ເປີດງານວາງສະແດງຜະລິດຕະພັນເຟີນີເຈີໄມ້ລາວ ຄັ້ງທີ 6

 ງານວາງສະແດງຜະລິດຕະພັນເຟີນີເຈີໄມ້ລາວຄັ້ງທີ 6 ປະຈຳປີ 2020 ເປີດຢ່າງເປັນທາງການໃນວັນທີ 13 ມັງກອນ ຜ່ານມາທີ່ສູນການຄ້າລາວໄອ-ເຕັກ ນະຄອນ ຫຼວງວຽງຈັນ ໂດຍເຂົ້າຮ່ວມຂອງ ທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະການຄ້າ, ທ່ານ ກອງມາລາ ພົມມາໄລ ຮອງປະທານສະມາຄົມເຟີນີເຈີລາວ, ພ້ອມດ້ວຍບັນດາຫົວໜ່ວຍທຸລະກິດ, ບັນດາສະມາຊິກສະມາຄົມເຟີນີເຈີ ແລະພາກສ່ວນທີ່ກ່ຽວຂ້ອງເຂົ້າຮ່ວມ.

  ທ່ານ ກອງມາລາ ພົມມາໄລ ກ່າວວ່າ: ການຈັດງານຄັ້ງນີ້ກໍເພື່ອຜັນຂະຫຍາຍຕາມເນື້ອໃນຂອງແຈ້ງການຄໍາສັ່ງເລກ ທີ15/ນຍ ໃຫ້ປາກົດຜົນເປັນຈິງ, ເປັນການອະ ນຸລັກຮັກສາປ່າໄມ້, ການນຳໃຊ້ໄມ້ໃຫ້ເກີດປະໂຫຍດສູງສຸດ ແລະມີໄມ້ໄວ້ໃຊ້ຢ່າງຍືນຍົງໂດຍການປຸງແຕ່ງໃຫ້ເປັນຜະລິດຕະພັນສຳເລັດຮູບຈາກໄມ້, ຫວາຍ ແລະໄມ້ປ່ອງ ໃຫ້ມີຫຼາກຫຼາຍຜະລິດຕະພັນຕາມທີ່ສັງຄົມປະຈຸບັນຕ້ອງການ ແລະ ເປັນທີ່ນິຍົມກັນຢູ່ດ້ວຍການນຳໃຊ້ເຕັກໂນໂລຊີທີ່ທັນສະໄໝ ແລະ ທັງເປັນການສ້າງມູນຄ່າເພີ່ມໃຫ້ກັບຜະລິດຕະພັນເຟີນີເຈີໄມ້ລາວໃຫ້ກາຍເປັນສີນຄ້າທີ່ມີຄຸນນະພາບ ແລະລາຄາສູງຖືກຕາມຄວາມຕ້ອງການຂອງລູກຄ້າ ແລະ ຕະຫຼາດເຮັດໃຫ້ສາມາດສົ່ງອອກຕ່າງປະ ເທດໄດ້, ຍັງເປັນການສ້າງວຽກເຮັດງານທຳໃຫ້ກັບປະຊາຊົນບັນດາເຜົ່າ, ຕ້ານໄພວ່າງງານ ແລະຊ່ວຍໃຫ້ຫຼຸດພົ້ນຈາກຄວາມທຸກຍາກຕື່ມອີກໃນອະນາຄົດ.

 

 ພາຍໃນງານຄາດຄະເນຈະມີມູນຄ່າຊື້-ຂາຍທັງໝົດ 70-80% ຈາກສິນຄ້າທີ່ມາຮ່ວມມູນຄ່າທັງໝົດ 10 ຕື້ກວ່າກີບ ໂດຍຄາດວ່າຈະມີຜູ້ທີ່ຈະເຂົ້າຊົມງານບໍ່ຫຼຸດ 2 ແສນຄົນ ໂດຍຫ້ອງວາງສະແດງມີຫົວໜ່ວຍທຸລະກິດຈັບຈອງ 164 ຫ້ອງ ໂດຍຫົວໜ່ວຍທຸລະກິດ ແລະ ໂຮງງານທີ່ເຂົ້າຮ່ວມ 68 ຫົວໜ່ວຍ ຈາກ 11 ແຂວງ 1 ນະຄອນຫຼວງນອກຈາກນີ້ຍັງມີຫົວໜ່ວຍທຸລະກິດໂອດັອບອີກຈຳນວນ 26 ຫ້ອງ ຊຶ່ງກິດຈະກໍາໃນງານນອກຈາກມີການວາງສະແດງຊື້-ຂາຍສິນຄ້າ, ຍັງມີການສາທິດການຜະລິດເຄື່ອງເຟີນີເຈີໄມ້ ແລະ ແກະສະຫຼັກໄມ້, ຈົກສະຫຼາກຊີງລາງວັນ, ການສະແດງສີນລະປະດົນຕີ ແລະ ອື່ນໆອີກຫຼາກຫຼາຍກິດຈະກຳໃນທຸກຄໍ່າຄືນໂດຍເຊີນ ຊວນພໍ່ແມ່ປະຊາຊົນລາວທຸກໆຄົນເຂົ້າຮ່ວມຊົມ ແລະຊື້ສິນຄ້າພາຍໃນງານໄດ້ໂດຍງານດັ່ງກ່າວແມ່ນດຳເນີນໄປຈົນເຖິງວັນທີ 19 ມັງກອນ 2020.

____________

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

ບໍລິການໂຄສະນາທາງເຟສບຸກ ແລະເວັບໄຊ

ໂທ: 021 313645, 316511

แชร์