ໄຊຍະ ມີ 723 ຫົວໜ່ວຍແຮງງານ

  ທ່ານ ນາງ ແພງຈັນ ແກ້ວ ມະນີວົງ ຫົວໜ້າພະແນກ ແຮງ ງານ ແລະສະຫວັດດີການສັງຄົມ ແຂວງໄຊຍະບູລີ ໄດ້ໃຫ້ຮູ້ວ່າ: ໃນ 1 ປີຜ່ານມາ ຂະແໜງແຮງງານ ແລະສະຫວັດດີການສັງຄົມໄດ້ເອົາ ໃຈໃສ່ຈັດຕັ້ງປະຕິບັດວຽກງານມີຜົນສໍາເລັດຕາມແຜນການທີ່ວາງໄວ້, ຊຶ່ງສະແດງອອກໄດ້ຂຶ້ນທະ ບຽນຜູ້ທີ່ຕ້ອງການມີວຽກເຮັດ ງານທໍາຢູ່ພາຍໃນ 1.874 ຄົນ, ຍິງ 435 ຄົນ, ໃນນັ້ນຂົງເຂດອຸດສາຫະກໍາ 1.456 ຄົນ, ຍິງ 295 ຄົນ, ບໍລິການ 418 ຄົນ, ຍິງ 140 ຄົນ, ຂຶ້ນທະບຽນຜູ້ທີ່ຫວ່າງງານໃນລະບົບປະກັນສັງຄົມ 200 ກວ່າຄົນ ຍິງ 58 ຄົນ, ອອກໃບຢັ້ງຢືນການຫວ່າງງານ 418 ຄົນ, ຍິງ 145 ຄົນ ແລະໄດ້ຈັດຫາງານພາຍໃນ 2.199 ຄົນ, ຍິງ 281 ຄົນ, ໃນນີ້ຢູ່ຂົງເຂດອຸດສາຫະກໍາ 1.162 ຄົນ, ຍິງ 122 ຄົນ ແລະບໍລິການ 1.037 ຄົນ, ຍິງ 159 ຄົນ ເທົ່າກັບ 33,8% ຂອງແຜນການປີ.

