ອາສາສະໝັກກາແດງລາວ-ສ. ເກົາຫຼີຊ່ວຍສ້ອມແປງໂຮງຮຽນບ້ານໜອງບົວທອງ

   ໃນລະຫວ່າງວັນທີ 22-29 ມັງກອນ 2019 ທີ່ໂຮງຮຽນປະຖົມສົມບູນບ້ານໜອງບົວທອງເມືອງປາກງື່ມນະຄອນຫຼວງວຽງຈັນ, ອົງກາແດງລາວ ແລະສ.ເກົາ ຫຼີ ໄດ້ພ້ອມກັນສ້ອມແປງໂຮງຮຽນປະຖົມໜອງບົວທອງເມືອງປາກງື່ມນະຄອນຫຼວງວຽງຈັນໂດຍການເຂົ້າຮ່ວມຂອງທ່ານນາງ ໄອ່ຄຳ ສໍອິນໄຊ ຮອງຫົວໜ້າການກອງໂຄສະນາ ແລະຂົນຂວາຍການກຸສົນ, ທ່ານ ຮາ ຊັງຢອງ ຫົວໜ້າສູນບໍລິການຊຸມຊົນພາກຕາເວັນຕົກກາແດງແຂວງຈ໋ອງນາມສເກົາຫຼີ, ມີກຸ່ມບ້ານ, ຜູ້ຕາງໜ້າຈາກສຶກສາ ແລະກີລາເມືອງ, ຊາວໜຸ່ມເມືອງ, ອຳນາດການປົກຄອງບ້ານ, ຄູ-ອາຈານ, ນ້ອງນັກຮຽນ ແລະພາກສ່ວນກ່ຽວຂ້ອງເຂົ້າຮ່ວມ.

   ການຈັດກິດຈະກຳແລກປ່ຽນຊາວໜຸ່ມອາສາສະໝັກຄັ້ງນີ້ຊາວໜຸ່ມອົງການກາແດງລາວ ແລະອາສາສະໝັກ ສ ເກົາຫຼີໄດ້ຊ່ວຍສ້ອມແປງ, ປັບປຸງອາຄານຮຽນຊັ້ນອະນຸບານ ແລະຊັ້ນປະຖົມບ້ານໜອງບົວທອງ ແລະບ້ານດອນໄຮ່ເມືອງປາກງື່ມນະຄອນຫຼວງວຽງຈັນເນື່ອງຈາກວ່າອາຄານຮຽນບໍ່ສົມບູນສ້າງຄວາມຫຍຸ້ງຍາກໃຫ້ແກ່ການຮຽນ-ການສອນຂອງຄູ-ອາຈານ ແລະນ້ອງນັກຮຽນ, ນອກນັ້ນໄດ້ມອບອຸປະກອນການຮຽນ-ການສອນໃຫ້ຄວາມຮູ້ດ້ານການປະຖົມ ພະຍາບານ, ຮຽນຮູ້ວັດທະນະທຳລາວເຊັ່ນ: ການໃສ່ບາດ, ການນຸ່ງຖື, ບາສີສູ່ຂວັນ, ການສະແດງສິລະປະຮ່ວມກັນ, ຊຶ່ງການຊ່ວຍເຫຼືອຄັ້ງນີ້ລວມມູນຄ່າທັງໝົດ 102,6 ລ້ານກີບ.

 

แชร์