ເຊກອງຈະເພີ່ມການປ້ອງກັນພະຍາດເອດກຸ່ມທີ່ມີຄວາມສ່ຽງ ໃຫ້ໄດ້ 65-85%

 ທ່ານ ຄໍາໄຫຼ ສັນຕິພູມ ຮອງຫົວໜ້າພະແນກສາທາລະນະສຸກ ແຂວງເຊກອງ ລາຍງານໃຫ້ຮູ້ວ່າ:ໃນໄລະຍະ 9 ເດືອນ ປີ 2019 ມີຜູ້ຕິດເຊື້ອພະຍາດເຮສ໌ໄອວີ (ພະຍາດເອດ) ມີ 4 ກໍລະນີ, ຍິງ 3 ກໍລະນີ, ຊຶ່ງ ເຫັນວ່າຫຼຸດລົງຈາກປີ 2018 (ປີ 2018 ມີຜູ້ຕິດເຊື້ອພະຍາດເອດ 7 ກໍ ລະນີ ຍິງ 3 ກໍລະນີ).

  ທ່ານ ຄໍາໄຫຼ ສັນຕິພູມ ໃຫ້ຮູ້ຕື່ມວ່າ: ການສະກັດກັ້ນ ແລະຕ້ານເຊື້ອພະຍາດເອດ ແລະພະຍາດຕິດຕໍ່ທາງເພດສໍາພັນແມ່ນວຽກງານໜຶ່ງທີ່ສໍາຄັນໂດຍແມ່ນໂຄງການໄດ້ເພີ່ມການປົກຄຸມທີ່ມີຄຸນນະພາບ ໂດຍໄດ້ ຮັບທຶນຈາກໂຄງການກອງທຶນໂລກ, ສ່ວນໜຶ່ງຈາກພາກລັດໃນການໃຫ້ ບໍລິການວຽກງານປ້ອງກັນການຕິດເຊື້ອພະຍາດເອດ ແລະການດູແລ ເບິ່ງແຍງ, ຊ່ວຍເຫຼືອ, ປິ່ນປົວຜູ້ຕິດເຊື້ອດັ່ງກ່າວ ຊຶ່ງໃນໄລຍະ 9 ເດືອນປີ 2019 ມີຈໍານວນຜູ້ກວດເລືອດຊອກຫາເຊື້ອພະຍາດເອດ 396 ກໍລະນີ, ຍິງ 372 ກໍລະນີ, ຄົນເຈັບຜູ້ຕິດເຊື້ອພະຍາດເອດມີ 4 ກໍລະນີ,ຍິງ 3 ກໍລະນີ,ຈໍານວນກວດພະຍາດຕິດຕໍ່ທາງເພດສໍາພັນ 731 ກໍລະນີ, ຍິງ 715 ກໍລະນີ, ຄົນເຈັບຜູ້ຕິດເຊື້ອ ພຕພ 634 ກໍລະນີ, ຍິງ 618 ກໍລະນີ, ຈໍານວນສົ່ງຕໍ່ໄປປິ່ນປົວທີ່ສູນ ARV ຢູ່ແຂວງຈໍາປາສັກມີ 4 ກໍລະນີ, ຍິງ 3 ກໍລະນີ.

ສໍາລັບແຜນການໃນປີ 2020 ແມ່ນຈະເພີ່ມການປົກຄຸມ ແລະຮັບປະກັນຄຸນນະພາບໃນການປ້ອງກັນການຕິດເຊື້ອພະຍາດເອດໃນກຸ່ມປະຊາ ກອນທີ່ມີຄວາມສ່ຽງໃຫ້ໄດ້ 65-85%, ຕິດຕາມຜູ້ຕິດເຊື້ອໃຫ້ໄດ້ຮັບຢາ ARV ຢ່າງຕໍ່ເນື່ອງ.

-----

ຂ່າວ: ພຸດທະສອນ

แชร์