  ຄຽງຄູ່ກັນນັ້ນຍັງໄດ້ສົມທົບກັບຫ້ອງການແຮງງານ ແລະສະຫວັດດີການສັງຄົມ 7 ເມືອງ ເປົ້າໝາຍລົງ ສໍາຫຼວດ ແລະເກັບກໍາຂໍ້ມູນຕະຫຼາດແຮງງານຢູ່ບັນດາໂຄງການ ແລະຫົວໜ່ວຍແຮງງານມີ 90 ແຫ່ງ, ໃນ ນີ້ຂະແໜງກະສິກໍາ 6 ແຫ່ງ, ອຸດສາຫະກໍາ 38 ແຫ່ງ ແລະບໍລິການ 46 ແຫ່ງ ພ້ອມທັງໃຫ້ບໍລິການແກ່ຜູ້ທີ່ຕ້ອງ ການໄປອອກແຮງງານຢູ່ຕ່າງປະເທດທັງໝົດ 110 ຄົນ, ຍິງ 46 ຄົນ, ໃນນີ້ຂຶ້ນທະບຽນຈໍານວນ 21 ຄົນ, ຍິງ 9 ຄົນ ແລະໃຫ້ຄໍາປຶກສາທາງໂທລະສັບຈໍານວນ 89 ຄົນ, ຍິງ 37 ຄົນ ແລະໄດ້ເກັບກໍາຂໍ້ມູນແຮງງານລາວ ໄປອອກແຮງງານຢູ່ຕ່າງປະເທດ 5.445 ຄົນ, ຍິງ 2.440 ຄົນ, ໄປຖືກຕ້ອງ 86 ຄົນ, ຍິງ 25 ຄົນ ແລະ ໄປແບບບໍ່ຖືກຕ້ອງ 5.359 ຄົນ, ຍິງ 2.415 ຄົນ, ປະຈຸບັນໃນທົ່ວແຂວງໄຊຍະບູລີ ມີຫົວໜ່ວຍແຮງງານທັງ ໝົດ 723 ຫົວໜ່ວຍ, ມີແຮງງານທັງໝົດ 13.745 ຄົນ, ຍິງ 3.443 ຄົນ, ມີແຮງງານລາວ 10.567 ຄົນ, ຍິງ 2.918 ຄົນ ແລະແຮງງານຕ່າງປະເທດ 3.178 ຄົນ, ຍິງ 525 ຄົນ, ໃນນີ້ສັນຊາດຈີນ 849 ຄົນ, ຍິງ 207 ຄົນ, ສັນຊາດຫວຽດນາມ 236 ຄົນ, ຍິງ 40 ກວ່າຄົນ, ສັນຊາດໄທ 2.070 ຄົນ, ຍິງ 272 ຄົນ ແລະສັນຊາດ ອື່ນໆ 23 ຄົນ, ຍິງ 5 ຄົນ, ໄດ້ສົມທົບກັບ ປກສ ແຂວງ ແລະຫ້ອງການ ຮສສ ບັນດາເມືອງລົງກວດກາແຮງ ງານລາວ-ແຮງງານຕ່າງປະເທດໄດ້ 37 ຄັ້ງ, ມີ 246 ຫົວໜ່ວຍ, ມີແຮງງານທີ່ໄດ້ຮັບການກວດກາທັງໝົດ 3.036 ຄົນ, ຍິງ 788 ຄົນ, ມີແຮງງານລາວ 2.099 ຄົນ, ຍິງ616 ຄົນແລະແຮງງານຕ່າງປະເທດ 937 ຄົນ, ຍິງ 172 ຄົນທຽບໃສ່ແຜນການປະຕິບັດໄດ້ 74% ຂອງແຜນການປີ ແລະຜ່ານການກວດກາພົບເຫັນແຮງງານຕ່າງປະເທດເອກະສານບໍ່ຖືກຕ້ອງຈໍານວນ 117 ຄົນ, ຍິງ 15 ຄົນ.

 ໃນປີ 2020 ສືບຕໍ່ຊຸກຍູ້ການດຸ່ນດ່ຽງອັດຕາສ່ວນແຮງງານຕາມທິດການຫັນເປັນອຸດສາຫະກໍາ ແລະ ທັນສະໄໝ ໂດຍກໍາລັງແຮງງານໃນຂົງເຂດກະສິກໍາໃຫ້ຫຼຸດລົງຈາກ 77,1% ມາເປັນ75,5%, ຂົງເຂດ ອຸດສາຫະກໍາໃຫ້ເພີ່ມຂຶ້ນຈາກ 12,3% ມາເປັນ 12,8% ແລະຂົງເຂດການບໍລິການໃຫ້ເພີ່ມຂຶ້ນຈາກ 9,7% ມາເປັນ 10,7% ແລະອັດຕາສ່ວນການຫວ່າງງານໃຫ້ຢູ່ໃນລະດັບ 1% ສູ້ຊົນເຮັດໃຫ້ກໍາລັງແຮງງານລາວໄດ້ຮັບການຝຶກອົບຮົມ ແລະພັດທະນາຕາມຂະແໜງການ ແລະໂຄງປະກອບເສດຖະກິດໃຫ້ໄດ້ 4.000 ຄົນ.ໃນນີ້ຂະແໜງກະສິກໍາ 1.000 ຄົນ, ອຸດສາຫະກໍາ ແລະພະລັງງານບໍ່ແຮ່ 2.000 ຄົນ, ຂະແໜງບໍລິການ 1.000 ຄົນ, ພ້ອມຈັດຫາງານພາຍໃນໃຫ້ແຮງງານລາວເຂົ້າເຮັດວຽກໃຫ້ໄດ້ 4.500 ຄົນ ຢູ່ໃນຂະແໜງກະສິກໍາ 1.200 ຄົນ, ຂະແໜງອຸດສາຫະກໍາ ແລະພະລັງງານບໍ່ແຮ່ 2.000 ຄົນ, ບໍລິການ 1.300 ຄົນ.

-----

ຂ່າວ: ບຸນທີ  

แชร์