ປະເທດເຮົາກໍມີສະຖານທີ່ທ່ອງທ່ຽວທຳມະຊາດຫຼາຍແຫ່ງທີ່ມີຄວ າມສວຍງາມ ແລະໄດ້ຮັບຄວາມນິຍົມໜຶ່ງໃນນັ້ນນໍ້າຕົກຕາດລະໂຊຍເປັນນໍ້າຕົກໜຶ່ງທີ່ມີຄວາມສວຍງາມ ແລະໄດ້ຮັບຄວາມນິຍົມຈາກ ນັກທ່ອງທ່ຽວພາຍໃນເຂົ້າໄປທ່ຽວ ຊົມຈັດກິດຈະກຳກິນເຂົ້າປ່າສາມັກຄີໃນວັນພັກລັດຖະການຊຶ່ງນໍ້າຕົກຕາດນີ້ຕັ້ງບ້ານລະແຊງ ເມືອງຕະໂອ້ຍ ຫ່າງຈາກເທສະບານເມືອງ 14 ກິໂລແມັດ.

 ນອກຈາກນໍ້າຕົກຕາດລະໂຊຍແລ້ວແຂວງສາລະວັນ ຍັງມີສະຖານທີ່ທ່ອງທ່ຽວສວຍງາມອີກຫຼາຍແຫ່ງເຊັ່ນ: ນໍ້າຕົກຕາດເລາະ, ຖໍ້າເກົ້າຮູ-ພູຕາກເຂົ້າ, ຫໍໄຕບ້ານວັດກາງ, ແກ້ງກຸ, ນໍ້າຕົກຕາດສູງ ແລະອື່ນໆ ຊຶ່ງໄດ້ຮັບຄວາມນິຍົມຈາກນັກທ່ອງທ່ຽວພາຍໃນ ແລະຕ່າງໆປະເທດເນື່ອງຈາກພູມສັນຖານຂອງແຂວງສາລະວັນເປັນພຽງ, ມີອາກາດເຢັນສະບາຍ, ມີພູຜາປ່າໄມ້ທີ່ອຸດົມສົມບູນຈຶ່ງເໝາະແກ່ການທ່ອງທ່ຽວແບບທຳມະຊາດ.

____________

ຂຽນໂດຍ: ວົງມະນີ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

• 21/01/2020