ແຂ່ງຂັນກີລາບານເຕະຊີງຂັນເຈົ້າແຂວງຄຳມ່ວນ

  ໃນວັນທີ 15 ມັງກອນ ໄດ້ເລີ່ມເປີດການແຂ່ງຂັນກີລາບານ ເຕະເພື່ອຊີງຂັນທ່ານເຈົ້າແຂວງຄຳມ່ວນ ເຂົ້າຮ່ວມໃນຄູ່ເປີດສະໜາມການແຂ່ງຂັນກີລາບານເຕະ ຊີງຂັນທ່ານເຈົ້າແຂວງຄຳມ່ວນ ມີ ທ່ານ ທອງໄຊ ມັງໜໍ່ເມກ ຫົວໜ້າພະແນກອຸດສາຫະກຳ ແລະການ ຄ້າແຂວງທັງເປັນປະທານສະຫະພັນບານເຕະແຂວງຄຳມ່ວນ, ທ່ານ ບຸນປອນ ທອງສຸວັນນະລາດ ຮອງ ຫົວໜ້າພະແນກສຶກສາທິການ ແລະ ກີລາແຂວງ, ມີບັນດາຄະນະກຳມະການຈັດການແຂ່ງຂັນ, ທີມນັກ ກີລາ ແລະຜູ້ຊົມຜູ້ເຊຍເຂົ້າຮ່ວມໃນ ສະໜາມຢ່າງຄຶກຄື້ນ.

  ຊຶ່ງໃນມື້ເປີດການແຂ່ງຂັນແມ່ນແຂ່ງຂັນກັນໃນ 2 ຄູ່ ແລະຄູ່ເປີດ ສະໜາມແມ່ນການພົບກັນລະຫວ່າງທີມເທບສີໄຮພົບກັບທີມວິທະຍາໄລຄຳສີສຸກ ແລະທີມບໍລິສັດກຽງ ໄກຂົນສົ່ງພົບກັບທີມແຟນຕ້າ FC ທີ່ເດີ່ນກີລາບານເຕາະຂອງແຂວງ, ໂດຍການເຂົາຮ່ວມແຂ່ງຂັນໃນ ຄັ້ງນີ້ມີທັງໝົດ 10 ທີມຄື: ທີມເທບສີໄຮ  FC,  ບໍລິສັດກຽງໄກຂົນ ສົ່ງ, ສຸກສະຫວັນອາໄຫຼ່, ພອນທະ ວີ FC, ວິທະຍາໄລຄຳສີສຸກ, Bigboss FC, ແຟນຕ້າ, ຮ້ານນະສາ, ນິລຸດ FC ແລະລານໄຊ.

  ສຳລັບການແຂ່ງຂັນໃນຮອບ ຄັດເລືອກແມ່ນໄດ້ແຂ່ງຂັນເລີ່ມ ແຕ່ວັນທີ 15-25 ມັງກອນ, ສ່ວນຮອບຮອງຊະນະເລີດແມ່ນຈະໄດ້ ແຂ່ງຂັນໃນວັນທີ 27 ມັງກອນ, ສຳລັບຮອບຊີງອັນດັບ 3 ແລະຊີງຊະນະເລີດແມ່ນຈະແຂ່ງຂັນກັນໃນ ວັນທີ 30 ມັງກອນ 2020.

  ຈຸດປະສົງຫຼັກຂອງການຈັດ ການແຂ່ງຂັນໃນຄັ້ງນີ້ແມ່ນເພື່ອ ເລືອກເຟັ້ນເອົານັກກີລາຮຸ່ນສືບ ທອດ ຫຼື ນັກກີລາຮຸ່ນໜຸ່ມທີ່ມີອາຍຸ ລະຫວ່າງ 16-20 ປີ ທີ່ເກັ່ງ ແລະ ມີພອນສະຫວັນ ເພື່ອເຂົ້າຮ່ວມຝຶກ ຊ້ອມ ແລະບັນຈຸເຂົ້າໃນທີມນັກກີ ລາແຫ່ງຊາດແນໃສ່ພັດທະນານັກກິລາຂອງຊາດລາວໃຫ້ມີການພັດທະນາດີຂຶ້ນສາມາດເຂົ້າຮ່ວມການ ແຂ່ງຂັນໃນລະດັບພາກພື້ນ ແລະ ສາກົນໃນອະນາຄົດ.

แชร์