ໄຊຍະ ເກັບລາຍຮັບໄດ້ 913,43 ຕື້ກີບ

 ທ່ານ ສໍາລານ ສຸວັນນະໂຊດ ຫົວໜ້າພະແນກການເງິນ ແຂວງໄຊຍະບູລີ ໄດ້ລາຍງານການຈັດຕັ້ງປະຕິບັດແຜນງົບປະມານແຫ່ງລັດປະຈໍາປີ 2019 ຕໍ່ກອງປະຊຸມຄົບຄະນະຄັ້ງທີ 14 ສະໄໝທີ VIຂອງຄະນະບໍລິຫານງານພັກແຂວງໄຊຍະບູລີ ໃນວັນທີ 14 ມັງກອນ ນີ້ວ່າ: ປີ 2019 ແຂວງໄຊຍະບູລີໄດ້ຮັບຕົວເລກຈາກກະຊວງການເງິນແຜນເບື້ອງຕົ້ນຈໍານວນ 961,68 ຕື້ກີບ ດັດແກ້ແຜນຫຼຸດລົງ 3,8 ຕື້ກີບ,ລວມແຜນດັດແກ້ໝົດປີທັງໝົດ 957,88 ຕື້ກີບ, ທຽບໃສ່ແຜນການປີຜ່ານມາເພີ່ມ ຂຶ້ນ 11,11% ຫຼື ເທົ່າກັບ 93,16 ຕື້ກີບ, ຜ່ານການຈັດຕັ້ງປະຕິບັດ 1 ປີຜ່ານມາສາມາປະຕິບັດໄດ້ທັງໝົດ 913,43 ຕື້ກີບ ເທົ່າກັບ 94,98% ຂອງແຜນ ເບື້ອງຕົ້ນ ເທົ່າກັບ 95,36% ຂອງແຜນດັດແກ້,ທຽບໃສ່ໄລຍະດຽວກັນເທົ່າກັບ 105,31% ໃນນັ້ນລາຍຮັບພູດສູນກາງຕົວເລກແຜນການ 708,55 ຕື້ກີບ, ທຽບໃສ່ ແຜນການປີຜ່ານມາເພີ່ມຂຶ້ນ 18,38%, ສາມາດປະຕິບັດໄດ້ຕົວຈິງ 699,74 ຕື້ກີບ, ເທົ່າກັບ 98,76% ໃນນີ້ຂະແໜງສ່ວຍສາອາກອນປະຕິບັດໄດ້ 610,8 9 ລ້ານກີບ, ເທົ່າກັບ 88,54%, ຂະແໜງພາສີ 697,99 ຕື້ກີບ ເທົ່າກັບ 98,73%, ຂະແໜງຄຸ້ມຄອງຊັບສິນຂອງລັດ 307,54 ລ້ານກີບ (ເປັນລາຍຮັບບັງ ເອີນ), ຂະແໜງຄຸ້ມຄອງລັດວິສາຫະກິດ 836,35 ລ້ານກີບ, ເທົ່າກັບ 97,25%.

  ສ່ວນລາຍຮັບພູດທ້ອງຖິ່ນຕົວເລກແຜນການ 249,33 ຕື້ກີບ, ທຽບໃສ່ແຜນການປີຜ່ານມາຫຼຸດລົງ 5,38%, ສາມາດປະຕິບັດໄດ້ 213,68 ຕື້ກີບ ເທົ່າກັບ 84, 41% ໃນນີ້ຂະແໜງສ່ວຍສາອາກອນ 206,87 ຕື້ກີບ ເທົ່າກັບ 83,89%, ຂະແໜງຄຸ້ມຄອງ ຊັບສິນຂອງລັດ 6,61 ຕື້ກີບ ເທົ່າ ກັບ 101,74% ແລະ ຂະ ແໜງຄຸ້ມຄອງລັດວິສາຫະກິດ 199,34 ລ້ານກີບ ເທົ່າກັບ 398,70%, ການແບ່ງຂັ້ນຄຸ້ມຄອງລາຍຮັບງົບ ປະມານຂັ້ນແຂວງຄຸ້ມຄອງ 183,48 ຕື້ກີບ ປະຕິບັດໄດ້ 148,03 ຕື້ກີບ ເທົ່າກັບ 76,78%, ຂັ້ນເມືອງຄຸ້ມຄອງ 65,85 ຕື້ກີບ ປະຕິບັດໄດ້ 65,65 ຕື້ກີບ ເທົ່າກັບ 108,81%, ການຄຸ້ມຄອງລາຍຈ່າຍສາມາດປະຕິບັດໄດ້ 506,19 ຕື້ກີບ ເທົ່າກັບ 92,35%, ການດຸ່ນດ່ຽງງົບປະມານຈາກສູນກາງຕາມແຜນ 282,81 ຕື້ກີບ ປະຕິບັດໄດ້ 316,70 ຕື້ກີບ ເທົ່າກັບ 107 ,36%.

  ທ່ານ ສໍາລານ ສຸວັນນະໂຊດ ກ່າວຕື່ມອີກວ່າ: ສາເຫດທີ່ພາໃຫ້ການຈັດຕັ້ງປະຕິບັດລາຍຮັບງົບປະມານປີ 2019 ບໍ່ບັນລຸຕາມແຜນຍ້ອນວ່າລາຍຮັບທີ່ຕິດພັນກັບໂຄງ ການກໍ່ສ້າງຮັບເໝົາພື້ນ ຖານໂຄງລ່າງແມ່ນຫຼຸດລົງຫຼາຍ, ປີຜ່ານມາຕົວເລກອານຸມັດການ ລົງທຶນ 60-70 ຕື້ກີບດ ສໍາລັບປີ 2019 ແມ່ນອານຸມັດ 40,78 ຕື້ກີບ, ອາກອນຕິດພັນກັບໂຄງການລົງທຶນກໍ່ຫຼຸດລົງ 2-3 ຕື້ກີບ, ລາຍ ຮັບທີ່ເຄີບຈັດເກັບໄດ້ຈາກໂຄງ ການເຂື່ອນໄຟຟ້ານໍ້າຂອງແມ່ນ ຫຼຸດລົງ 11,85 ຕື້ກີບ, ເນື່ອງຈາກວ່າເຂື່ອນດັ່ງກ່າວໄດ້ກໍ່ສ້າງສໍາເລັດ, ແຮງງານກໍາມະກອນຫຼຸດລົງ, ລາຍຮັບຈາກບໍລິສັດສາຂາໂທລະຄົມ, ສື່ສານ ແລະສາຍສົ່ງໄຟຟ້າຫຼຸດລົງ 12,55 ຕື້ກີບ ແລະລາຍຮັບບັງເອີນທີ່ຂຶ້ນໄວ້ 44,33 ຕື້ກີບ, ປະຕິບັດໄດ້ພຽງ 25,36 ຕື້ກີບ ຫຼຸດແຜນ 18,96 ຕື້ກີບ.

____________

ຂຽນໂດຍ: ກິ່ງລັດຕະນະ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์