ການນໍາເມືອງເຊບັ້ງໄຟລົງຊຼກຍູຸ້ການຜະລິດລະດູແລ້ງ

   ໃນວັນທີ 14 ມັງກອນ 2020 ທ່ານ ບັນທາລາ ນໍລະເສນ ຮອງເຈົ້າ ເມືອງເຊບັ້ງໄຟ, ທ່ານ ບຸນແຍງ ສຸວັນທອງ ຫົວໜ້າຫ້ອງການໂຍທາທິການ ແລະຂົນສົ່ງເມືອງ ສົມທົບກັບອຳນາດການປົກຄອງ 2 ບ້ານຄື: ບ້ານ ນາພອກ ແລະບ້ານຍາງຄຳ ລົງຕິດຕາມຊຸກຍູ້ການຜະລິດລະດູແລ້ງ, ການ ຕອບສະໜອງນໍ້າໃຫ້ແກ່ການຜະລິດຂອງປະຊາຊົນ.

  ທົ່ວເມືອງເຊບັ້ງໄຟ ມີເນື້ອທີ່ແຜນການ 2.400 ເຮັກຕາ, ໃນ 15 ໂຄງ ການຊົນລະປະທານ ນັ້ນ ມີເນື້ອທີ່ນາຢອດ, ນາຜາຍ 60% ເທົ່າກັບ 1.440 ເຮັກຕາ, ເນື້ອທີ່ນາດຳ 40% ເທົ່າກັບ 960 ເຮັກຕາ ເຊິ່ງຄະນະການນຳຂັ້ນ ເມືອງກໍ່ໄດ້ລົງຊຸກຍູ້ ປຸກລະດົມໃຫ້ພໍ່-ແມ່ປະຊາຊົນ ໃຫ້ມີຄວາມຕື່ນຕົວໃນ ການຜະລິດສະບຽງອາຫານ ແລະຜະລິດເປັນສິນຄ້າໃຫ້ເປັນຂະບວນຟົດຟື້ນ ແລະປະກອບສວ່ນໃນການປັບປຸງສ້ອມແປງລະບົບຊົນລະປະທານ, ຄອງເໝືອງຕ່າງໆ ເພື່ອເຮັດໃຫ້ການຜະລິດໄດ້ທ່ວງທັນກັບລະດູການ, ຮັບ ປະກັນການສະໜອງນໍ້າໄດ້ຢ່າງພຽງພໍຕາມເນື້ອທີ່ຄາດຄະເນໄວ້.

  ຊາວກະສິກອນແມ່ນໄດ້ເລີ່ມລົງມືປັກດຳໃນທ້າຍເດືອນທັນວາ 2019 ມາຮອດປະຈຸບັນ ແມ່ນສາມາດປັກດຳໄດ້ແລ້ວ 2.333 ເຮັກຕາ ຫຼື ເທົ່າກັບ 97% ຂອງເນື້ອທີ່ຕາມແຜນການຄາດວ່າຈະໃຫ້ສຳເລັດ ການປັກດຳ100% ໃນທ້າຍເດືອນມັງກອນ2020ນີ້; ສ່ວນທາງດ້ານການປູກພືດສົກປີ 2019 2020ມີ 675 ເຮັກຕາ ໃນນັ້ນ ເນື້ອທີ່ປູກພຶດ ເປັນສິນຄ້າ 257 ເຮັກຕາ, ເນື້ອທີ່ປູກເປັນສະບຽງອາຫານ 418 ເຮັກຕາ.

---------

ຂ່າວ: ສຸກ ສາລີບູນ

แชร์