ສິດເກົ່າມອບເຄື່ອງໃຫ້ໂຮງຮຽນ ມສ ພູຟ້າ

   ວັນທີ 30 ມັງກອນ 2019 ທີ່ໂຮງຮຽນ ມສ ພູຟ້າເທສະບານແຂວງຜົ້ງສາລີ, ສິດເກົ່າ ມສ ພູຟ້າທີ່ສຶກສາຢູ່ ສສ ຫວຽດນາມໄດ້ພົບປະອາຈານເກົ່າ ແລະມອບເຄື່ອງກິລາໃຫ້ໂຮງຮຽນດັ່ງກ່າວ, ຊຶ່ງນຳພາທີມງານສິດເກົ່າ ມສ ພູຟ້າທ່ີສຶກສາຮ່າໂນ້ຍ ສສ ຫວຽດນາມ ຂອງທ່ານ ສຸລິວັນ ແສນສະຕິ ຫົວໜ້າຄະນະຈັດຕັ້ງເມືອງຜົ້ງສາລີ, ພ້ອມນັກສຶກສາແຂວງຜົ້ງສາລີທີ່ເປັນສິດເກົ່າ ມສ ພູຟ້າທີ່ສຶກສາທ່ີ ສສ ວຽດນາມ; ໂດຍໄດ້ຮັບການຕ້ອນຮັບຈາກທ່ານ ນາງ ມະນີຈັນ ເພັດສະວົງ ໂຮງຮຽນ ມສ ພູຟ້າ ແລະຄູອາຈານໂຮງຮຽນດັ່ງກ່າວ.

   ເຄື່ອງທີ່ນຳມາມອບໃນຄັ້ງນີ້ມີປື້ມແບບຮຽນຈຳນວນ 225 ຫົວໃນນີ້ມີປື້ມແບບຮຽນຊັ້ນມ 1 ຈຳນວນ 150 ຫົວ, ຊັ້ນມ 5 ຈຳນວນ 75 ຫົວ ແລະປຶ້ມຂຽນຈຳນວນ 200 ຫົວພ້ອມອຸປະກອນກີລາມີບານເຕະ 4 ໜ່ວຍ, ບານສົ່ງ 3 ໜ່ວຍ ແລະຕາໜ່າງ 1 ຊຸດ, ກະຕໍ້ຫວາຍ 3 ໜ່ວຍ ແລະຕາໜ່າງ 1 ຊຸດ ລວມມູນຄ່າທັງໝົດ 5 ລ້ານກີບໂດຍຕ່າງໜ້າສິດເກົ່າ ມສ ພູຟ້າທີ່ສຶກສາຢູ່ ສສ ຫວຽດນາມຂຶ້ນກ່າວມອບແມ່ນທ່ານ ສຸລິວັນ ແສນ ສະຕິຫົວໜ້າຄະນະຈັດຕັ້ງເມືອງຜົ້ງສາລີ ແລະຕາງໜ້າໂຮງຮຽນ ມສ ພູຟ້າຂຶ້ນກ່າວຮັບໂດຍແມ່ນທ່ານ ນາງ ມະນີຈັນ ເພັດສະວົງໂຮງຮຽນ ມສ ພູຟ້າໂຮງຮຽນ ມສ ພູຟ້າ ແລະສະແດງຄວາມຂອບໃຈທີ່ທັງສິດເກົ່າ ມສ ພູຟ້າທີ່ສຶກສາຢູ່ ສສ ຫວຽດນາມເປັນຫ່ວງເປັນໄຍໃຫ້ການຊ່ວຍເຫຼືອໃນຄັ້ງນີ້ ແລະຫວັງວ່າຈະໄດ້ຮັບການຊວ່ຍເຫຼືອ ອີກ.

แชร์