ໄຟຟ້າຫົງສາ ມອບທຶນການສຶກສາໃຫ້ນັກຮຽນ

  ບໍລິສັດໄຟຟ້າຫົງສາ ຈໍາກັດມອບທຶນການສຶກສາໃນລະດັບ ປະລິນຍາຕີ ປະຈໍາປີ 2019 ຈໍາ ນວນ 5 ທຶນ ໃຫ້ແກ່ນັກຮຽນໃນເຂດເມືອງຫົງສາ,ເມືອງເງິນ  ແລະ ເມືອງຊຽງຮ່ອນ.ພິທີດັ່ງກ່າວໄດ້ຈັດຂຶ້ນຫວ່າງ ບໍ່ດົນມານີ້ບໍລິສັດໄຟຟ້າຫົງສາ ໂດຍ ທຶນທີ່ມອບໃນຄັ້ງນີ້ມີທັງໝົດ 5 ທຶນໃນນີ້ນັກຮຽນທີ່ໄດ້ຮັບທຶນສຶກ ສາຕໍ່ໃນມະຫາວິທະຍາໄລແຫ່ງຊາດລາວ ທີ່ນະຄອນຫຼວງວຽງຈັນ ຈໍານວນ 2 ຄົນ ຄື:ທ້າວສົມບັດ ປອງປັນຍາ ນັກຮຽນຈາກເມືອງຫົງສາສຶກສາຕໍ່ໃນສາຂາວິຊາChemical Engineer ແລະນາງ ສາຍພິມ ສຸທິໂວຫານ ນັກຮຽນຈາກເມືອງເງິນ ສຶກສາ ຕໍ່ໃນສາຂາວິຊາ Environment Engineer ສ່ວນອີກ 3 ທຶນແມ່ນ ນັກຮຽນທີ່ໄດ້ຮັບທຶນສຶກສາຕໍ່ໃນມະຫາວິທະຍາໄລສຸພານຸວົງ ທີ່ນະຄອນຫຼວງພະບາງ ຈໍານວນ 3 ຄົນ ຄື: ນາງ ວັນໄຊ ຊັບໝັ້ນນັກຮຽນຈາກເມືອງຫົງສາສຶກສາ ຕໍ່ໃນສາຂາວິຊາ Computer Engineer, ທ້າວ ເຊງຊື່ ເຮີ ນັກຮຽນຈາກເມືອງຫົງສາ ສຶກສາຕໍ່ ໃນສາຂາວິຊາ Finance, ທ້າວ ເນງ ເຮີ ນັກຮຽນຈາກເມືອງຫົງສາສຶກສາຕໍ່ໃນສາຂາວິຊາ Finance.

  ບໍລິສັດໄຟຟ້າຫົງສາ ໄດ້ສະແດງ ຄວາມຍິນດີມາຍັງນ້ອງນັກຮຽນ ທັງ 5 ຄົນ ທີ່ສາມາດເສັງຕິດ ແລະ ເຂົ້າສຶກສາຕໍ່ພາຍໃນມະຫາວິທະຍາໄລທີ່ມີສື່ສຽງໃນດ້ານການຮຽນການສອນແຫ່ງ ສປປ ລາວ, ທັງ 2 ແຫ່ງນີ້ ແລະຫວັງເປັນຢ່າງຍິ່ງ ວ່ານ້ອງໆນັກຮຽນທຸກຄົນຈະໃຊ້ ຄວາມຮູ້ຄວາມສາມາດໃນການ ສຶກສາຮໍ່າຮຽນມາໃນແຕ່ສະສາຂາ ວິຊາໄດ້ຢ່າງເຕັມທີ່ ແລະມີຄວາມ ປະພຶດດີສົມກັບເປັນນັກສຶກສາທີ່ ໄດ້ຮັບທຶນຈາກບໍລິສັດໄຟຟ້າຫົງ ສາ ຈໍາກັດຕະຫຼອດເຖິງການເປັນ ແບບຢ່າງທີ່ດີໃຫ້ກັບນ້ອງໆນັກ ຮຽນຮຸ່ນຕໍ່ໆໄປຂອງໂຮງຮຽນ ແລະ ເປັນຄວາມພູມໃຈຂອງຄອບຄົວ ແລະຊຸມຊົນ.

ໂດຍ: ນໍ້າເໝີຍ

แชร์