ເຈົ້າເມືອງອາດສະພັງທອງ ລົງຢ້ຽມຢາມນ້ອງນັກຮຽນ 3 ໂຮງຮຽນ

  ໃນວັນທີ 15 ມັງກອນ ຜ່ານມາ ທ່ານ ອຸໄພວັນ ໄຊຍະວົງ ເຈົ້າ ເມືອງອາດສະພັງທອງ ພ້ອມດ້ວຍ ທ່ານ ສໍາລິດ ເທບພະວົງ ຫົວໝ້າ ຫ້ອງວ່າການເມືອງ   ແລະທ່ານ ພັນ ໂທ ຄໍາສະໝອງດີ ແກ້ວມະນີວົງ ຫົວໝ້າກອງບັນຊາການປ້ອງກັນຄວາມສະຫງົບເມືອງໄດ້ລົງຢ້ຽມຢາມຖາມຂ່າວນ້ອງນ້ອຍນັກຮຽນໂຮງຮຽນປະຖົມບ້ານໂພນຕາດ, ໂຮງຮຽນປະຖົມໂຄກສະຫວ່າງ ແລະໂຮງຮຽນປະຖົມຫ້ວຍຕູບ ທີ່ຂຶ້ນກັບເມືອງອາດສະພັງທອງ ໂດຍການຕ້ອນຮັບຢ່າງອົບອຸ່ນ ຂອງເລຂາພັກບ້ານ, ນາຍບ້ານ ແລະປະຊາຊົນພາຍໃນບ້ານ, ຄູ  ແລະນ້ອງນ້ອຍນັກຮຽນກໍ່ໄດ້ຕ້ອນຮັບຢ່າງພ້ອມພຽງ.

  ໃນການລົງຢ້ຽມຢາມໂຮງ ຮຽນໃນ 3 ບ້ານໃນຄັ້ງນີ້ທ່ານເຈົ້າ ເມືອງອາດສະພັງທອງ ກໍ່ຍັງໄດ້ນໍາເອົາເຄື່ອງອຸປະໂພກເປັນຕົ້ນກໍ່ແມ່ນປື້ມ, ບິກ, ເຄື່ອງນຸ່ງຮົ່ມ, ເກີບ ແລະອຸປະກອນການຮຽນ-ການສອນ ແລະເຄື່ອງບໍລິໂພກເຊັ່ນ ໝີ່, ກະປ່ອງປາ ແລະເຂົ້າໝົມນໍາ ມາມອບໃຫ້ແກ່ນ້ອງນ້ອຍນັກຮຽນ ຕື່ມອີກດ້ວຍ.

แชร์