ຊຽງຂວາງໄດ້ຮັບການຊ່ວຍເຫຼືອ 300 ລ້ານກວ່າກີບ

  ໃນໂອກາດທີ່ຄອບຄົວການນຳຂັ້ນສູງ ພ້ອມດ້ວຍຄະນະໄດ້ເດີນ ທາງມາຮ່ວມພິທີຍົກເກດພະເຈົ້າອົງຫຼວງປາງປະທານພອນ ແລະງານເທສະການບຸນເຂົ້າໄກ່ນ້ອຍປະຈຳປີ 2019 ທີ່ແຂວງຊຽງຂວາງ.

ໃນວັນທີ 11 ມັງກອນ 2020 ຢູ່ທີ່ຫ້ອງວ່າການແຂວງ ປ້າຄຳເມິງ ວໍລະຈິດ ໄດ້ຕາງໜ້າບໍລິສັດໄອເຮັຈຊີ (IHC) ມອບເງິນຈຳນວນ 100 ລ້ານກີບ, ເສື້ອກັນໜາວ ມູນຄ່າ 20.000 ໂດລາສະຫະລັດ ແລະບໍລິສັດ ເຄພີບີ (KPB) ກໍ່ສ້າງ ແລະພັດທະນາຈຳກັດມອບເກີບ ມູນຄ່າ 56 ລ້ານ ກີບ ໃຫ້ແຂວງຊຽງຂວາງໃຫ້ກຽດຮັບ ໂດຍທ່ານ ບຸນຕົ້ນ ຈັນທະພອນ ເຈົ້າແຂວງໆຊຽງຂວາງ ພ້ອມດ້ວຍຄະນະ, ຊຶ່ງເງິນຈຳນວນດັ່ງກ່າວ ແມ່ນໃຫ້ນຳໃຊ້ເຂົ້າໃນການບໍລິຫານໃນງານມະຫາກຳກີລາແຫ່ງຊາດຄັ້ງ ທີ 11, ເສື້ອກັນໜາວ ແລະເກີບແມ່ນໃຫ້ນຳໄປມອບໃຫ້ຄອບຄົວທຸກຍາກທີ່ຢູ່ເຂດຫ່າງໄກຊອກຫຼີກ.

  ທ່ານເຈົ້າແຂວງໆຊຽງຂວາງ ກໍ່ໄດ້ກ່າວສະແດງຄວາມຂອບໃຈຕໍ່ຄອບ ຄົວການນຳຂັ້ນສູງ ແລະບໍລິສັດທີ່ເປັນຫ່ວາງເປັນໄຍໃຫ້ການຊ່ວຍເຫຼືອ ແຂວງຊຽງຂວາງກໍ່ຄືປະຊາຊົນຊາວຊຽງຂວາງເສືອ ແລະເກີບແມ່ນ ຈະນຳໄປມອບໃຫ້ເມືອງ ເພື່ອໃຫ້ເມືອງນຳໄປມອບໃຫ້ບ້ານ ແລະຄອບ ຄົວທີ່ທຸກຍາກທີ່ຢູ່ເຂດຫ່າງໄກເປັນຕົ້ນແມ່ນກຸ່ມບໍກໍ ແລະກຸ່ມບໍເຍຍເມືອງ ໜອງເຮດ.

--------

ຂ່າວ: ບຸນມີ ແສງທຸມມີ 

แชร์