ເຈົ້່າແຂວງເນັ້ນ ເມືອງດາກຈຶງເອົາໃຈໃສ່ຜະລິດສະບຽງອາຫານ

  ທ່ານເຈົ້າແຂວງ-ແຂວງເຊກອງ ໄດ້ກ່າວແນະນຳໃຫ້ການນໍາ ເມືອງດາກຈຶງ ເອົາໃຈໃສ່ພິເສດ ການຜະລິດສະບຽງອາຫານ ເພື່ອຮັບປະກັນການບໍລິໂພກຂອງປະຊາຊົນພາຍໃນເມືອງ, ທັງຂາຍ ເປັນສິນຄ້າ ແລະຮັບໃຊ້ວຽກງານ ການບໍລິການ ໂດຍສະເພາະແມ່ນ ຂະແໜງການທ່ອງທ່ຽວ.

   ທ່ານ ຄໍາເຜີຍ ບຸດດາວຽງ ເຈົ້າ ແຂວງເຊກອງ ໄດ້ກ່າວມີຄໍາເຫັນ ໂອ້ລົມ ແລະຊີ້ນໍາຕໍ່ກອງປະຊຸມ ໃຫຍ່ຄັ້ງທີ XV ຜູ້ແທນອົງຄະນະພັກເມືອງດາກຈຶງ ໃນລະຫວ່າງ ວັນທີ 8-9 ມັງກອນ 2020 ໂດຍທ່ານໄດ້ເນັ້ນໜັກໃຫ້ການນໍາເມືອງເອົາໃຈໃສ່ການຜະລິດສະບຽງອາຫານ ເພື່ອຮອງຮັບດ້ານການບໍລິ ໂພກ ແລະສົ່ງອອກຂາຍເປັນສິນ ຄ້າແນໃສ່ເຮັດໃຫ້ເສດຖະກິດຂອງເມືອງດາກຈຶງມີການຂະຫຍາຍຕົວໄປຖືກທິດ, ໝັ້ນທ່ຽງ, ໜັກແໜ້ນ ແລະສືບຕໍ່ຮັກສາສະຖຽນລະພາບຂອງເສດຖະກິດມະຫາພາກໃຫ້ດີ ຂຶ້ນເທື່ອລະກ້າວ, ພ້ອມສູ້ຊົນເກັບ ລາຍຮັບເຂົ້າງົບປະມານໃຫ້ໄດ້ ຕາມແຜນ, ຈຳກັດການຕົກເຮ່ຍເສຍ ຫາຍ ແລະຄຸ້ມຄອງລາຍຈ່າຍໃຫ້ ໄປຕາມຂອບທີ່ວາງໄວ້.

  ໂດຍລວມແລ້ວເມືອງດາກຈຶງ ແມ່ນມີສະຖຽນລະພາບທາງດ້ານ ການເມືອງໜັກແໜ້ນ, ເສດຖະກິດມີ ການຂະຫຍາຍຕົວຢ່າງຕໍ່ເນື່ອງ, ສັງຄົມມີຄວາມສະຫງົບດີ ແລະມີ ຄວາມເປັນລະບຽບຮຽບຮ້ອຍ, ໄດ້ ເອົາໃຈໃສ່ຊຸກຍູ້ການຜະລິດຂອງ ປະຊາຊົນໃຫ້ເປັນສິນຄ້າ ເພື່ອແກ້ ໄຂຄວາມທຸກຍາກແຕ່ບັນຫາດັ່ງ ກ່າວນີ້ ພາກສ່ວນກ່ຽວຂ້ອງເປັນ ຕົ້ນແມ່ນບັນດາຄະນະບໍລິຫານ ງານພັກເມືອງຊຸດທີ XV ຍັງຈະຕ້ອງໄດ້ເອົາໃຈໃສ່ລົງເກັບກຳຂໍ້ມູນ, ມາຄົ້ນຄວ້າວິໄຈລະອຽດເຖິງ ຄວາມອາດສາມາດທີ່ບົ່ມຊ້ອນຢູ່ໃນຂົງເຂດທີ່ຕົນເອງຮັບຜິດຊອບ ຕື່ມ ເພື່ອກຳນົດໄດ້ທ່າແຮງຂອງ ແຕ່ກຸ່ມ, ບ້ານ, ຄອບຄົວວ່າມີທ່າ ແຮງດ້ານໃດ ແລະບັນຫາຕະຫຼາດ ຈຳໜ່າຍ ກໍຍິ່ງມີຄວາມສຳຄັນ, ທັງນີ້ ກໍເພື່ອຮັບປະກັນການຜະລິດ ທີ່ມີຈຸດໝາຍ ແລະມີລາຍໄດ້ຕໍ່ປະຊາຊົນຢ່າງແທ້ຈິງ.

  ທ່ານ ຄໍາເຜີຍ ບຸດດາວຽງ ກ່າວອີກວ່າ: ການຜະລິດທີ່ວ່ານີ້ ຕ້ອງເຮັດໃຫ້ມີຈຸດສຸມ, ມີຕົວແບບ, ມີພະນັກງານວິ-ຊາການທີ່ຊຳນານ ງານນຳພາປະຊາຊົນເຮັດຕົວຈິງຢູ່ ຮາກຖານ ແລະສຸມໃສ່ປະຕິບັດບ່ອນ ທີ່ມີເງື່ອນໄຂເໝາະສົມ; ສ້າງສິ່ງ ອຳນວຍຄວາມສະດວກ ແລະສົ່ງ ເສີມໂຄງການຜະລິດສິນຄ້າ ເພື່ອ ສົ່ງອອກເປັນຕົ້ນແມ່ນໝາກກາເຟ, ໂສມ, ມັນຕົ້ນ, ການລ້ຽງສັດ ແລະ ອີກຫຼາຍໆຢ່າງໃຫ້ເຂົ້າສູ່ລະບົບ, ພ້ອມກັນນັ້ນຕ້ອງໄດ້ເອົາໃຈໃສ່ ມອບ ດິນ-ມອບປ່າໃຫ້ປະຊາຊົນໄດ້ ຄຸ້ມຄອງ, ນຳໃຊ້ໃຫ້ຈະແຈ້ງເຮັດໃຫ້ ປະຊາຊົນສາມາດນຳໃຊ້ຕອນດິນ ດັ່ງກ່າວນັ້ນໄດ້ຕາມຈຸດປະສົງ, ຕິດຕາມປ້ອງກັນພະຍາດລະບາດ ຂອງພືດ-ສັດຕ່າງໆໃຫ້ທັນການ.

  ຍາດແຍ່ງດຶງດູດການລົງທຶນຈາກພາກລັດ, ທຶນຊ່ວຍເຫຼືອລ້າ, ທຶນເອກະຊົນພາຍໃນ ແລະຕ່າງປະເທດສຸມໃສ່ການພັດທະນາພື້ນຖານໂຄງລ່າງດ້ານກະສິກໍາ ແລະສຸມໃສ່ຊຸກຍູ້ສົ່ງເສີມປະຊາຊົນຜະລິດກະສິກໍາ, ທັງນີ້ ກໍເພື່ອເຮັດໃຫ້ການຜະ ລິດສະບຽງອາຫານຂອງເມືອງ ດາກຈຶງສາມາດກຸ້ມຕົນເອງໄດ້, ທັງໄດ້ມາດຖານສ້າງຄວາມໝັ້ນ ໃຈແກ່ຜູ້ບໍລິໂພກນຳອີກ.

-------

ຂ່າວ: ສັນຍາ

 

แชร์