ເມືອງປາກງື່ມ ປັກດໍາເຂົ້ານາແຊງໃກ້ສໍາເລັດແລ້ວ

  ການຜະລິດເຂົ້ານາແຊງ ຂອງຊາວກະສິກອນເມືອງປາກງື່ມ ນະຄອນຫຼວງວຽງຈັນ ມາຮອດປະ ຈຸບັນແມ່ນສໍາເລັດແລ້ວ 90% ຂອງເນື້ອທີ່ແຜນການ 2 ພັນກວ່າ ເຮັກຕາ ແລະຄາດວ່າໃນທ້າຍເດືອນ ມັງກອນນີ້ຈະໃຫ້ສໍາເລັດ 100%.

  ທ່ານ ຄໍາແສນ ສົມພານດີ ຮອງ ຫົວໜ້າຫ້ອງການກະສິກໍາ ແລະ ປ່າໄມ້ ເມືອງປາກງື່ມ ໃຫ້ຮູ້ວ່າ:ລະດູການຜະລິດເຂົ້ານາແຊງສົກປີ 2019-2020 ເມືອງປາກງື່ມ ມີເນື້ອທີ່ແຜນການ 2.196 ເຮັກ ຕາ ໃນ 14 ໂຄງການຊົນລະປະ ທານ ຊຶ່ງຂະແໜງການກ່ຽວຂ້ອງ ໄດ້ປຸກລະດົມໃຫ້ປະຊາຊົນມີຄວາມ ຕື່ນຕົວໃນການຜະລິດສະບຽງອາ ຫານ ແລະຜະລິດເປັນສິນຄ້າໃຫ້ ເປັນຂະບວນການຟົດຟື້ນປະກອບ ສ່ວນໃນການປັບປຸງສ້ອມແປງລະ ບົບຊົນລະປະທານຄອງເໝືອງ ຕ່າງໆ ເພື່ອເຮັດໃຫ້ການຜະລິດໄດ້ ທ່ວງທັນກັບລະດູການ ແລະຮັບປະກັນການສະໜອງນໍ້າໄດ້ຢ່າງ ພຽງພໍຕາມເນື້ອທີ່ແຜນການທີ່ວາງ ໄວ້, ມາຮອດປະຈຸບັນການປັກດຳ ນາແຊງສາມາດປະຕິບັດໄດ້ 90% ໃນເນື້ອທີ່ແຜນການໃນນີ້ນາຫວ່ານ ກວມເອົາເນື້ອທີ່ 70% ແລະນາ ດຳດ້ວຍກົນຈັກທີ່ທັນສະໄໝນາ ຢອດ ແລະນາໂຍນ 30%, ຂະນະ ທີ່ການຜະລິດປີ 2019 ເມືອງປາກ ງື່ມສາມາດປະຕິບັດເກັບກ່ຽວຜົນ ຜະລິດໄດ້ທັງໝົດ 11.200 ເຮັກ ຕາ ແລະໄດ້ຮັບຜົນເສຍຫາຍຈາກ ທຳມະຊາດປະມານ 1.500 ເຮັກຕາ.

  ສ່ວນການຜະລິດພືດຜັກໄດ້ ເລັ່ງໃສ່ຢູ່ບ້ານໝາກນາວເຂດຫ້ວຍ ໝາກຮຽວ ແລະເຂດບ້ານທ່າຊ້າງ ເພື່ອເປັນສິນຄ້າສົ່ງອອກສູ່ຕະຫຼາດ ຊຶ່ງຜົນຜະລິດໃນປີຜ່ານມາສາມາດ ສະໜອງຜົນຜະລິດໃຫ້ນະຄອນ ຫຼວງວຽງຈັນ ໄດ້ອາທິດໜຶ່ງປະ ມານ 15 ໂຕນ, ພ້ອມນັ້ນປະຊາ ຊົນໃນເຂດດັ່ງກ່າວຍັງມີຄວາມຕື່ນ ຕົວໃນການປູກຝັງຜະລິດພືດຕາມ ລະດູການທີ່ສັງຄົມໃຫ້ຄວາມຕ້ອງການເຊັ່ນ: ໝາກໂມ, ໝາກແຕງ, ສາລີຫວານ ແລະພືດຜັກ, ພືດກະ ສິກຳອິນຊີອື່ນໆອີກ.

___________

ຂ່າວ: ກິ່ງລັດຕະນະ 

แชร์