ປະເມີນຜົນໂຄງການຄໍ້າປະກັນສະບຽງອາຫານ

 ກອງປະຊຸມລາຍງານປະເມີນຜົນການຈັດຕັ້ງປະຕິບັດເຄິ່ງ ໂຄງການ ແລະໂຄງການຄໍ້າປະກັນ ສະບຽງອາຫານຕິດພັນກັບການ ເຮັດກະສິກຳ ແລະບໍລິຫາຊັບພະຍາ ກອນທຳມະຊາດ ປະຈຳປີ 2019 ແລະວາງທິດທາງແຜນການປະຈຳ ປີ 2020 ທີ່ອົງການອາສາສະໝັກ ຍີ່ປຸ່ນປະຈຳລາວ (JVC) ໃຫ້ການຊ່ວຍເຫຼືອພາຍໃນ ແຂວງສະຫວັນນະເຂດທີ່ໄດ້ຈັດຂຶ້ນທີ່ຫ້ອງປະຊຸມພະແນກກະສິກຳ ແລະປ່າໄມ້ແຂວງ ສະຫວັນນະເຂດ, ໂດຍການເປັນປະທານຂອງທ່ານ ທ່ອນແກ້ວ ພຸດ ທະໄກຍະລາດ ຮອງເຈົ້າແຂວງ ສະຫວັນນະເຂດ, ມີພະແນກການ, ອົງການຈັດຕັ້ງພາກລັດທີ່ກ່ຽວຂ້ອງພ້ອມດ້ວຍຜູ້ປະສານງານ, ຜູ້ອຳນວຍການ ແລະພະນັກງານຂອງອົງການ JVC ເຂົ້າຮ່ວມ.

 ໃນກອງປະຊຸມໄດ້ລາຍງານຄວາມຄືບໜ້າ ແລະຜົນສຳເລັດຂອງໂຄງການຄໍ້າປະກັນສະບຽງອາຫານຕິດພັນກັບການເຮັດກະສິກຳ ແລະບໍລິຫານຊັບພະຍາກອນທຳມະຊາດ (FSAMNS) ໃນໄລຍະເຄິ່ງໂຄງການໄດ້ກວມເອົາ 4 ອົງປະກອບຫຼັກຄື: ການຜະລິດກະສິກຳ, ການບໍລິຫານຊັບພະຍາກອນທຳມະຊາດ, ການເຂົ້າເຖິງນໍ້າສະອາດ ແລະການກໍ່ສ້າງໂຮງຮຽນຊາວນາ ແລະບັນດາອົງປະກອບຫຼັກຂອງໂຄງການປະກອບມີຫຼາຍກິດຈະກໍາຍ່ອຍລວມມີ 17 ໜ້າວຽກ, ສ່ວນບ້ານເປົ້າໝາຍຂອງໂຄງການທັງໝົດມີເນື້ອທີ 407.6 ເຮັກຕາ ແລະມີ 445 ຄອບຄົວ, ຊຶ່ງໄດ້ຮັບການສະໜັບສະໜູນທຶນຈາກອົງການອາສາສະໝັກຍີ່ປຸ່ນປະຈຳລາວ ເພື່ອຈັດຕັ້ງປະຕິບັດກິດຈະກຳໂຄງການພາຍໃນ 10 ບ້ານ ຢູ່ໃນ 2 ເມືອງ (ຊຶ່ງມີເມືອງລະ 5 ບ້ານ) ຄື: ເມືອງອາດສະພັງທອງ ແລະເມືອງພີນ.

  ການປະເມີນຜົນໄລຍະເຄິ່ງໂຄງການໃນຄັ້ງນີ້ແມ່ນໄດ້ເນັ້ນໃສ່ການສຳຫຼວດ ແລະການປະເມີນຄວາມຄືບໜ້າຂອງກິດຈະກຳໂຄງການທີ່ໄດ້ຈັດຕັ້ງປະຕິບັດນັບແຕ່ເດືອນເມສາ 2018 ຫາເດືອນ ມີນາ 2021 ຊຶ່ງໃຊ້ງົບປະມານ 4,82 ແສນໂດລາສະຫະລັດ ເພື່ອສ້າງຄວາມເຂັ້ມແຂງໃຫ້ແກ່ກຸ່ມຊາວ ບ້ານເປົ້າໝາຍເພື່ອຮັບປະກັນທາງດ້ານສະບຽງອາຫານ, ເພື່ອສ້າງຄວາມອາດສາມາດໃຫ້ແກ່ຄູ່ຮ່ວມງານພາກລັດໃນການຈັດຕັ້ງ ປະຕິບັດ ແລະຄຸ້ມ ຄອງກິດຈະກຳຂອງປະຊາຊົນໃຫ້ສາມາດປັບປຸງ ແລະຮັບປະກັນດ້ານສະບຽງອາຫານຂອງຕົນໂດຍຜ່ານການເຮັດກະສິກຳດຳເນີການຝຶກອົບຮົມ ແລະປະຊາຊົນໃນບ້ານໄດ້ມີການຈັດຕັ້ງປະຕິບັດເຕັກນິກທາງດ້ານກະສິກຳ, ປະຊາຊົນສາມາດສ້າງລະບົບຄຸ້ມຄອງຊັບພະຍາກອນທຳມະຊາດ ເພື່ອຮັບປະກັນທາງດ້ານສະບຽງອາຫານໂດຍຜ່ານການໃຊ້ຊັບພະຍາກອນແບບຍືນຍົງ, ປະຊາຊົນຈະມີນໍ້າດື່ມ-ນໍ້າໃຊ້ທີ່ສະອາດຕະຫຼອດປີ ແລະສະໜັບສະໜູນ ການກໍ່ສ້າງໂຮງຮຽນຊາວນາທີ່ ເມືອງອາດສະພັງທອງ ແລະສ້າງສະໂມສອນຝຶກອົບຮົມຊາວນາຂອງສະຖານີບໍລິການເຕັກນິກກະສິກຳທີ່ເມືອງພີນ ພ້ອມນີ້ໃນກອງປະຊຸມກໍ່ຍັງໄດ້ປະກອບຄຳເຫັນແລກປ່ຽນກ່ຽວກັບການຈັດຕັ້ງປະຕິບັດວຽກງານຂອງໂຄງການເພື່ອໃຫ້ການຈັດຕັ້ງປະຕິບັດໄລຍະຕໍ່ ໄປຖືກຕ້ອງຕາມເປົ້າໝາຍ.

แชร์