ງານບຸນເກີຣ ບ້ານກີ່ວສາລາ

  ບຸນເກີຣ ຫຼື ບຸນເຕັຈນືມປະຈໍາປີ 2019 ຂອງບ້ານກີ່ວສາລາ ເມືອງຫົງສາ ແຂວງໄຊຍະບູລີ, ໄດ້ຈັດຂຶ້ນໃນວັນທີ 10 ມັງ ກອນ 2020 ຢູ່ທີ່ເດີ່ນໂຮງຮຽນບ້ານດັ່ງກ່າວ ໂດຍການໃຫ້ກຽດ ເຂົ້າຮວ່ມຂອງທ່ານ ນາງ ດາວ ວິນ ລາດຊະກິດ ຮອງເລຂາພັກ ເມືອງຜູ້ຊີ້ນໍາວຽກງານແນວຄິດ, ວຽກພັກພະນັກງານຂອງເມືອງ, ມີທ່ານ ມັງກອນ ບົວສະຫວັນ ເລຂາພັກບ້ານນາຍບ້ານໆກີ່ວສາ ລາ, ມີຄະນະນໍາຂອງເມືອງແຂກ ຖືກເຊີນ, ພ້ອມດ້ວຍປະຊາຊົນເຂົ້າ ຮວ່ມຢ່າງຄຶກຄື້ນ ແລະມ່ວນຊື່ນ.

  ທ່ານ ມັງກອນ ບົວສະຫວັນເລຂາໜ່ວຍພັກບ້ານນາຍບ້ານໆ ກີ່ວສາລາກໍ່ໄດ້ຜ່ານປະຫວັດຄວາມເປັນມາຂອງບຸນເກີຣ ຫຼື ບຸນເຕັຈ ນືມ ແລະລາຍງານການຈັດຕັ້ງ ນໍາວຽກງານຂອງບ້ານໃນໄລຍະ 1 ປີ ຜ່ານມາ, ບ້ານກີ່ວສາລາ,  ເປັນບ້ານໜຶ່ງທີ່ຕັ້ງຢູ່ຫ່າງຈາກຕົວ ເມືອງ ປະມານ 16 ກິໂລແມັດ ທົ່ວບ້ານມີເນື້ອທີ່ທັງໝົດ 3.200  ເຮັກຕາ, ມີ 8  ໜ່ວຍຄຸ້ມຄອງພົນ ລະເມືອງ, ມີ 100 ຄອບຄົວ, ມີ ພົນລະເມືອງ  546 ຄົນ, ຍິງ 262  ຄົນ, ເປັນເຜົ່າກືມມຸ 99,26%  ອາຊີບຂອງປະຊາຊົນສ່ວນໃຫ່ຍ ເຮັດໄຮ່ນາ ປູກເຂົ້າເນີນສູງ, ປູກພືດຜັກ-ລ້ຽງສັດ ແລະບໍລິການຄ້າ ຂາຍຈໍານວນໜຶ່ງ, ສຳລັບເຜົ່າກືມມຸແມ່ນຊົນເຜົ່າໜຶ່ງທີ່ນອນຢູ່ໃນວົງ ຄະນະຍາດແຫ່ງຊາດລາວ,  ຊຶ່ງດໍາ ລົງຊິວີດປົນເປກັບເຜົ່າອື່ນໆຢູ່ບັນດາແຂວງພາກເໜືອລົງມາຮອດ ແຂວງຄໍາມ່ວນ, ມີຫຼາຍກວ່າໜູ່ ຢູ່ແຂວງຫຼວງພະບາງ, ຜົ້ງສາລີ, ຊຽງຂວາງ ແລະແຂວງຫົວພັນ, ເຜົ່າກືມມຸເຄີຍມີມູນເຊື້ອສາມັກຄີ ເປັນປຶກແຜ່ນ ແລະຄຽງບ່າຄຽງໄລ່ ກັບພີ່ນ້ອງຮ່ວມຊາດ, ປົກປັກຮັກສາ ແລະສ້າງສາພັດທະນາປະເທດ ຊາດ ຢູ່ພາຍໃຕ້ການນໍາພາຂອງພັກປະຊາຊົນປະຕິວັດລາວຕະຫຼອດມາ,ມີຄວາມເຊື່ອຖືແຕກຕ່າງ ກັບເຜົ່າອື່ນໆເຊັ່ນຖືສັດ, ຕົ້ນໄມ້ ແລະຂໍ້ຫ້າມຕະກຸນໃຜລາວ, ປະຊາຊົນເຜົ່າກືມມຸມີໂອກາດຫຼິ້ນບຸນປົດ ປີຂອງຕົນປີລະ 1 ເທື່ອ ເພື່ອສະແດງເຖິງຄວາມພາກພູມໃຈຫຼັງ ຈາກນັ້ນການເກັບກູ້ຜົນຜະລິດປະ ຈໍາປີຂອງຕົນ, ພາຍຫຼັງສໍາເລັດ ການຈາກຜົນລະປູກແລ້ວໄດ້ພ້ອມ ກັນຈັດງານບຸນເກີຣ ຫຼື ບຸນເຕັຈນືມ ປະຈໍາປີຂຶ້ນ, ຕາມຮີດຄອງປະເພນີແລ້ວແຕ່ລະປີແມ່ນໄດ້ຈັດຂຶ້ນໃນ ວັນທີ 10 ມື້ແຮມ 1 ຄໍ່າ ເດືອນຍີ່, 1  ມື້ເຕົ້າໃຈ້  ເພື່ອເປັນການສົ່ງທ້າຍ ປີ ເກົ່າຕ້ອນຮັບປີໃໝ່.

 ການຈັດງານໃນຄັ້ງນີ້ມີກິດຈະ ກໍາສຳຄັນຫຼາຍຢ່າງເພື່ອເຮັດໃຫ້ ມີບັນຍາກາດເບີກບານມ່ວນຊື່ນ, ເປັນຕົ້ນແມ່ນບາສີສູ່ຂັວນ ແລະ ພິທີຕ່າງໆຕາມຮີດຄອງ, ຮັບຊົມ ການສະແດງສີລະປະວັນນະຄະ ພື້ນບ້ານຈາກຊາວໜຸ່ມ ແລະນັກ ຮຽນ, ໃນໂອກາດນີ້ທາງຄະນະນໍາເມືອງຫົງສາ ຍັງໄດ້ມອບເຄື່ອງ ນຸ່ງຈໍານວນໜຶ່ງໃຫ້ບ້ານດັ່ງກ່າວ ຕື່ມອີກ.

___________

ຮຽບຮຽງໂດຍ: ນັກຂ່າວເມືອງ

แชร์