ແຂ່ງຂັນກີລາມິດຕະພາບນັກຮຽນແຂວງພາກເໜືອລາວ ແລະແຂວງດຽນບຽນ

  ການແຂ່ງຂັນກີລາມິດຕະພາບ ແລະແລກປ່ຽນສີລະປະ-ວັນນະຄະດີນັກຮຽນຊັ້ນມັດທະຍົມສຶກສາລະຫວ່າງແຂວງບໍ່ແກ້ວ, ຫຼວງນໍ້າທາ, ອຸດົມໄຊ, ຜົ້ງສາລີ, ແຂວງຫຼວງພະບາງ ສປປ ລາວ ແລະແຂວງດຽນບຽນ ສສ ຫວຽດນາມ ຄັ້ງທີ XII ທີ່ແຂວງບໍ່ແກ້ວເປັນເຈົ້າພາບໃນລະຫວ່າງວັນທີ 6-10 ມັງກອນ ຜ່ານມາໂດຍການເເຂ່ງຂັນປະກອບມີ 4 ປະ ເພດກີລາຄື: ບານເຕະຊາຍມີ 6 ທີມ, ດອກປີກໄກ່ຄູ່ຍິງມີ 4 ທີມ, ຄູ່ຊາຍມີ 4 ທີມ ແລະຄູ່ປະສົມ 4 ທີມ, ກະຕໍ້ຍິງ 4 ທີມ, ກະຕໍ້ຊາຍ 5 ທີມ, ໜ້າເກັກຄູ່ຍິງມີ 6 ທີມ, ຄູ່ຊາຍມີ 6 ທີມ ແລະຄູ່ປະສົມ 6 ທີມ.

  ຜ່ານການແຂ່ງຂັນປະເພດກີລາບານເຕະ (ຊາຍ) ອັນດັບທີ 1 ໄດ້ແກ່ແຂວງຫຼວງພະບາງ, ອັນດັບທີ2 ແຂວງຫຼວງນໍ້າທາ, ອັນດັບທີ3 ແຂວງບໍ່ແກ້ວ ແລະ ອັນດັບທີ4 ແຂວງອຸດົມໄຊ, ດອກປີກໄກ່ຄູ່ຍິງ ອັນດັບທີ 1 ແຂວງດຽນບຽນ ສສ ຫວຽດນາມ, ອັນດັບທີ 2 ແຂວງ ອຸດົມໄຊ ແລະອັນດັບທີ 3 ແຂວງບໍ່ແກ້ວ ແລະແຂວງຫຼວງພະບາງ, ປະເພດຄູ່ຊາຍອັນດັບທີ 1 ແຂວງ ດຽນບຽນ ສສ ຫວຽດນາມ, ອັນ ດັບທີ 2 ແຂວງຫຼວງພະບາງ ແລະ ອັນດັບທີ 3 ແຂວງບໍ່ແກ້ວ-ອຸດົມ ໄຊແລະ ຄູ່ປະສົມອັນດັບທີ 1 ແຂວງດຽນບຽນ ສສ ຫວຽດນາມ, ອັນ ດັບທີ 2 ແຂວງອຸດົມໄຊ ແລະອັນດັບທີ 3 ແຂວງບໍ່ແກ້ວ ແລະແຂວງຫຼວງພະບາງ.

 ສ່ວນປະເພດກີລາກະຕໍ້ຍິງອັນດັບທີ 1 ແຂວງຫຼວງພະບາງ, ອັນດັບທີ 2 ແຂວງຫຼວງນໍ້າທາ, ອັນດັບທີ 3 ແຂວງຜົ້ງສາລີ, ອັນດັບທີ 4 ແຂວງບໍ່ແກ້ວ ແລະທີມຊາຍ ອັນດັບທີ 1 ແຂວງບໍ່ແກ້ວ, ອັນດັບທີ 2 ແຂວງຫຼວງພະບາງ, ອັນດັບທີ 3 ແຂວງອຸດົມໄຊ, ອັນດັບທີ 4 ແຂວງຫຼວງນໍ້າທາ, ກີລາປະເພດໜ້າເກັກຄູ່ຍິງໄລຍະ 10 ແມັດອັນດັບທີ 1 ແຂວງຫຼວງພະບາງ, ອັນດັບທີ 2 ແຂວງຜົ້ງສາ ລີ, ອັນດັບທີ3 ແຂວງດຽນບຽນ ສສ ຫວຽດນາມ, ອັນດັບທີ 4 ແຂວງອຸດົມໄຊ, ຄູ່ຊາຍ 15 ແມັດ ອັນດັບທີ 1 ແຂວງຫຼວງນໍ້າທາ,ອັນດັບທີ 2 ແຂວງອຸດົມໄຊ, ອັນດັບທີ 3 ແຂວງດຽນບຽນ ສສ ຫວຽດນາມ, ອັນດັບທີ 4 ແຂວງຜົ້ງສາລີ ແລະປະເພດຄູ່ປະສົມໄລ ຍະ 10 ແມັດ ອັນດັບທີ 1 ແຂວງ ຜົ້ງສາລີ, ອັນດັບທີ 2 ແຂວງຫຼວງພະບາງ, ອັນດັບທີ 3 ແຂວງອຸດົມໄຊ, ອັນດັບທີ 4 ແຂວງດຽນບຽນ ສສ ຫວຽດນາມ.

  ສະຫຼຸບຜົນການແຂ່ງຂັນອັນດັບທີ 1 ແຂວງຫຼວງພະບາງ ໄດ້ຮັບລາງວັນຫຼຽນຄຳ 3 ປະເພດ, ຫຼຽນເງິນ 3 ປະເພດ ແລະ ຫຼຽນທອງ 2 ປະເພດ, ອັນດັບທີ 2 ແຂວງດຽນບຽນ ສສ ຫວຽດນາມ ໄດ້ຮັບຫຼຽນຄຳ 3 ປະເພດ, ຫຼຽນທອງ 1 ປະເພດ, ອັນດັບທີ 3 ຫຼວງນໍ້າທາໄດ້ຮັບຫຼຽນຄຳ 1 ປະເພດ, ຫຼຽນເງິນ 2 ປະເພດ, ອັນດັບທີ 4 ແຂວງ ຜົ້ງສາລີ ໄດ້ຮັບຫຼຽນຄຳ 1 ປະເພດ, ຫຼຽນເງິນ 1 ປະເພດ ແລະຫຼຽນທອງ 1 ປະເພດ, ອັນດັບທີ 5 ແຂວງບໍ່ແກ້ວ ເຈົ້າພາບໄດ້ຮັບຫຼຽນຄຳ 1 ປະເພດ ແລະຫຼຽນທອງ 2 ປະເພດ, ສ່ວນແຂວງອຸດົມໄຊເປັນອັນດັບທີ 6 ຂອງຕະຕາລາງ ໄດ້ຮັບລາງວັນຫຼຽນເງິນ 2 ປະເພດ ແລະຫຼຽນທອງ 2 ປະເພດ.

____________

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์