7 ໂຮງຮຽນເມືອງນອງໄດ້ຮັບອຸປະກອນການຮຽນ ແລະເຄື່ອງນຸ່ງຮົ່ມ

   ວັນທີ 13 ມັງກອນ ຜ່ານມາ ຜູ້ປະກອບການທີ່ມາຈາກປະເທດ ເພື່ອນບ້ານ (ປະເທດໄທ) ໄດ້ ມອບອຸປະກອນການຮຽນ-ການ ກີລາ ແລະເຄື່ອງນຸ່ງຮົ່ມໃຫ້ກັບ 7 ໂຮງຮຽນຂອງເມືອງນອງ ຊຶ່ງນຳພາຂະບວນການໄປມອບແຈກຢາຍເຄື່ອງຄັ້ງນີ້ມີ ທ່ານ ກາດຳ ເຜີຍຊະນະວົງ ຫົວໜ້າຫ້ອງການ ສຶກສາທິການ ແລະກີລາເມືອງນອງ ພ້ອມທິມງານ, ພະອາຈານປັນຍາ ສີບຸນ ເຈົ້າອະທິການວັດປ່າໂຄກ ສະຫ່ວາງ ແຂວງສະກົນນະຄອນ, ທ່ານ ກາຍ ອິນທະລະໂສພາ ຈາກ ແຂວງບູລີລຳ, ທ່ານ ໄຊຢຸດ ເກສອນຈັນ ມາຈາກແຂວງຢະໂສ ທອນປະເທດໄທ.

 ທັງນີ້ກໍ່ເພື່ອເປັນການຊ່ວຍເຫຼືອ ເຊິ່ງກັນ ແລະກັນ ເພື່ອເປັນການ ສ້າງຄວາມສຳພັນທະໄມຕີລະຫວ່າງ ປະເທດເພື່ອນບ້ານທີ່ເຫັນໄດ້ເຖິງ ຄວາມສຳຄັນເປັນຕົ້ນແມ່ນຍັງຂາດ ເຂີນອຸປະກອນຕ່າງໆດ້ານການ ຮຽນ, ດ້ານການສຶກສາ ແລະເປັນ ໂຮງຮຽນທີ່ຢູ່ຫ່າງໄກສອກຫຼີກ, ໂດຍໄດ້ມີການປະສານສົມທົບກັບ ຫ້ອງການສຶກສາທິການ  ແລະກີລາ ເມືອງນອງ ເປັນອັນລະອຽດ.

ດັ່ງນັ້ນທາງຜູ້ປະກອບການ ຈາກປະເທດເພື່ອນບ້ານ ຈຶ່ງໄດ້ນຳ ເອົາອຸປະກອນການຮຽນ-ການ ກີລາ ແລະເຄື່ອງນຸ່ງຮົ່ມຈຳນວນ ໜຶ່ງມອບໃຫ້ 7 ໂຮງຮຽນຂອງ ເມືອງນອງ ແຂວງສະຫວັນນະເຂດຄື: ໂຮງຮຽນບ້ານປະລ໋ອຍ, ໂຮງຮຽນບ້ານປະເຊ໋ຍ, ໂຮງຮຽນ ບ້ານສະຫຼາງ, ໂຮງຮຽນບ້ານພູນໝາກມີ້, ໂຮງຮຽນບ້ານຜູ້ໄທ, ໂຮງ ຮຽນບ້ານສະແຫຼງ ແລະໂຮງຮຽນບ້ານຊວງໃຫຍ່ມີຈຳນວນນັກຮຽນທີ່ໄດ້ຮັບເຄື່ອງໃນຄັ້ງນີ້ 375 ຄົນ, ຍິງ191 ຄົນ.

ສ່ວນລາຍການເຄື່ອງທີ່ນຳມາມອບຄັ້ງນີ້ມີ: ບານສົ່ງ 20 ຊຸດ, ກະຕໍ້ 20 ຊຸດ, ບານເຕະ 20  ໜ່ວຍ, ປຶ້ມ 550 ຫົວ, ບິກ 1.200 ກ້ານ,ສໍສີ 550 ກັບ ແລະເຄື່ອງນຸ່ງຮົ່ມ ຂອງເດັກນ້ອຍ 550 ໂຕຄິດໄລ ເປັນເງິນບາດຈຳນວນ 80 ພັນບາດເປັນເງິນກີບ 20 ລ້ານກວ່າ ກີບ.

แชร์