ອາດສະພອນ ປະກາດ 23 ບາ້ນປອດຢາເສດຈິດ

  ພິທີປະກາດນາມມະຍົດ ບ້ານປ້ອງກັນຄວາມສະຫງົບດີ ໃຫ້ 66 ບ້ານ ແລະບ້ານປອດຢາເສບຕິດຈຳນວນ 23 ບ້ານຂອງເມືອງອາດສະພອນໄດ້ຈັດຂຶ້ນໃນວັນທີ 10 ມັງກອນ 2020 ທີ່ສະໂມສອນຂອງເມືອງດັ່ງກ່າວໂດຍການເຂົ້າຮ່ວມຂອງທ່ານ ສີສຸກເທບທານີ ຮອງເຈົ້າເມືອງອາດສະພອນ, ມີທ່ານ ພັທ ສັງທອງ ສີປະເສີດ ຮອງຫົວໜ້າກອງບັນຊາການ ປກສ ແຂວງ, ມີບັນດາທ່ານຫົວໜ້າຫ້ອງການ, ເລຂາພັກບ້ານ-ນາຍບ້ານພ້ອມດ້ວຍກຳລັງ ປກສ ເຂົ້າຮ່ວມ.

  ໃນພິທີໄດ້ຮັບຟັງການຜ່ານບົດສະຫຼຸບການຈັດຕັ້ງປະຕິບັດວຽກງານການສ້າງບ້ານປ້ອງກັນຄວາມສະຫງົບດີ ແລະບ້ານປອດຢາເສບຕິດໃນໄລຍະ 01 ປີຜ່ານມາ, ຈາກນັ້ນກໍ່ໄດ້ມີການຜ່ານຂໍ້ຕົກລົງຂອງທ່ານເຈົ້າແຂວງສະຫວັນນະເຂດ ສະບັບເລກທີ 2456/ຈຂ.ສຂ ແລະ 2468/ຈສ.ສຂ ລົງວັນທີ 24 ທັນວາ 2019 ວ່າດ້ວຍການຮັບຮອງເອົາບ້ານປ້ອງກັນຄວາມສະຫງົບດີເຊິ່ງປະກອບມີ 3 ສະໄໝຄື: ສະໄໝ ທີ I ມີ 18 ບ້ານ,ສະໄໝທີ II ມີ 21 ບ້ານ ແລະສະໄໝທີ III ມີ 27 ບ້ານ, ແລະ ຂໍ້ຕົກລົງຮັບຮອງເອົາບ້ານປອດຢາເສບຕິດຈຳນວນ 23 ບ້ານຫຼັງຈາກນັ້ນ, ໃນພິທີກໍ່ໄດ້ມີການມອບຮັບໃຢັ້ງຢືນບ້ານປ້ອງກັນຄວາມສະຫງົບດີໂດຍການກ່າວມອບຂອງ ທ່ານ ພັທ ສັງທອງ ສີປະເສີດ ແລະຕາງໜ້ານາຍບ້ານ 66 ບ້ານກ່າວຮັບ.

_____________

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

 

แชร์