ສູນສະຖິຕິແຫ່ງຊາດຊະນະແຂວງວຽງຈັນບານເຕະຊົມເຊີຍວັນສ້າງຕັ້ງກອງທັບ

   ທີມສູນສະຖິຕິແຫ່ງຊາດສາມາດບຸກໄປເອົາຊະນະທີມສູນສະຖິຕິແຂວງວຽງຈັນໄປໄດ້ແບບຫວຸດຫວິດ 10-9 ປະຕູໃນການແຂ່ງຂັນເຕະບານມິດຕະພາບເພື່ອສ້າງຂະບວນການຊົມເຊີຍວັນສ້າງຕັ້ງກອງທັບປະຊາຊົນລາວຄົບຮອບ 70 ປີ (20 ມັງກອນ 1949-20 ມັງກອນ 2019) ແລະຕ້ອນຮັບວັນສ້າງຕັ້ງສະຫະພັນກຳມະບານລາວຄົບຮອບ 63 ປີ (1 ກຸມພາ 1956-1 ກຸມພາ 2019) ທີ່ກຳລັງຈະໝູນວຽນມາບັນຈົບຄົບຮອບອີກວາລະໜຶ່ງໃນປີນີ້ໃຫ້ມີບັນຍາກາດຟົດຟື້ນ ແລະເບີກບານມ່ວນຊື່ນ.

   ກິດຈະກຳແຂ່ງຂັນກີລາເຕະບານມິດຕະພາບຄັ້ງນີ້ໄດ້ຈັດຂຶ້ນເມື່ອວັນທີ 26 ມັງກອນຜ່ານມາທີ່ເດີ່ນເຕະບານຫຍ້າທຽມນັດພົບເມືອງວຽງຄຳແຂວງວຽງຈັນ, ໂດຍໃຫ້ກຽດເຂົ້າຮ່ວມຂອງທ່ານ ສະໃໝຈັນ ບຸບຜາ ຮອງລັດຖະມົນຕີກະຊວງແຜນການ ແລະການລົງທຶນ, ທັງເປັນຫົວໜ້າສູນສະຖິຕິແຫ່ງຊາດ ແລະທ່ານ ສີນວນ ຈັນທະວົງ ຫົວໜ້າສູນສະຖິຕິແຂວງວຽງຈັນ, ມີພະນັກງານ ແລະພາກສ່ວນທີ່ກ່ຽວຂ້ອງທັງ 2 ພາກສ່ວນເຂົ້າຮ່ວມ.

   ການແຂ່ງຂັນກີລາຄັ້ງນີ້ນອກຈາກເປັນການສ້າງຂະບວນການຊົມເຊີຍວັນສ້າງຕັ້ງກອງທັບປະຊາຊົນລາວຄົບຮອບ 70 ປີ (20 ມັງກອນ 1949-20 ມັງກອນ 2019) ແລະຕ້ອນຮັບວັນສ້າງຕັ້ງສະຫະພັນກຳມະບານລາວຄົບຮອບ 63 ປີ (1 ກຸມພາ 1956-1 ກຸມພາ 2019) ທີ່ກຳລັງຈະໝູນວຽນມາບັນຈົບຄົບຮອບອີກວາລະໜຶ່ງໃນປີນີ້ໃຫ້ມີບັນຍາກາດຟົດຟື້ນ ແລະເບີກບານມ່ວນຊື່ນແລ້ວຍັງເປັນການຮັດແໜ້ນຄວາມສາມັກຄີຮັກແພງລະຫວ່າງຄະນະນຳ ແລະພະນັກງານທັງ 2 ພາກສ່ວນໃຫ້ມີຄວາມແໜ້ນແຟ້ນ ແລະໃກ້ຊິດຕິດແທດກັນແນໃສ່ເຮັດໃຫ້ຂອດການປະສານວຽກງານລະຫວ່າງສອງຝ່າຍໃຫ້ມີຄວາມວ່ອງໄວຂຶ້ນໃນອະນາຄົດ. ຜ່ານການແຂ່ງຂັນຜົນປາກົດວ່າທີມສູນສະຖິຕິແຫ່ງຊາດທີ່ຫຼິ້ນໄດ້ດີກວ່າເອົາຊະນະທີມສູນສະຖິຕິແຂວງວຽງຈັນໄປໄດ້ 10-90 ປະຕູ.

แชร์