ເຈົ້າໜ້າທີ່ມອບລົດຄືນໃຫ້ເຈົ້າຂອງເດີມ

  ເພື່ອເປັນການສະກັດກັ້ນບັນຫາປະກົດການຫຍໍ້ທໍ້ຕ່າງໆທີ່ເກີດຂຶ້ນໃນສັງຄົມ ແລະເພື່ອເຮັດໃຫ້ການແກ້ໄຂບັນຫາ 4 ເຖື່ອນປະກົດຜົນເປັນຈິງດັ່ງນັ້ນພະແນກຕຳຈະລາຈອນ ປກສ ແຂວງບໍລິຄຳໄຊ ຈຶ່ງໄດ້ປະຕິບັດໜ້າທີ່ຕາມການຊີ້ນຳຂອງຄະນະພັກຂັ້ນເທິງໄດ້ຈັດຕັ້ງຈຸດກວດຕາມເສັ້ນທາງຕ່າງໆເພື່ອກວດກາເຕັກນິກ,ເອກະສານລົດທົ່ວໄປສາມາດກັກລົດຈັກທີ່ບໍ່ມີເອກະສານຈຳນວນ 8 ຄັນ ຢູ່ປ້ອມຈະລາຈອນທາງແບ່ງວຽງຄຳ ເມືອງປາກະດີງ ໃນຄັ້ງວັນທີ 25 ກັນຍາ 2019 ຜ່ານມາ.

 ດັ່ງນັ້ນພະແນກຕໍາຫຼວດຈະລາຈອນ ປກສ ແຂວງບໍລິຄຳໄຊ ຈຶ່ງໄດ້ນຳເອົາລົດຈັກທີກັກໄດ້ມາເກັບຮັກສາໄວ້ທີ່ພະແນກຈະລາຈອນ ປກສ ແຂວງ ແລະໄດ້ປະກາດຫາເຈົ້າຂອງລົດ ໃຫ້ນຳເອົາເອກະສານ ແລະໝາຍເລກທະບຽນມາພົວພັນເອົາລົດຂອງຕົນຈຶ່ງໄດ້ມີເຈົ້າຂອງລົດຈັກນຳເອົາເອກະສານມາແຈ້ງຕຳຫຼວດຈະລາຈອນ ປກສ ແຂວງ ຈຳ ນວນ 2 ຄັນ ແລະຍັງອີກຈຳນວນ 6 ຄັນ ທີບໍ່ທັນມີເຈົ້າຂອງມາພົວພັນເອົາ.

 ການມອບ-ຮັບດັ່ງກ່າວຈັດຂຶ້ນວັນທີ 14 ມັງກອນ 2020 ທີ່ ປກສ ແຂວງບໍລິຄຳໄຊ ກ່າວມອບໂດຍທ່ານ ພັນຕີ ບຸນ ມີລໍວັນໄຊ ຮັກສາການຫົວໜ້າພະແນກຕຳຫຼວດຈະລາຈອນ ປກສ ແຂວງ ຕາງໜ້າກ່າວຮັບລົດຈັກຈຳນວນ 2 ຄັນໂດຍ ເຈົ້າຂອງລົດ 2 ຄັນດັ່ງກ່າວໆຮັບ.

_____________

ຂຽນໂດຍ:  ໄຊ ລັດດາ      
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์