ທລຍ ປະເມີນວຽກງານປະຈໍາປີ

  ກອງປະຊຸມປະເມີນການ ຈັດຕັ້ງປະຕິບັດວຽກງານກອງທຶນ ຫຼຸດຜ່ອນຄວາມທຸກຍາກ ປະຈຳປີ 2019 ແລະວາງທິດທາງການຈັດຕັ້ງປະຕິບັດ 2020 ໄດ້ຈັດຂຶ້ນຢູ່ທີ່ ສະໂມສອນເມືອງອາດສະພອນ ແຂວງສະຫວັນນະເຂດ ໂດຍການ ເຂົ້າຮ່ວມເປັນປະທານຂອງທ່ານ ສີພັນ ສຸວັນນະສານ ຮອງເລຂາພັກ ເມືອງ ຮອງເຈົ້າເມືອງອາດສະພອນ, ມີທ່ານ ແສງເພັດ ວັນນະວົງ ຕາງໜ້າ ທລຍ ສູນກາງ, ທ່ານ ຄອນໄຊ ອິນທິລາດ ຫົວໜ້າ ທລຍ ແຂວງສະຫວັນນະເຂດ, ມີບັນດາທ່ານຫົວໜ້າຫ້ອງການອ້ອມຂ້າງ ເມືອງ ພ້ອມດ້ວຍຜູ້ປະສານງານ ທລຍ ຂັ້ນບ້ານທັງ 16 ບ້ານເຂົ້າ ຮ່ວມ.

  ທ່ານ ບຸນຫຼາຍ ຈັນທະວິໄລ ຕາງໜ້າ ທລຍ ປະຈຳເມືອງອາດສະພອນ ກໍ່ໄດ້ຜ່ານບົດສະຫຼຸບ ການຈັດຕັ້ງປະຕິບັດວຽກງານ ທລຍ ປະຈຳປີ 2019, ທລຍ ໄດ້ເລີ່ມເຂົ້າມາຈັດຕັ້ງປະຕິບັດໂຄງການແຕ່ປີ 2017 ເປັນຕົ້ນມາ, ກິດຈະກຳຫຼັກທີ່ເຮັດພາຍໃນເມືອງ ແມ່ນກໍ່ສ້າງສ້ອມແປງພື້ນຖານ ໂຄງລ່າງ, ວຽກງານທົດລອງກຸ່ມ ສ້ອມແປງທາງ RMG ແລະສ້ງ ຄວາມເຂັ້ມແຂງ, ໃນປີ 2019 ໄດ້ ຈັດຕັ້ງປະຕິບັດ 17 ໂຄງການ, ໃນ ນັ້ນຂະແໜງສຶກສາທິການ 9 ໂຄງ ການ ແລະຂະແໜງໂຍທາທິການ 8 ໂຄງການ, ນຳໃຊ້ງົບປະມານທັງໝົດ 3.997 ລ້ານກວ່າກີບ, ໃນ ນັ້ນ ທຶນພາຍໃນ (GOL) 1.473 ລ້ານກວ່າກີບ, ທຶນຕ່າງປະເທດ (WB&SDC) 2.266 ລ້ານ ກວ່າກີບ ແລະປະຊາຊົນປະກອບ ສ່ວນ 257 ລ້ານກວ່າກີບ.

  ສຳລັບທິດທາງໃນຕໍ່ໜ້າຂອງ ທລຍ ໃນປີ 2020 ຈະໄດ້ຈັດຕັ້ງ ປະຕິບັດຢູ່ໃນ 9 ໂຄງການ, ໂດຍ ໃຊ້ບ້ວງທຶນລັດຖະບານ ແລະທຶນ ອົງການຮ່ວມມືດ້ານການພັດທະນາປະເທດເຊີວິດ (SDC) ໂດຍ ສຸມໃສ່ຂະແໜງການພັດທະນາພື້ນຖານໂຄງລ່າງ 2 ຂະແໜງການຄື: ຂະແໜງການໂຍທາທິການ ແລະ ຂະແໜງການສຶກສາທິການເປັນ ຕົ້ນ.

แชร์