ອັດຕະປື ຊຸກຍູ້ການຜະລິດລະດູແລ້ງເຂດໂຄງການນາເຊືອກ

  ພະແນກກະສິກໍາ ແລະປ່າໄມ້ (ກປ) ແຂວງອັດຕະປືໄດ້ລົງຊຸກຍູ້ຊາວກະສິກອນທໍາການຜະລິດລະດູແລ້ງເຂດໂຄງການ ນາເຊືອກ ບ້ານຄໍາວົງສາ ເມືອງພູ ວົງ,ເພື່ອສ້າງສິ່ງອໍານວຍຄວາມສະດວກໃຫ້ແກ່ການຜະລິດລະດູ ແລ້ງ ໂດຍສະເພາະແມ່ນການປູກເຂົ້ານາແຊງໃນເຂດໂຄງການນາ ເຊືອກໃຫ້ໄດ້ 50ເຮັກຕາ.

  ສະນັ້ນເພື່ອເຮັດໃຫ້ການຜະລິດ ທ່ວງທັນກັບເວລາພະແນກກະສິກໍາ ແລະປ່າໄມ້ ແຂວງອັດຕະປື ນໍາໂດຍທ່ານ ຍົມມະລາ ສິດທິຮັກ ປັນຍາ ຮອງຫົວໜ້າຂະແໜງປູກ ຝັງຜູ້ຊີ້ນຳການຜະລິດເຂດໂຄງ ການຊົນລະປະທານນາເຊືອກ ພ້ອມ ວິຊາການຂອງແຂວງ ແລະເມືອງ ໄດ້ລົງຕິດຕາມ ແລະຊຸກການຜະລິດເຂົ້ານາແຊງໃນເຂດໂຄງການ ດັ່ງກ່າວ, ໃນວັນທີ 9 ມັງກອນຜ່ານມາເພື່ອຊີ້ນໍາໃຫ້ຊາວກະສິ ກອນເລັ່ງມືທໍາການຜະລິດນາແຊງ ໃຫ້ທ່ວງທັນກັບລະດູການ ພ້ອມ ທັງແນະນໍາເຕັກນິກ ແລະວິທີການຕ່າງຂອງການຜະລິດເຂົ້ານາແຊງ ເພື່ອຍົກສະມັດຕະພາບຜົນຜະລິດ ໃຫ້ໄດ້ຫຼາຍ.

  ທ່ານ ຍົມມະລາ ສິດທິຮັກປັນ ຍາຮອງຫົວໜ້າຂະແໜງປູກຝັງ ພະແນກກະສິກໍາ ແລະປ່າໄມ້ແຂວງ ອັດຕະປື ຜູ້ຊີ້ນຳການຜະລິດເຂດ ໂຄງການຊົນລະປະທານນາເຊືອກ ໃຫ້ຮູ້ວ່າ: ເຂດໂຄງການຊົນລະປະທານນາເຊືອກແມ່ນຊົນລະປະທານທີ່ນໍາໃຊ້ລະບົບໄຟຟ້າແສງຕາເວັນ ແລະລະບົບຈັກສູບນໍ້າດ້ວຍໄຟຟ້າ, ໂຄງການດັ່ງກ່າວມີເນື້ອທີ່ການຜະລິດເຂົ້ານາແຊງທັງໝົດ 50 ເຮັກຕາ, ຊຶ່ງຊາວກະສິກອນໄດ້ລົງມືທໍາການຜະລິດມາແຕ່ຕົ້ນເດືອນ ທັນວາປີຜ່ານມາ ແລະມາຮອດປະຈຸບັນການປັກດຳໄດ້ສໍາເລັດ ໄປແລ້ວ 75% ຄາດວ່າການປັກດໍາຈະໃຫ້ສໍາເລັດໃນກາງເດືອນນີ້.

  ທ່ານ ຍົມມະລາ ສິດທິຮັກປັນ ຍາ ໃຫ້ຮູ້ຕື່ມວ່າ: ປະຊາຊົນທີ່ ນອນໃນເຂດໂຄງການຊົນລະປະ ທານນາເຊືອກທີ່ໄດ້ທໍາການຜະລິດ ເຂົ້ານາແຊງແລ້ວຍັງໄດ້ສຸມໃສ່ ການປູກພືດລະດູແລ້ງອື່ນໆເປັນ ຕົ້ນ: ປູກໝາກໂມງ, ໝາກແຕງ, ໝາກຖົ່ວ, ສາລີ ແລະພືດຜັກກິນ ໃບອື່ນໆນໍາອີກ ເພື່ອສ້າງລາຍຮັບ ເຂົ້າຄອບຄົວ.

-----

ຂ່າວ: ຂ. ອັດຕະປື ວັດທະນາ 

แชร์