ແອັບເປິລປັບຫຼຸດລາຄາໄອໂຟນຫວັງກະຕຸ້ນຍອດຂາຍ

   ທ່ານທີມຄຸກປະທານບໍລິຫານບໍລິສັດແອັບເປິລອິງກ່າວວ່າແອັບເປິລມີແຜນທີ່ຈະປັບຫຼຸດລາຄາ iPhone ຊຶ່ງຈະເປັນການປັບຫຼຸດລາຄາເປັນຄັ້ງທີ 2 ໃນຮອບ 12 ປີນັບຕັ້ງແຕ່ມີການເປີດໂຕ iPhone.

   ຢ່າງໃດກໍດີແອັບເປິລຍັງບໍ່ໄດ້ປະກາດວ່າຈະມີການປັບຫຼຸດລາຄາ iPhone ລຸ້ນໃດ, ເມື່ອໃດ ແລະໃນປະເທດໃດທັງນີ້ການປັບຫຼຸດລາຄາດັ່ງກ່າວຈະມີຜົນສຳລັບຕະຫຼາດພາຍນອກອາເມລິກາໂດຍແອັບເປິລຈະປັບໂຄງສ້າງລາຄາໃຫ້ມີການຕັ້ງລາຄາໂດຍອີງກັບສະກຸນເງິນທ້ອງຖິ່ນຂອງປະເທດຕ່າງໆແທນທີ່ຈະອີງກັບໂດລາທີ່ແຂງຄ່າຂຶ້ນໃນປີຜ່ານມາຂະນະທີ່ແອັບເປິລຈະຮັບພາລະປັດໄຈການແຂງຄ່າຂອງເງິນໂດລາແທ່ນທີ່ຈະຍູ້ດັນໃຫ້ເປັນພາລະຂອງລູກຄ້ານັກວິເຄາະ ລະບຸວ່າການທີ່ແອັບເປິລອາໄສກົນລະຍຸດການປັບຫຼຸດລາຄາໃນຄັ້ງນີ້ເນື່ອງຈາກບໍລິສັດກຳລັງປະເຊີນກັບຍອດຂາຍ iPhone ທີ່ຕົກຕໍ່າໃນປະເທດຕ່າງໆໂດຍສະເພາະໃນ ສປ ຈີນ ຊຶ່ງທີ່ຜ່ານມາການທີ່ແອັບເປິລຕັ້ງລາຄາ iPhone ໂດຍອີງກັບຄ່າເງິນໂດລາຊຶ່ງແຂງຄ່າຂຶ້ນ 10% ໃນປີທີ່ແລ້ວເຮັດໃຫ້ຜະລິດຕະພັນຂອງແອັບເປິລມີລາຄາແພງກວ່າຄູ່ແຂ່ງ. ແອັບເປິລປັບຫຼຸດລາຄາ iPhone ພຽງ 1 ຄັ້ງກ່ອນໜ້ານີ້ຄືໃນໄລຍະຫຼັງຈາກການເປີດໂຕ iPhone ໃນປີ 2007 ໄດ້ບໍ່ດົນ.

แชร์